Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Байма, деб да, къууанма, джарлыма, деб да, джылама.
  • Аман адамны тепсинге олтуртсанг, къызынгы тилер.
  • Джан саулукъ бермей, сан саулукъ бермезсе.
  • Окъугъанны бети джарыкъ.
  • Кёпюр салгъан кеси ётер, уру къазгъан кеси кетер.
  • Эки къатын алгъан – эки ташны ортасына башын салгъан.
  • Уллу сёлешме да, уллу къаб.
  • Аш кетер да бет къалыр.
  • Чомартны къолун джокълукъ байлар.
  • Къартны сыйын кёрмеген, къартлыгъында сыйлы болмаз.
  • Джангыз торгъай джырламаз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Намыс болмагъан джерде, насыб болмаз.
  • Эркиши – от, тиширыу – суу.
  • Арбаз сайлама да, хоншу сайла.
  • Адеб базарда сатылмаз.
  • Ач келгенни – тойдур, кеч келгенни – къондур.
  • Тюкюрюк баш джармаз, налат кёз чыгъармаз!
  • Адеби болмагъан къыз – тузсуз хант.
  • Ёлген ийнек сютлю болур.
  • Иесиз малны бёрю ашар.
  • Джети тилни билген джети кишиди.
  • Къайтырыкъ эшигинги, къаты уруб чыкъма.
  • Ата Джуртуму башы болмасам да, босагъасында ташы болайым.
  • Адам къыйынлыгъын кёлтюрюр, зауукълугъун кёлтюрмез.
  • Алтыннга тот къонмаз.
  • Биреуге кёлтюрген таягъынг, кесинги башынга урур.
  • Телини эшигин, махтау джабар.
  • Ойнай билмеген, уруб къачар.
  • Намыс сатылыб алынмайды.
  • Юй кюйдю да, кюйюз чыкъды, ортасындан тюйюш чыкъды.
  • Чёбню кёлтюрсенг, тюбюнден сёз чыгъар.
  • Ауругъаннга – кийик саулукъ, джетген къызгъа – чилле джаулукъ.
  • Ашхы тенг джолгъа салыр, аман тенг джолдан тайдырыр.
  • Къар – келтирди, суу – элтди.
  • Аякъларынгы джууургъанынга кёре узат.
  • Тойгъандан сора, ашны сёкме.
  • Ана кёлю – балада, бала кёлю – талада.
  • Джарлыны тону джаз битер.
  • Суу ичген шауданынга тюкюрме.
  • Чомартха Тейри да борчлуду.
  • Къыз келсе, джумуш эте келеди, къатын келсе, ушакъ эте келеди.
  • Бети – къучакълар, джюреги – бычакълар.
  • Олтуруб кёрюнмей эди да, ёрге туруб кёрюне эди.
  • Кёл ашады да, кеси ашады.
  • Татлы тилде – сёз ариу, чемер къолда – иш ариу.
  • Этни бети бла шорпасы.
  • Ашха уста, юйюнде болсун
  • Телиге акъыл салгъандан эсе, ёлгеннге джан салырса.
  • Кёбге таш атма.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Татлы тилим - АНА ТИЛИМ!!!, 3 декабрьда Дружба элни гимназиясында 9 классланы арасында эришиу
 
#1
Джаратама0
25.11.2015 13:40:17 Translit
03.12.2015 джыл Дружба элни гимназиясында, тогъузунчу классланы арасында "Татлы тилим - ана тилим!" деген эришиу ётерикди.
Эки тогъузунчу классдан ана тилни эм иги билген сохтала сайланныкъдыла. Аланы айырыр ючюн отборочный тур ётерикди. 20 къакъыйкъаны ичинде джазыу ишни тындырыргъа керекдиле. Ол джазыу ишледен белгили боллукъду ким ётгенин финалгъа. Тюнене, 24 ноябрьда, барыб 9"Б" классда ётдюрюб келдим отборочный турну. Энди орта кюн, 26 ноябрьда, 9 "А" классда ётерикди. Андан сора эки классны да джазыу ишлерине къараб, тинтиб айырлыкъбыз финалистлени.
 
 
 
#2
Джаратама0
25.11.2015 13:52:11 Translit
Сохталагъа ма быллай джазыу ишни 20 такъыйкъаны ичинде тындырыргъа керек эдиле:

1. Беш харифден къуралгъан, ортасында Б болгъан сёзле табыб джазыгъыз
2. Бу сезлени орус тилге кёчюрюгюз:
Гылын къуш –
Къарылгъач –
Дууадакъ, къанкъаз –
Пил –
Кирпи –

3. Бу сёзледе ненча сёз табсагъыз да джазыгъыз:
ДЖЫЛТЫРАУУКЪ АУУРСУНУУ

4. Бу эки сёзни табыб джазыгъыз: Т бла келсе – ол табхада, Ч бла башлаб, -джюзер сууда

5. Соруулагъа джууабларын джазыгъыз?
Бизни республикада ненча шахар барды?
Республикабызны ара шахары къайсыды?
Шахарны аты да, сууну аты да, элни аты да
Ёзденлени Альберт кимди?
Къарачай миллет Азиядан къайсы джыл къайтханды?

6. Къарачай джазыучуланы тукъумлары бла атларын джазыгъыз:

7. Къарачай тилге кёчюрюгюз бу сёзлени:
Виноград - ________________ Историк ___________________
Добрый __________________ Минута ____________________
Барбарис _________________ Сокол _____________________

8. Къарачайча джазыгъыз:
50______________________ 90 ___________________
60 _____________________ 80 ___________________
200 _____________________ 13 ____________________

9. Халатла кёре эсегиз тюзетигиз:
МЕНГЕ, БАРГЪАНГА, САНГНГА, АНГА, ТАННГА,
ЧИБИННГЕ, СУРАТГЪА, ДЖЮЗЮУЧУ, КИТАБХА, ТАУУУШ

10. Нарт сёзлени бошагъыз:
Тилсиз миллет… _____________________________________
Тили бирни … _______________________________________
Адам къайсы тилде сёлеше эсе, ол … ____________________
 
 
 
#3
Джаратама0
25.11.2015 14:21:04 Translit
Энди 9 "Б" классда отборочный турдан талай карт салайым

Бек уллу сагъышдадыла джашлары :финкинг:








Къызчыкъла да аладан артха къалмайын кюрешедиле :emoji05:





Сылпагъарланы Диана - эм аламат джазгъан, 40 балл алгъанды :alamat:






 
 
 
#4
Джаратама0
25.11.2015 14:26:06 Translit
Тамбла, орта кюн 9 "А" классда ётдюрюб келсем отборочный турну, аладан да фотоотчет этерме :усипуси:
 
 
 
#5
Джаратама0
25.11.2015 15:23:39 Translit
Амняша, бек сау бол. бу репортажынг ючюн.

Дружбаны школунда ана тилден окъутханла, бу эришиуню бардыргъанла да кимледиле?
 
 
 
#6
Джаратама0
25.11.2015 15:28:24 Translit
Эльбрусоид фонд бардырады. Мен аны сотруднигиме, Черкесск шахарны филиалындан :усипуси: . Эришиуню бардырлыкъ да менме. Ана тилни Ижаланы Фатима Магомедовна бардырады
Изменено: Амняша - 25.11.2015 15:30:48
 
 
 
#7
Джаратама0
28.11.2015 19:06:53 Translit
Тюнене, байрым кюн, 9 "А" классда ётдю отборочный тур. Аладан да талай кар салайым







Къадалыб джашлада, къызлада ишлейдиле

































Семенланы Индира, биринчи партада онг джанында олтургъан къызчыкъ, бу классда эм кеб балл алгъан сохтады, уялчакъ къызчыкъ :усипуси:


Джазыу ишлерине кёре 16 сохта чыкъгъанды финалгъа. Аланы балларына кёре 4 команда чачханбыз. Кеслерини командаларына ат къурагъандыла. Эришиуде ойнагъанла:

1 команда "Чамчыла" - Сылпагъарланы Диана, Къоркъмазланы Шамиль, Гапполаны Мурат, Сылпагъхарланы Расул
2 команда "Джулдузчукъла" - Семенланы Индира, Катчиланы Ахмат, Къулчаланы Аминат, Маршанкъулланы Алан
3 команда "Аланла" - Борлакъланы Азнаур, Айбазланы Хусей, Орусланы Диана, Катчиланы Рамазан
4 клманда "Мёлекчикле" - Хубийланы Медина, Катчиланы Халимат, Текеланы Дахир, Мержоланы Амина

Энди, 3 декабрда белгили боллукъду къайсы команда хорларыгъын, къайсы сохта бек сюйгенин, билгенин Ана тилин. Сакълайыкъ, эришиу кёргюзтюрюкдю аны.
 
 
 
#8
Джаратама0
08.12.2015 19:40:03 Translit
3 декабрда Дружба элни гимназиясында "Татлы тилим-Ана тилим" деген атлы эришиу ётдю. Жюриде олтургъанла Сылпагъарланы Кулина бла Коркъмазланы Салима. Аланы танмагъан киши болмаз. Эришиу бек ариу, тамаша халда ётдю. Эришиуде тюрлю тюрлю конкурсла бар эдиле. Сёз ючюн: эки такъыйкъаны ичинде къайсы команда къарачайча джаныуарланы атын джазса, неда ахырында -ШИК деб бошалырча сёзлени джазаргъа, дагъыда джазыучу бла аны чыгъармасын табаргъа, картда кимни сураты болгъанын билирге, аны къуллугъун, чыгъармасын, макъамдан джырны бла джырчысын таныргъа, элберлени билирге эмда джолда джюрюген джорукъланы да тинтдик, Тёрт командадан биринчи орунну "Чамчыла" деген команда алды, экинчи орунну "Аланла" алдыла, ючюнчю орун да "Джулдузчукълагъа" джетди. Энди эришиуден картланы тизейим :alamat:
Биринчи жюри бла танышдырайым: сол джанында, белгили джазыучу, "Илячин" журналны баш редектору, устазланы устазы Сылпагъарланы Кулина, аны къатында къарачай радиону тамадасы Къоркъмазланы Салима



Жюриге болушлукъ этген, сохталаны кеслерини устазлары Ижаланы Фатима



Энди командаларыбыз:














Ойнагъанлагъа джан аурутханла








"Элберле" конкурс. Доскада тагъылгъан джулдузчукъладан хар ойнагъан сохта джулдуз сайлаб анда джазылгъан элберни билирге керекди




Бир-бир элберле терен сагъышха ие эдиле















"Макъамны билсенг а!" конкурс. Доскада тагъылгъан тоналаны сайлайды хар сохта, анда 10 секунд баргъан макъамны билирге керекди. Джырны атын эмда ким джырлагъанын






Джазыу ишле. Хар ойнагъаннга сёзню ичинде сёзле табаргъа керек эди. Берилген сёзле уа быллай эдиде:башчыракъла, саламат, байрамджак, къаракъай. Ким кеб сез табсада бу сезлени ичинде 2 такъыйкъаны ичинде.
 
 
 
#9
Джаратама0
08.12.2015 19:54:09 Translit
Эришиуде эм ахырында ойнагъанлагъа саугъала бердик








































Джан аурутханланы ичинде эм кёб тюз джууаб берген соруулагъа Гедиланы Къаплан :alamat:



Аллах айтса, бу эришиуге къошулгъанланы эслеринде кёб магъаналы зат къалды!
 
 
 
#10
Джаратама0
13.12.2015 22:18:14 Translit
Аперим санга, Аминат!!!!!!! Бек уллу джумуш этгенсе!!!!
КЧР-ни болгъан школларында да этилсе ма быллай эришиуле ана тилде бир иги боллукъ эди ')
Машаллах!
 
 
 
#
Джаратама0
  Translit
 
 
 
#11
Джаратама0
14.12.2015 19:02:20 Translit
Сау бол! Аллах разы болсун!!!
 
 
 
#12
Джаратама0
30.11.2016 00:26:52 Translit
Сёзлени магъаналарыны, кёчюрюлюулерини юсюнден топик бармыды форумда?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#13
Джаратама0
30.11.2016 00:27:22 Translit
Ким биледи, сёзберле деб неге айтадыла?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#14
Джаратама0
30.11.2016 18:52:07 Translit
Ас–саляму алейкум. Сёзбер сёзлюк тюйюлмюдю (словарь) ?
 
 
 
#15
Джаратама1
13.12.2016 00:02:16 Translit
«Минги тау» журналдан

 
 
 
#16
Джаратама0
13.12.2016 23:46:44 Translit
shaudan,уа алейкум ас-салям. Сау бол
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
Страницы: 1
Читают тему (гостей: 1)

Форум  Мобильный | Стационарный