Цитата |
---|
Ibn-Ahmat пишет:
Sabr, бу джол тизгинледе рифманы къурамына эс белюрге кюрешгенме. Ол сёзлени юсюнден а- орусча джазыб туруб, ол стилдечаракъ джазгъан болурма. Магъанасына уллу хата боллукъду деб турмай эдим. |
Ibn-Ahmat, мени къууандыргъан олду - басым (ритм, ударение), кафие (рифма) сенде игиден иги бола баргъанлары.
Дунья махтау, сыйлауну кёбюн да
Аямай салса да танышынг.
Эгечинг сюемиди кёлю бла?
Махтанырчамыды къарнашынг?
Сёз ючюн,
кёбюн да - кёлю бла бек иги кафиеди-рифмады,
танышынг - къарнашынг - бу да игиди. Ритм, рифма джаны бла таб эте бараса. Аласыз назму джокъду. Алай а, назму джорукъладан да хайыр болмай къаллыкъды, тилни джорукъларын сакъламасанг. Не ючюн айтама алай? Аллындан башлайыкъ.
***
Ариулугъунгдан тилим суууйду,
Джюрегим а термилиб джана,
Башымда уа бир джангыз сорууду:
"Не затынгда кёрдюм магъана?"
1."Къызны ариулугъу асры къатылгъандан, джюрегим термилиб, джана турса да,
тилим тутулуб, джукъ айталмай къалдым". "Тилим суууйду" десенг а - ангылашынмайды.
2.Башымда уа бир джангыз сорууду:
кереклисича айтсакъ, былай боллукъ эди:
башымда уа - бир джангыз соруу; неда
- кёлюмде барды бир соруу да
Ариулугъунгдан тилим тутулады,
Джюрегим турса да термиле, джана.
Кеси кесиме сорама дагъыда:
Мен не затынгда кёрдюм магъана?
Былай болса, тил бузулмайды, алай а, назмугъа сен салгъан ёлче бузулады. Аны себебли, табыча кесинг джарашдырыб кёр.
Мени къатымда уа сюзюлесе,
Анангы тараймыса чачын?
Сыфатынгдан кийик кёрюнесе,
Атангы тутамыса сыйын?
Дунья махтау
ну, сыйлау
ну кёбюн да
Аямай салса да танышынг.
Эгечинг сюемиди кёлю бла?
Махтанырчамыды къарнашынг?
Къарасанг а- сенге джетген бармыд
Иманы бла интернет бетде?
Намазынг джарсымайын турамыд?
Аллахны тутамыса эсде?
Ариу сёзню джаныма салсанг да,
Ийнаныргъа бармыд амалым?...
Болгъанга джууаб билсем, айхай да,
Келинсиз турмазед арбазым.
Уллу сезим аллыма сюреди,
Бир джанындан къоймай сагъышла:
"Терен къобан боркъулдай келеди,
Тюбюнде кёрюнмейин ташла."
Ана тилибизде кёбюрек окъуй, кёбюрек джаза барсанг, алгъадан алгъа барлыкъса, бара да тураса. Шийир тауну башына чыгъарса, Аллах айтса.