"Эльбрусоидни" Къарачай шахарда офисине Гитче Къарачайны сабий садында ишлеген устазладан къагъыт келгенди. Къагъытда джазылгъаннга кёре, сабий садлада ана тилни окъутхан бу джылдан башлаб тохтагъанды.
Къагъытда былай джазылыбды:
"Бу соруугьа башында Минобразованияда керек тюлдю деб джууаб бергендиле быйыл январдан бери! Ол приказ кимни акьылына келген эсе да билмейбиз,алай а кьарачай тилни тамам тамырындан кесгендиле. Не ючюн дегенде, тилге сюймекликни тамалын сабий садлада сала эдик. Кьалай сюйюб тынгылай элиле сабийле нарт таурухлагьа, джомакьлагьа! Кьалай сюйюб ойнай эдиле халкь оюнланы! Биз, Гитчекьарачайны сабий садларыны устазлары бу затха бек кьыйналгьанбыз! Артыкьсыз да бусагьатда джангы окьуу планла да, анга келишген деменгили хрестоматия да чыкьгьан эди! Аны чыгьаргьанлагьа джюрек разылыгьыбызны билдиребиз! Не келсин, биз ол аламат китаб бла хайырланырбыз, энди уа не хатабыз барды деб тургьанлай, бу табсыз хапар аягьыбыздан алды, кьолларыбызны байлады! Оптимизацияны кьарачай тилни кьоратыб этмеселе болмаймыд? Аны хайырындан эсе хатасы кёб болурму? Бу соруулагьа ким берсин джууаб? Джыйырма джылдан артыкьны сабий садлада кьарачай тилни окьутуб тургьандыла. Энди аны кьоратыб, ол адаргы экономия бла бир кёб джарлылыкьнымы джабадыла? Тюзлюк ызына къайтыр деб ышанабыз, устазла, анала, атала, эмда сабийле! Эльбрусоидни ашхы ишлерин Къарачайда ким да биледи. Бизни джарсыуубузгьа да эс бёлюб, джамагьатха бир билдирсегиз, джамагьат бир оноу этмезмеди, деген акьыл бла джазабыз сизге. Кьарачай тилге джаны ауругъан адамла ишлейдиле Эльбрусоидде, бир эс бёлюгюз, марджа, бизни барыбызны джарсыуубузду бу! Къарачай сабийледен ана тиллерин сыйырмасынла гитчеликден!"
Не хапар болуб чыкъды бу? Билген адам бар эсе, толу джууаб беририн сакълайбыз