Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Ач да бол, токъ да бол – намысынга бек бол.
  • Къартны сыйын кёрмеген, къартлыгъында сыйлы болмаз.
  • Къарт айтханны этмеген, къартаймаз.
  • Гугурук къычырмаса да, тангны атары къалмаз.
  • Джумушакъ сёз къаты таякъны сындырыр.
  • Къайгъыны сюйген, къайгъы табар.
  • Кёл ашады да, кеси ашады.
  • Джюз элде джюз ёгюзюм болгъандан эсе, джюз джууугъум болсун.
  • Иши джокъну, сыйы джокъ.
  • Джангыз торгъай джырламаз.
  • Сютню башын джалагъан къутулур, тюбюн ичген тутулур.
  • Алим болгъандан эсе, адам болгъан къыйынды.
  • Тыш элде солтан болгъандан эсе, кесинги элде олтан болгъан игиди!
  • Айранны сюйген, ийнек тутар.
  • Джиби бир къат джетмей эди да, эки къат тарта эди.
  • Юйюнгден чыкъдынг – кюнюнгден чыкъдынг.
  • Бозанг болмагъан джерге, къалагъынгы сукъма.
  • Иги сеники эсе да, сюйген кесимикин этеме.
  • Кёзню ачылгъаны – иги, ауузну джабылгъаны – иги.
  • Мал ёлсе, сюек къалыр, адам ёлсе, иши къалыр.
  • Эски джаугъа ышанма.
  • Дуния малгъа сатылма, кесингден телиге къатылма.
  • Къралынгы – душмандан, башынгы от бла суудан сакъла.
  • Нафысынгы айтханын этме, намысынгы айтханын эт.
  • Тили узунну, намысы – къысха.
  • Билмезни кёзю кёрмез, этмезни къулагъы эшитмез.
  • Айран тёгюлсе, джугъусу къалыр.
  • Эрни эр этерик да, къара джер этерик да, тиширыуду.
  • Ариу – кёзге, акъыл – джюрекге.
  • Бозаны арты дауур болур.
  • Хар зат кесини орнуна иги.
  • Эр сокъур болсун, къатын тилсиз болсун.
  • Къобан да къуру да къобханлай турмайды, адам да къуру да патчахлай турмайды.
  • Тойгъан антын унутур.
  • Ишленмеген джаш – джюгенсиз ат, ишленмеген къыз – тузсуз хант.
  • Тенгинг джокъ эсе – изле, бар эсе – сакъла!
  • Мени джылытмагъан кюн, меннге тиймесин!
  • Ашарыкъда сайлагъаннга – чий гырджын.
  • Ач отунчуну ачыуу – бурнунда.
  • Къая джолда джортма, ачыкъ сёзден къоркъма.
  • Къозулугъунда тоймагъан, къойлугъунда тоймаз.
  • Айтылгъан буйрукъ, сёгюлмез
  • Ашха уста, юйюнде болсун
  • Биреуню эскиси биреуге джангы болмайды.
  • Чыбыкълыкъда бюгюлмеген, къазыкълыкъда бюгюлмей эди.
  • Ачыу алгъа келсе, акъыл артха къалады.
  • Ауругъаннга – кийик саулукъ, джетген къызгъа – чилле джаулукъ.
  • Кесинг сынамагъан затны, адамгъа буюрма.
  • Хансыз джомакъ болмаз.
  • Намысы болмагъанны, сыйы болмаз.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Татлы тилим - АНА ТИЛИМ!!!, 3 декабрьда Дружба элни гимназиясында 9 классланы арасында эришиу
 
#1
Джаратама0
25.11.2015 13:40:17 Translit
03.12.2015 джыл Дружба элни гимназиясында, тогъузунчу классланы арасында "Татлы тилим - ана тилим!" деген эришиу ётерикди.
Эки тогъузунчу классдан ана тилни эм иги билген сохтала сайланныкъдыла. Аланы айырыр ючюн отборочный тур ётерикди. 20 къакъыйкъаны ичинде джазыу ишни тындырыргъа керекдиле. Ол джазыу ишледен белгили боллукъду ким ётгенин финалгъа. Тюнене, 24 ноябрьда, барыб 9"Б" классда ётдюрюб келдим отборочный турну. Энди орта кюн, 26 ноябрьда, 9 "А" классда ётерикди. Андан сора эки классны да джазыу ишлерине къараб, тинтиб айырлыкъбыз финалистлени.
 
 
 
#2
Джаратама0
25.11.2015 13:52:11 Translit
Сохталагъа ма быллай джазыу ишни 20 такъыйкъаны ичинде тындырыргъа керек эдиле:

1. Беш харифден къуралгъан, ортасында Б болгъан сёзле табыб джазыгъыз
2. Бу сезлени орус тилге кёчюрюгюз:
Гылын къуш –
Къарылгъач –
Дууадакъ, къанкъаз –
Пил –
Кирпи –

3. Бу сёзледе ненча сёз табсагъыз да джазыгъыз:
ДЖЫЛТЫРАУУКЪ АУУРСУНУУ

4. Бу эки сёзни табыб джазыгъыз: Т бла келсе – ол табхада, Ч бла башлаб, -джюзер сууда

5. Соруулагъа джууабларын джазыгъыз?
Бизни республикада ненча шахар барды?
Республикабызны ара шахары къайсыды?
Шахарны аты да, сууну аты да, элни аты да
Ёзденлени Альберт кимди?
Къарачай миллет Азиядан къайсы джыл къайтханды?

6. Къарачай джазыучуланы тукъумлары бла атларын джазыгъыз:

7. Къарачай тилге кёчюрюгюз бу сёзлени:
Виноград - ________________ Историк ___________________
Добрый __________________ Минута ____________________
Барбарис _________________ Сокол _____________________

8. Къарачайча джазыгъыз:
50______________________ 90 ___________________
60 _____________________ 80 ___________________
200 _____________________ 13 ____________________

9. Халатла кёре эсегиз тюзетигиз:
МЕНГЕ, БАРГЪАНГА, САНГНГА, АНГА, ТАННГА,
ЧИБИННГЕ, СУРАТГЪА, ДЖЮЗЮУЧУ, КИТАБХА, ТАУУУШ

10. Нарт сёзлени бошагъыз:
Тилсиз миллет… _____________________________________
Тили бирни … _______________________________________
Адам къайсы тилде сёлеше эсе, ол … ____________________
 
 
 
#3
Джаратама0
25.11.2015 14:21:04 Translit
Энди 9 "Б" классда отборочный турдан талай карт салайым

Бек уллу сагъышдадыла джашлары :финкинг:








Къызчыкъла да аладан артха къалмайын кюрешедиле :emoji05:





Сылпагъарланы Диана - эм аламат джазгъан, 40 балл алгъанды :alamat:






 
 
 
#4
Джаратама0
25.11.2015 14:26:06 Translit
Тамбла, орта кюн 9 "А" классда ётдюрюб келсем отборочный турну, аладан да фотоотчет этерме :усипуси:
 
 
 
#5
Джаратама0
25.11.2015 15:23:39 Translit
Амняша, бек сау бол. бу репортажынг ючюн.

Дружбаны школунда ана тилден окъутханла, бу эришиуню бардыргъанла да кимледиле?
 
 
 
#6
Джаратама0
25.11.2015 15:28:24 Translit
Эльбрусоид фонд бардырады. Мен аны сотруднигиме, Черкесск шахарны филиалындан :усипуси: . Эришиуню бардырлыкъ да менме. Ана тилни Ижаланы Фатима Магомедовна бардырады
Изменено: Амняша - 25.11.2015 15:30:48
 
 
 
#7
Джаратама0
28.11.2015 19:06:53 Translit
Тюнене, байрым кюн, 9 "А" классда ётдю отборочный тур. Аладан да талай кар салайым







Къадалыб джашлада, къызлада ишлейдиле

































Семенланы Индира, биринчи партада онг джанында олтургъан къызчыкъ, бу классда эм кеб балл алгъан сохтады, уялчакъ къызчыкъ :усипуси:


Джазыу ишлерине кёре 16 сохта чыкъгъанды финалгъа. Аланы балларына кёре 4 команда чачханбыз. Кеслерини командаларына ат къурагъандыла. Эришиуде ойнагъанла:

1 команда "Чамчыла" - Сылпагъарланы Диана, Къоркъмазланы Шамиль, Гапполаны Мурат, Сылпагъхарланы Расул
2 команда "Джулдузчукъла" - Семенланы Индира, Катчиланы Ахмат, Къулчаланы Аминат, Маршанкъулланы Алан
3 команда "Аланла" - Борлакъланы Азнаур, Айбазланы Хусей, Орусланы Диана, Катчиланы Рамазан
4 клманда "Мёлекчикле" - Хубийланы Медина, Катчиланы Халимат, Текеланы Дахир, Мержоланы Амина

Энди, 3 декабрда белгили боллукъду къайсы команда хорларыгъын, къайсы сохта бек сюйгенин, билгенин Ана тилин. Сакълайыкъ, эришиу кёргюзтюрюкдю аны.
 
 
 
#8
Джаратама0
08.12.2015 19:40:03 Translit
3 декабрда Дружба элни гимназиясында "Татлы тилим-Ана тилим" деген атлы эришиу ётдю. Жюриде олтургъанла Сылпагъарланы Кулина бла Коркъмазланы Салима. Аланы танмагъан киши болмаз. Эришиу бек ариу, тамаша халда ётдю. Эришиуде тюрлю тюрлю конкурсла бар эдиле. Сёз ючюн: эки такъыйкъаны ичинде къайсы команда къарачайча джаныуарланы атын джазса, неда ахырында -ШИК деб бошалырча сёзлени джазаргъа, дагъыда джазыучу бла аны чыгъармасын табаргъа, картда кимни сураты болгъанын билирге, аны къуллугъун, чыгъармасын, макъамдан джырны бла джырчысын таныргъа, элберлени билирге эмда джолда джюрюген джорукъланы да тинтдик, Тёрт командадан биринчи орунну "Чамчыла" деген команда алды, экинчи орунну "Аланла" алдыла, ючюнчю орун да "Джулдузчукълагъа" джетди. Энди эришиуден картланы тизейим :alamat:
Биринчи жюри бла танышдырайым: сол джанында, белгили джазыучу, "Илячин" журналны баш редектору, устазланы устазы Сылпагъарланы Кулина, аны къатында къарачай радиону тамадасы Къоркъмазланы Салима



Жюриге болушлукъ этген, сохталаны кеслерини устазлары Ижаланы Фатима



Энди командаларыбыз:














Ойнагъанлагъа джан аурутханла








"Элберле" конкурс. Доскада тагъылгъан джулдузчукъладан хар ойнагъан сохта джулдуз сайлаб анда джазылгъан элберни билирге керекди




Бир-бир элберле терен сагъышха ие эдиле















"Макъамны билсенг а!" конкурс. Доскада тагъылгъан тоналаны сайлайды хар сохта, анда 10 секунд баргъан макъамны билирге керекди. Джырны атын эмда ким джырлагъанын






Джазыу ишле. Хар ойнагъаннга сёзню ичинде сёзле табаргъа керек эди. Берилген сёзле уа быллай эдиде:башчыракъла, саламат, байрамджак, къаракъай. Ким кеб сез табсада бу сезлени ичинде 2 такъыйкъаны ичинде.
 
 
 
#9
Джаратама0
08.12.2015 19:54:09 Translit
Эришиуде эм ахырында ойнагъанлагъа саугъала бердик








































Джан аурутханланы ичинде эм кёб тюз джууаб берген соруулагъа Гедиланы Къаплан :alamat:



Аллах айтса, бу эришиуге къошулгъанланы эслеринде кёб магъаналы зат къалды!
 
 
 
#10
Джаратама0
13.12.2015 22:18:14 Translit
Аперим санга, Аминат!!!!!!! Бек уллу джумуш этгенсе!!!!
КЧР-ни болгъан школларында да этилсе ма быллай эришиуле ана тилде бир иги боллукъ эди ')
Машаллах!
 
 
 
#
Джаратама0
  Translit
 
 
 
#11
Джаратама0
14.12.2015 19:02:20 Translit
Сау бол! Аллах разы болсун!!!
 
 
 
#12
Джаратама0
30.11.2016 00:26:52 Translit
Сёзлени магъаналарыны, кёчюрюлюулерини юсюнден топик бармыды форумда?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#13
Джаратама0
30.11.2016 00:27:22 Translit
Ким биледи, сёзберле деб неге айтадыла?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#14
Джаратама0
30.11.2016 18:52:07 Translit
Ас–саляму алейкум. Сёзбер сёзлюк тюйюлмюдю (словарь) ?
 
 
 
#15
Джаратама1
13.12.2016 00:02:16 Translit
«Минги тау» журналдан

 
 
 
#16
Джаратама0
13.12.2016 23:46:44 Translit
shaudan,уа алейкум ас-салям. Сау бол
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
Страницы: 1
Читают тему (гостей: 1)

Форум  Мобильный | Стационарный