Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Бозаны арты дауур болур.
  • Айраннга суу къош, телиге джол бош.
  • Эртде тургъан бла эртде юйленнген сокъуранмаз.
  • Борчунг бар эсе, хурджунунга ойлаб узал.
  • Юйлю уругъа ит чабмаз.
  • Байны къызы баймакъ болса да, юйде къалмаз!
  • Билген билмегенни юретген адетди.
  • Орну джокъну – сыйы джокъ.
  • Чакъырылмагъан къонакъ – орунсуз.
  • Суу да къайтады чыкъгъан джерине.
  • Ётюрюкчюню шагъаты – къатында.
  • Бал ашаргъа сюе эсенг, чибин ургъаннга тёз.
  • Къая джолда джортма, ачыкъ сёзден къоркъма.
  • Таукелге нюр джауар.
  • Ауругъаннга – кийик саулукъ, джетген къызгъа – чилле джаулукъ.
  • Кесине оноу эте билмеген, халкъына да эте билмез.
  • Уллу сёзде уят джокъ.
  • Уллу айтханны этмеген – уллаймаз.
  • Кеси юйюмде мен да ханма.
  • Магъанасыз сёз – тауушсуз сыбызгъы.
  • Билими азны – ауузунда кирит.
  • Таякъ этден ётер, тил сюекден ётер.
  • Акъылсызны джууукъгъа алма, акъыллыны кенгнге салма.
  • Эшекге миннген – биринчи айыб, андан джыгъылгъан – экинчи айыб.
  • Ойнай билмеген, оюн бузар.
  • Кийимни бичсенг, кенг бич, тар этген къыйын тюлдю.
  • Ариу – кёзге, акъыл – джюрекге.
  • Чомартны къолу берекет.
  • Биреу къой излей, биреу той излей.
  • Аллахдан тилесенг, кёб тиле.
  • Ашхылыкъ джерде джатмайды, аманлыкъ суугъа батмайды.
  • Ауузу бла къуш тута айланады.
  • Джарлыны тону джаз битер.
  • Джаханимни кёрмей, джандетге кёл салмазса.
  • Билгенни къолу къарны джандырыр.
  • Бойнуму джети джерден кессенг да, мен ол ишни этеллик тюлме.
  • Эки къатын алгъан – эки ташны ортасына башын салгъан.
  • Ашда – бёрю, ишде – ёлю.
  • Сакъламагъан затынга джолукъсанг, не бек къууанаса, не бек ачыйса.
  • Тойгъандан сора, ашны сёкме.
  • Элни кючю – эмеген.
  • Атлыны кёрсе, джаяуну буту талыр.
  • Татлы сёз – балдан татлы.
  • Ана кёлю – балада, бала кёлю – талада.
  • Чабар ат – джетген къыз.
  • Кёрмегеннге кебек – танг, битмегеннге сакъал – танг.
  • Къобан да къуру да къобханлай турмайды, адам да къуру да патчахлай турмайды.
  • Артына баргъанны, къатына барма.
  • Къыйынлы джети элни къайгъысын этер.
  • Аманнга игилик этсенг, юйюнге сау бармазса.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
НАСЫП НЕДИ?
 
#1
Джаратама0
22.04.2015 19:43:12 Translit
Къайсыбызда насыпны кесибизча ангылайбыз: бирлеге жюрек тынчлыкъ, бирлеге токъ къарын, бирлеге байлыкъ - ырысхы - харакет, бирлеге ата - анада саулукъ, биз сюйгенлени насыплары эм да сабийлерини къууанчлары...
Санап турсанг, санала барлыкъды.
Эльбачыла!!! Сиз "насып" деген сагъатда кёз аллыгъызгъа не келтиресиз? Неди жер башында сизни насыбыгъызны тутхан? :)
"Къадарны этегинде...","Сени ючюн"...(с)
 
 
 
#2
Джаратама0
22.04.2015 20:01:05 Translit
Хар зат да по чуть чуть))))Адам кезю къарамазча))
Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
 
 
 
#3
Джаратама0
23.04.2015 00:35:58 Translit
Цитата
Къара чачлы пишет:
Къайсыбызда насыпны кесибизча ангылайбыз: бирлеге жюрек тынчлыкъ, бирлеге токъ къарын, бирлеге байлыкъ - ырысхы - харакет, бирлеге ата - анада саулукъ, биз сюйгенлени насыплары эм да сабийлерини къууанчлары...
Санап турсанг, санала барлыкъды.
Эльбачыла!!! Сиз "насып" деген сагъатда кёз аллыгъызгъа не келтиресиз? Неди жер башында сизни насыбыгъызны тутхан?
муслиман болгъаным дерге боллукъма, андан ары уа бу къатыш дуниябызда къалай эсе да насыбны кёралмайма, ол бир дуниягъа къала болур насыб умутларым, Аллах буюрса. Я Аллах, Сен болуш...!
Изменено: Тылмач - 23.04.2015 10:40:25
 
 
 
#4
Джаратама0
23.04.2015 02:50:36 Translit
:царь: состояние души)
 
 
 
#5
Джаратама0
27.04.2015 00:48:51 Translit
Бирсилеге уа насып жокъмуду? Не да не болгъанын алыкъа билмеймидиле???
"Къадарны этегинде...","Сени ючюн"...(с)
 
 
 
#6
Джаратама0
04.05.2015 13:42:14 Translit
Насыб...
сау-саламат бу джашаугъа джаратылгъан,ананг-атанг сеннге къууаныб,сен да алагъа къууаныб джашагъан,кюн сайын столунгда ашар затынг болгъан ,юсюнге киеринг да табылыб тургъан,адамны сёз бла ачытмай,сени да киши ачытмагъан.Уллу джашаугъа атлагъан заманда да джашау нёгеринден къууаннган,"анам","атам" деген сёзлени эшитген,аланы насыбларына къууаннган,ахыр кюнлеринги да ариу,тынчлыкълы ашыргъан... Аллаха шукурла болсунла...
Ма бу болур насыб деб турама... :усипуси:
 
 
 
#7
Джаратама0
04.05.2015 19:31:33 Translit
Цитата
Nasib&Namis пишет:
Насыб...
сау-саламат бу джашаугъа джаратылгъан,ананг-атанг сеннге къууаныб,сен да алагъа къууаныб джашагъан,кюн сайын столунгда ашар затынг болгъан ,юсюнге киеринг да табылыб тургъан,адамны сёз бла ачытмай,сени да киши ачытмагъан.Уллу джашаугъа атлагъан заманда да джашау нёгеринден къууаннган,"анам","атам" деген сёзлени эшитген,аланы насыбларына къууаннган,ахыр кюнлеринги да ариу,тынчлыкълы ашыргъан... Аллаха шукурла болсунла...
Ма бу болур насыб деб турама...
Nasib&Namis :emojio68:
Бу сёзлеге да бир къошакъ этилсе, аны бла насыбны магъанасы менге ачыкълангнганына санар эдим.
Уллу Аллахны разылыгъын излеб эмда сынаб джашагъан.
WE WERE BORN TO SHINE
*Чистые помыслы - добрые дела*

 
 
 
#8
Джаратама0
04.05.2015 19:54:05 Translit
Насыб неди деб сорур адам,
Сагыш этер бир атлам атлар.
Бир джашауну джашаб кетер,
Насыб деген сезге чырт тюбемез.

Ол насыбны ачхада елчелер
Ол къунанчны налмазда эслер,
Ол джашаун парчагъа чырмар
Насыбды бу деб кесини алдар.

Насыб а бош затлада болур
Насыб а болса болурса огъур
Насыб дегенни адам ангыласа
Джашаун ёттюрмез чырт бошуна

Насыб болурса билрсе сен бир
Насыб дегенден тоймазса сен чырт.
Насыб дегенден болмазса сен кенг
Аллах буюрса Насыбла бек сен))

Небольшой экспромт ))
Изменено: Azamat - 04.05.2015 19:55:58
 
 
 
#9
Джаратама1
04.05.2015 20:04:14 Translit
И в продолжение

Насыб излеген узакъгъа бармаз
Насыб излеген кюсемез накьут налмаз
Насыб кюсеген билир адам
Насыбды ол бек адам болгъан.

Танг атгъанлай кюнню керген
Азанны эшитиб ерге тургъан
Санын сыфатын тюзетиб атлагъан
Бек насыблыса сен бил, адам.

Анам деб кезюн къуандыргъан
Атам деб сыйын мийкде тутгъан
Элим деб кесин милетге къошхан
Ой миллетим деб миллетин айтдыргъан

Ата джуртдан узакъада болуб
Алай а аны джюрегинде тутуб
Бир Аллахым деб къуллукъ этген
Бил аны- насыблыса бек сен
Изменено: Azamat - 04.05.2015 21:24:37
 
 
 
#10
Джаратама0
04.05.2015 20:05:52 Translit
ПыСы. Не судите строго. В пробке волна ностальгии нахлынула))
 
 
 
#
Джаратама0
  Translit
 
 
 
#11
Джаратама0
04.05.2015 20:43:08 Translit
Bilal LAYPAN

НАСЫБЫМ

Нарат чегет шууулдай тургьанча,
Таза тау суу боркъулдай баргьанча,
Мийикде байракъ къалтырай тургьанча,
Ой Ана тилим, Къарачай тилим!

Эски Минги Тау агьара тургьанча,
Акълыгьы уа — ма бюгюн туугьанча,
Ол бизге къарт, джаш да болгъанча,
Эй Ана тилим, Къарачай тилим!

Чегет шууулдар. Джулдуз джылтырар.
Таулу дауурдан тогьайыб турур тар.
Сюймеклик кёзлеуде джууунурла сёзле,
Къарачай къылыкъ турур юсюбюзде.

Туугьандыла, тууадыла, тууарла сабийле
Къыш, джаз, джай, къач.
Мен ахыр къарачайлы тюлме джер юсюнде,
Ма олду – насыб, ма олду — къууанч.

Таш ычхыныргъа болур къаядан.
Алай а, кетсе да, къалыр джеринде.
Ана тилимден кетмесин бир сёз,
Мен кетсем да, джашасын сизде.
 
 
 
#12
Джаратама0
05.05.2015 00:42:37 Translit
КёлКёз, сау бол)) бек тюз айтдынг...Аллахны разылыгъын табыб джашагъан.... :гоккачыкъ:
 
 
 
#13
Джаратама0
05.05.2015 00:43:08 Translit
Автору спасибо.... Красивая..добрая тема.... :гоккачыкъ:
 
 
 
#14
Джаратама1
21.06.2015 19:09:37 Translit
Машаллах сеннге... къалай фахмулу къызыбызса сен... Аллах къызгъанмасын... быллай адамчыкъларыбыз кёб болсун...
Молодец👍👍👍👍👍👍
 
 
 
#15
Джаратама2
21.06.2015 19:56:27 Translit
Джашауунг бошалгъанын ангылаб, джанынгы да къысха заманда берлигинг кёзюнге кёрюнюб, асыры къоркъгъандан эки кёзюнг къарангы эте тургъанлай мёлекле Аллахдан къууанч хапар алыб келселе, сынамладан къутулдунг, саугъалагъа тыйыншлы болдунг деб, олду меннге насыб.
 
 
 
#16
Джаратама2
22.06.2015 16:45:42 Translit
Хау, сиз айталлыкъсыз, жер юсюнде адамла бары да бирчадыла деп, хау, ол алайды, болсада:
Мен кесими насыплыгъа санайма!!!
Некми?
1. Мен таулума!
2. Мен таулу тилге шатык селешген, къартла жашланы намысха юйретген таулу элде туугъанма!
3. Мени Атам-Анам да барды! Мени Ала къол аязларында есдюргендиле! Жау бла гыржынла татлы жашайдыла! Мен аладан юлгю алама! Мен бюгюн да аланы керюп, эшитип турама!
4. Мен уллу аппаларымы, аммаларымы таныйма! Онеки атагъа дери санаялама! Беш телюге дери эки жанындан да тукъумларымы билеме!
5. Мен назму тизалама, хапар жазалама! Мен тауча селешалама!
6. Бийик билим алыргъа, ишлерге онгнгум барды!
7. Манга "келинчик" деп айтадыла, къаллай насыпды бир юйню келини болгъан, баргъан тукъумунгу сыйын тутхан!
8. Эркишиге "Атам", тиширыугъа "Анам" деген сезле эм багъалыдыла! Хар ата- Ана да сынасын ол насыпны да!
9. Аллах ,минг кере санга Шукур!!!
Мени болгъанмыдан башлап хар не ючюн да!!!
"Къадарны этегинде...","Сени ючюн"...(с)
 
 
 
#17
Джаратама0
22.06.2015 17:04:49 Translit
Машаллах сенчикге...акъыл токъмакъчыкъгъа 👍👍👍👍
 
 
 
#18
Джаратама0
22.06.2015 17:27:44 Translit
Цитата
Къара чачлы пишет:
Хау, сиз айталлыкъсыз, жер юсюнде адамла бары да бирчадыла деп, хау, ол алайды, болсада:
Мен кесими насыплыгъа санайма!!!
Некми?
1. Мен таулума!
2. Мен таулу тилге шатык селешген, къартла жашланы намысха юйретген таулу элде туугъанма!
3. Мени Атам-Анам да барды! Мени Ала къол аязларында есдюргендиле! Жау бла гыржынла татлы жашайдыла! Мен аладан юлгю алама! Мен бюгюн да аланы керюп, эшитип турама!
4. Мен уллу аппаларымы, аммаларымы таныйма! Онеки атагъа дери санаялама! Беш телюге дери эки жанындан да тукъумларымы билеме!
5. Мен назму тизалама, хапар жазалама! Мен тауча селешалама!
6. Бийик билим алыргъа, ишлерге онгнгум барды!
7. Манга "келинчик" деп айтадыла, къаллай насыпды бир юйню келини болгъан, баргъан тукъумунгу сыйын тутхан!
8. Эркишиге "Атам", тиширыугъа "Анам" деген сезле эм багъалыдыла! Хар ата- Ана да сынасын ол насыпны да!
9. Аллах ,минг кере санга Шукур!!!
Мени болгъанмыдан башлап хар не ючюн да!!!
Бютеу таулу къызла, келинле былай айтырча, кертиси алай болурча - аллай кюнню, Аллах, сен бер. Ол заманда, халкъыбыз халкълыгъын тас этер деб, чёб чакълы бир къоркъуу болмаз.
 
 
 
#19
Джаратама0
25.06.2015 10:47:59 Translit
Азамат, джаратдым пробкада джазгъанынгы! :alamat:
Насыб-атанг-ананг сау болсала
Оруслула уа: Счастье - это когда в доме нет больных. В тюрьме - нет родных. Среди друзей - нет гнилых! дегенлерин джаратама
псори тамам
 
 
 
#20
Джаратама0
06.11.2015 23:16:02 Translit
всезнайка,
👍👍👍
 
 
 
#21
Джаратама1
07.11.2015 14:21:58 Translit
Ёзденланы Альбертни бир аламат ариу жыры барды - Сени бла сёлешеме
Ишинг бла сен айтылсанг,
Юйдегингден сен къууансанг,
Ол тюлмюдю толу насып адамгъа.
 
 
 
#22
Джаратама0
10.11.2015 17:41:20 Translit
MiLedi, :alamat:
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный