Расширенный поиск
22 Мая 2024 года
Логин: Регистрация
Пароль: Забыли пароль?
Навигация
Словарь
  • Келинин тута билмеген, къул этер, къызын тута билмеген, тул этер.
  • Аджалсыз ёлюм болмаз.
  • Иги джашны ышаны – аз сёлешиб, кёб тынгылар.
  • Ана – юйню кюн джарыгъы.
  • Эте билген, этген этеди, эте билмеген, юретген этеди!
  • Кёрмегеннге кебек – танг, битмегеннге сакъал – танг.
  • Ёлген аслан – сау чычхан.
  • Эки ойлашыб, бир сёлешген.
  • Иги – алгъыш этер, аман – къаргъыш этер.
  • Эки элинги тыйсанг, джети элде махталырса.
  • Келгинчи, къонакъ уялыр, келгенден сора, къонакъбай уялыр.
  • Сагъыш – къартлыкъгъа сюйюмчю.
  • Байны къызы баймакъ болса да, юйде къалмаз!
  • Мухар, кеси тойса да, кёзю тоймаз.
  • Игилик игилик бла сингдирилиучю затды.
  • Мухардан ач ычхынмаз.
  • Суугъа – чабакъ, къаягъа – ыргъакъ.
  • Ёнгкюч къууана барыр, джылай келир.
  • Кёл ашады да, кеси ашады.
  • Экиндини кеч къылсанг, чабыб джетер ашхам.
  • Тамырсыз терекге таянма – джыгъылырса.
  • Джаным-тиним – окъуу, билим.
  • Аман эсирсе, юйюн ояр.
  • Къазанчы аман болса, къазаны къайнамаз.
  • Шапа кёб болса, аш татымсыз болур.
  • Сангырау къулакъ эл бузар.
  • Ашына кёре табагъы, балына кёре къалагъы.
  • Къызны минг тилер, бир алыр.
  • Адамны джюреги нени кёрюрге сюйсе, кёзю да аны кёрюрге ёч болады.
  • Сабий болмагъан джерде, мёлек болмаз.
  • Сакъалы текени да бар, мыйыгъы киштикни да бар.
  • Кёб джашагъан – кёб билир.
  • Этек чакъмакълары баш джаргъан, сёлешген сёзлери таш джаргъан.
  • Аманнга алтын чыдамаз.
  • Телиге от эт десенг, юйюнге от салыр.
  • Арбаз къынгырды да, ийнек сауалмайма.
  • Мухарны эси – ашарыкъда.
  • Ётген ёмюр – акъгъан суу.
  • Чомартны къолун джокълукъ байлар.
  • Тынгылагъан тынгы бузар.
  • Кесине гебен этелмеген, биреуге черен эте эди.
  • Ана къойну – балагъа джандет.
  • Мен да «сен», дейме, сен да «кесим», дейсе.
  • Уллу суу бла уллу ауруудан башынгы сакъла.
  • Ётюрюкчюню шагъаты – къатында.
  • Джолунга кёре – джюрюшюнг, джагъанга кёре – юлюшюнг.
  • Алма терегинден кери кетмез.
  • Ач, тоймам, дейди, тойгъан, ач болмам, дейди.
  • Ауузу аманнга «иги», деме.
  • Нёгерсизни джолу узун.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Татлы тилим - АНА ТИЛИМ!!!, 3 декабрьда Дружба элни гимназиясында 9 классланы арасында эришиу
 
#1
Джаратама0
25.11.2015 13:40:17 Translit
03.12.2015 джыл Дружба элни гимназиясында, тогъузунчу классланы арасында "Татлы тилим - ана тилим!" деген эришиу ётерикди.
Эки тогъузунчу классдан ана тилни эм иги билген сохтала сайланныкъдыла. Аланы айырыр ючюн отборочный тур ётерикди. 20 къакъыйкъаны ичинде джазыу ишни тындырыргъа керекдиле. Ол джазыу ишледен белгили боллукъду ким ётгенин финалгъа. Тюнене, 24 ноябрьда, барыб 9"Б" классда ётдюрюб келдим отборочный турну. Энди орта кюн, 26 ноябрьда, 9 "А" классда ётерикди. Андан сора эки классны да джазыу ишлерине къараб, тинтиб айырлыкъбыз финалистлени.
 
 
 
#2
Джаратама0
25.11.2015 13:52:11 Translit
Сохталагъа ма быллай джазыу ишни 20 такъыйкъаны ичинде тындырыргъа керек эдиле:

1. Беш харифден къуралгъан, ортасында Б болгъан сёзле табыб джазыгъыз
2. Бу сезлени орус тилге кёчюрюгюз:
Гылын къуш –
Къарылгъач –
Дууадакъ, къанкъаз –
Пил –
Кирпи –

3. Бу сёзледе ненча сёз табсагъыз да джазыгъыз:
ДЖЫЛТЫРАУУКЪ АУУРСУНУУ

4. Бу эки сёзни табыб джазыгъыз: Т бла келсе – ол табхада, Ч бла башлаб, -джюзер сууда

5. Соруулагъа джууабларын джазыгъыз?
Бизни республикада ненча шахар барды?
Республикабызны ара шахары къайсыды?
Шахарны аты да, сууну аты да, элни аты да
Ёзденлени Альберт кимди?
Къарачай миллет Азиядан къайсы джыл къайтханды?

6. Къарачай джазыучуланы тукъумлары бла атларын джазыгъыз:

7. Къарачай тилге кёчюрюгюз бу сёзлени:
Виноград - ________________ Историк ___________________
Добрый __________________ Минута ____________________
Барбарис _________________ Сокол _____________________

8. Къарачайча джазыгъыз:
50______________________ 90 ___________________
60 _____________________ 80 ___________________
200 _____________________ 13 ____________________

9. Халатла кёре эсегиз тюзетигиз:
МЕНГЕ, БАРГЪАНГА, САНГНГА, АНГА, ТАННГА,
ЧИБИННГЕ, СУРАТГЪА, ДЖЮЗЮУЧУ, КИТАБХА, ТАУУУШ

10. Нарт сёзлени бошагъыз:
Тилсиз миллет… _____________________________________
Тили бирни … _______________________________________
Адам къайсы тилде сёлеше эсе, ол … ____________________
 
 
 
#3
Джаратама0
25.11.2015 14:21:04 Translit
Энди 9 "Б" классда отборочный турдан талай карт салайым

Бек уллу сагъышдадыла джашлары :финкинг:








Къызчыкъла да аладан артха къалмайын кюрешедиле :emoji05:





Сылпагъарланы Диана - эм аламат джазгъан, 40 балл алгъанды :alamat:






 
 
 
#4
Джаратама0
25.11.2015 14:26:06 Translit
Тамбла, орта кюн 9 "А" классда ётдюрюб келсем отборочный турну, аладан да фотоотчет этерме :усипуси:
 
 
 
#5
Джаратама0
25.11.2015 15:23:39 Translit
Амняша, бек сау бол. бу репортажынг ючюн.

Дружбаны школунда ана тилден окъутханла, бу эришиуню бардыргъанла да кимледиле?
 
 
 
#6
Джаратама0
25.11.2015 15:28:24 Translit
Эльбрусоид фонд бардырады. Мен аны сотруднигиме, Черкесск шахарны филиалындан :усипуси: . Эришиуню бардырлыкъ да менме. Ана тилни Ижаланы Фатима Магомедовна бардырады
Изменено: Амняша - 25.11.2015 15:30:48
 
 
 
#7
Джаратама0
28.11.2015 19:06:53 Translit
Тюнене, байрым кюн, 9 "А" классда ётдю отборочный тур. Аладан да талай кар салайым







Къадалыб джашлада, къызлада ишлейдиле

































Семенланы Индира, биринчи партада онг джанында олтургъан къызчыкъ, бу классда эм кеб балл алгъан сохтады, уялчакъ къызчыкъ :усипуси:


Джазыу ишлерине кёре 16 сохта чыкъгъанды финалгъа. Аланы балларына кёре 4 команда чачханбыз. Кеслерини командаларына ат къурагъандыла. Эришиуде ойнагъанла:

1 команда "Чамчыла" - Сылпагъарланы Диана, Къоркъмазланы Шамиль, Гапполаны Мурат, Сылпагъхарланы Расул
2 команда "Джулдузчукъла" - Семенланы Индира, Катчиланы Ахмат, Къулчаланы Аминат, Маршанкъулланы Алан
3 команда "Аланла" - Борлакъланы Азнаур, Айбазланы Хусей, Орусланы Диана, Катчиланы Рамазан
4 клманда "Мёлекчикле" - Хубийланы Медина, Катчиланы Халимат, Текеланы Дахир, Мержоланы Амина

Энди, 3 декабрда белгили боллукъду къайсы команда хорларыгъын, къайсы сохта бек сюйгенин, билгенин Ана тилин. Сакълайыкъ, эришиу кёргюзтюрюкдю аны.
 
 
 
#8
Джаратама0
08.12.2015 19:40:03 Translit
3 декабрда Дружба элни гимназиясында "Татлы тилим-Ана тилим" деген атлы эришиу ётдю. Жюриде олтургъанла Сылпагъарланы Кулина бла Коркъмазланы Салима. Аланы танмагъан киши болмаз. Эришиу бек ариу, тамаша халда ётдю. Эришиуде тюрлю тюрлю конкурсла бар эдиле. Сёз ючюн: эки такъыйкъаны ичинде къайсы команда къарачайча джаныуарланы атын джазса, неда ахырында -ШИК деб бошалырча сёзлени джазаргъа, дагъыда джазыучу бла аны чыгъармасын табаргъа, картда кимни сураты болгъанын билирге, аны къуллугъун, чыгъармасын, макъамдан джырны бла джырчысын таныргъа, элберлени билирге эмда джолда джюрюген джорукъланы да тинтдик, Тёрт командадан биринчи орунну "Чамчыла" деген команда алды, экинчи орунну "Аланла" алдыла, ючюнчю орун да "Джулдузчукълагъа" джетди. Энди эришиуден картланы тизейим :alamat:
Биринчи жюри бла танышдырайым: сол джанында, белгили джазыучу, "Илячин" журналны баш редектору, устазланы устазы Сылпагъарланы Кулина, аны къатында къарачай радиону тамадасы Къоркъмазланы Салима



Жюриге болушлукъ этген, сохталаны кеслерини устазлары Ижаланы Фатима



Энди командаларыбыз:














Ойнагъанлагъа джан аурутханла








"Элберле" конкурс. Доскада тагъылгъан джулдузчукъладан хар ойнагъан сохта джулдуз сайлаб анда джазылгъан элберни билирге керекди




Бир-бир элберле терен сагъышха ие эдиле















"Макъамны билсенг а!" конкурс. Доскада тагъылгъан тоналаны сайлайды хар сохта, анда 10 секунд баргъан макъамны билирге керекди. Джырны атын эмда ким джырлагъанын






Джазыу ишле. Хар ойнагъаннга сёзню ичинде сёзле табаргъа керек эди. Берилген сёзле уа быллай эдиде:башчыракъла, саламат, байрамджак, къаракъай. Ким кеб сез табсада бу сезлени ичинде 2 такъыйкъаны ичинде.
 
 
 
#9
Джаратама0
08.12.2015 19:54:09 Translit
Эришиуде эм ахырында ойнагъанлагъа саугъала бердик








































Джан аурутханланы ичинде эм кёб тюз джууаб берген соруулагъа Гедиланы Къаплан :alamat:



Аллах айтса, бу эришиуге къошулгъанланы эслеринде кёб магъаналы зат къалды!
 
 
 
#10
Джаратама0
13.12.2015 22:18:14 Translit
Аперим санга, Аминат!!!!!!! Бек уллу джумуш этгенсе!!!!
КЧР-ни болгъан школларында да этилсе ма быллай эришиуле ана тилде бир иги боллукъ эди ')
Машаллах!
 
 
 
#
Джаратама0
  Translit
 
 
 
#11
Джаратама0
14.12.2015 19:02:20 Translit
Сау бол! Аллах разы болсун!!!
 
 
 
#12
Джаратама0
30.11.2016 00:26:52 Translit
Сёзлени магъаналарыны, кёчюрюлюулерини юсюнден топик бармыды форумда?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#13
Джаратама0
30.11.2016 00:27:22 Translit
Ким биледи, сёзберле деб неге айтадыла?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#14
Джаратама0
30.11.2016 18:52:07 Translit
Ас–саляму алейкум. Сёзбер сёзлюк тюйюлмюдю (словарь) ?
 
 
 
#15
Джаратама1
13.12.2016 00:02:16 Translit
«Минги тау» журналдан

 
 
 
#16
Джаратама0
13.12.2016 23:46:44 Translit
shaudan,уа алейкум ас-салям. Сау бол
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
Страницы: 1
Читают тему (гостей: 1)

Форум  Мобильный | Стационарный