Айтылгъан алгъышлагъа АААМИИИН!))
Мен да алгъышлайма, Аллах толу юйдегили этсин! Ийманлы болугъуз!
Энди къууанчдан бир кесек хапар:
Аллах разы болсун, мени да чакъырды, баргъан да этдим. Кёзлерим кесибизникилени (форумчуланы) изледи, Халиматны кёрюрмем десем, кёралмадым))
АЛАНУЛАНыбыз анда болгъаны бек таб болду, кюеуден да, андан да тансыгъымы алдым. Кёб тюрлю хапар айтыб, бизни кюлдюрдюргенлей турду. Ансы къарайма да, бир кёб адамны хапар айтыргъа да алай болуму джетмейди))
Сора бу форумда Фантомас ючюн Халимат нек уялчакъ деб айтханынг тюнене англадым, алгъалада эслемей эдим. Бир уялчакъ, тартынчакъ болду чыртданда, джунчуулу кёрюндю. Быллай бир уялырча не барды дерим келди))) Тюз айтханды.
Форумчубуз болуб, Эльбрусоидчи Артур да айлана эди, алай а видеолагъа башха алыучу болгъаны бла, бизни къайгъылы бек тюл эди. Дуния бла бир видео бла фотону алгъанча кёрюне эдиле Артур эм башхала. Интернетге салгъанла боллукъмудула билмейме.
Хар тюрлю джумушну бир ингирге сыйындыргъанын таб этди, алай а кечелеге къалгъандан эсе кюндюз этилсе быллай джумушла, табыракъ боллукъ эди, мени сагъышым бла.
Сыйландыкъ, нёгерлерибизни кёрдюк, кюеуге джёнгерлик этерге кюрешдик...))
*Бир къауум башха форумчуларыбыз да юйдегили болургъа хазырланадыла деген хапарны да эшитдим.
Nasib&Namisны ауруу джетсини ючюн айтама, джетгенча кёрюнеди. Аллах айтыб, ала къысха заманда юйленирле.