Кесими да къатышдыра, бир чам маталлы хапар джазайым)) бери келише болур деб ышанама.
Ётген байрым кюн Джумадан къайтыб келе, бир танышым танышыны мешнасына миндириб, ашырады. Мешнагъа миннгенлей, ол адам меннге къараб, сени биринчи кёргенимде ол телевизрда чыгъыучуса деб тура эдим, сен а анга ушагъан эте болурсе дейме, дейди. Бир кесек баргъандан сора, энди ол телевизрда чыгъыучу сенмисе деб, сорууну кёнделен салады. Мен а былай эшитгенлей да англагъанма кимге айтханын, сора экинчи сорса (1-чи ушатханды да англагъанды ол болмагъаны деб къойгъанма), мен ол болмагъанымы, алай кимге айтханыны билгеними, элчим болгъанын, кесин танымасам да (гитчеликден кёчюб кетгенди) атасын иги таныгъанымы, эки джанындан джууукъ джетген джууукъларыбыз да болгъанын, энди кеси бла танышлыгъымы англатдым. Эльбрусоидчи болгъаныбызны, аны бла иги кесек заманны таныш болгъаныбызны айтсам, англарыкъ тюл эди да, анга айтыб айланмадым. Кеси аллыма уа сейирсиндим, меннге бюгюннге дери чырт бир танышыбыз ушагъан хапарыбызны айтмагъан эди, кёзлюклерибиз, арыкълыгъыбыз, къарашинли болгъаныбыз, къысха сакъалыбыз, бет тюрсюнюбюз да узакъдан къарагъаннга кёре ушагъанча да эте огъуна болур деб, къойдум.
Сора бюгюн кюнорталада Понараманы къаты бла ёте тебрегенлей, бир орус къатын (45-50 джылла болгъан, интелегент сыфатлы) меннге къараб: "Кечериксиз, сиз ол телевизрда чыгъыучумусуз, огъесе ушагъанмы этесиз?" - десе боламыды))) Мен да бек уллу кюлгенден кесими кючден тыя, ышара-ышара, огъай, огъай дей, ётюб кетдим)))
Былай дуния къалай тар болуб къалгъанды неда Эльбрусоидчиле
аман иги ханслача джайылгъанбыз)))
Айтханымча, танышларыбыз, джууукъларыбыздан бусагъатха деричи эшитмеген хапарымы, бир ыйыкъдан да аз заманны ичинде эки эулен айтды. Джылла ёте, бир-бирибизге бек ушаймы барабыз огъесе деб, кюлеме кеси аллыма. Атын айтмагъаным (алай англагъан болурсуз кимге айтханымы, экибизни да таныгъан, телевизрдан хапары болгъанла уа англамай къоярыкъ болмазла) форумчуну юсю бла эшикде адамла таныб, сый бериб, къол салырымы башны излеб тебрегендиле энди)))
Чам хапар кибик болгъаны бла, сизни да кюлдюрейим деб джаздым, ансы кесими къатышдыргъаным ючюн кецхинлик