Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Дженгил джетерикме деб, узун джолну къоюб, къысхасын барма.
  • Чомартха Тейри да борчлуду.
  • Тойгъа алгъа да барма, тойда артха да къалма.
  • Бал – татлы, балдан да бала – татлы.
  • Сескекли кесин билдирир.
  • Ашатыргъа иш – ашхы, ишлетирге аш – ашхы.
  • Билимли ёлмез, билимсиз кёрмез.
  • Элде адам къалмаса, ит тахтагъа минер.
  • Кёзюнде тереги болгъан, чёбю болгъаннга кюле эди.
  • Огъурлуну сёзю – суу, огъурсузну сёзю – уу.
  • Миллетни бойну – базыкъ, аны бла кюрешген – джазыкъ.
  • Тойгъанлыкъ къойгъа джарашады.
  • Къуллукъчума, деб махтанма, къуллукъ – хаух джамчыды!
  • Хазыр ашха – терен къашыкъ.
  • Ат басханны джер билед.
  • Накъырданы арты керти болур.
  • Къонакъ хазыр болгъанлыкъгъа, къонакъбай хазыр тюлдю.
  • Асхат ашлыкъ сата, юйдегиси ачдан къата.
  • Тамчы таш тешер.
  • Келинин тута билмеген, къул этер, къызын тута билмеген, тул этер.
  • Кёрмегеннге кебек – танг, битмегеннге сакъал – танг.
  • Биреуге аманлыкъ этиб, кесинге игилик табмазса.
  • Къарыусузгъа кюлме, онгсузгъа тийме.
  • Эки къатын алгъан – эки ташны ортасына башын салгъан.
  • Кийиминг бла танылма, адамлыкъ бла таныл.
  • Иги – алгъыш этер, аман – къаргъыш этер.
  • Кесине гебен этелмеген, биреуге черен эте эди.
  • Ашыкъгъанны этеги бутуна чырмалыр.
  • Сабий болмагъан джерде, мёлек болмаз.
  • Ат да турмайды бир териде.
  • Адамны артындан къара сабан сюрме.
  • Кимни – тили, тиши онглу, кимни – къолу, иши онглу.
  • Билими азны – ауузунда кирит.
  • Уллу къашыкъ эрин джыртар.
  • Адамгъа аман кюн соруб келмейди.
  • Урунуу – насыбны анасы.
  • Алма терегинден кери кетмез.
  • Бети бедерден, намыс сакълама.
  • Сакъалы текени да бар, мыйыгъы киштикни да бар.
  • Эринчекни аурууу – кёб.
  • Ауругъан – джашаудан умутчу.
  • Къыз келсе, джумуш эте келеди, къатын келсе, ушакъ эте келеди.
  • «Ма», - дегенни билмесенг, «бер», - дегенни билмезсе.
  • Чомарт къонакъ юй иесин сыйлар.
  • Аманны къуугъан, аманлыкъ табар.
  • Айранын берсенг, челегин да къызгъанма.
  • Аякъларынгы джууургъанынга кёре узат.
  • Джашынгы кесинг юретмесенг, джашау юретир.
  • Ач отунчуну ачыуу – бурнунда.
  • Суу кетер, таш къалыр.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
халк-миллет деген неди? Адам саныбыз къаллай азды. Къыйын кюнледе бирбирибизге болушмасакъ, не миллетлигибиз къаллыкды?, халк-миллет деген неди? Адам саныбыз къаллай азды. Къыйын кюнледе бирбирибизге болушмасакъ, не миллетлигибиз къаллыкды?
 
#1
Джаратама0
30.05.2013 12:35:48 Translit
Тюнене Семенледен Акга Бычаксыз Джазганды (Кеси Туркиядан Кавказга кёчгенди):

"-Орусиядан хар ай чыгып кирирге керекме. Мундан алга Азербайджанга бардым. Ызыма орусияга кайта туруу Ахыска Тюрклерине тюбедим. "-Мен орус тилни билмейме манга болушалıрмысыз" деп сордум. 5-6 джаш адам "-нек болмасын карнаш сюйюп болушурбуз " дедиле. Болушдула. Машиналарында адам толу мени саклап тура едиле. 3 адамлык джерге 4 адам олтуртуп манга эркин джер бердиле. Нальчикге дери конак этип келтирдиле. Сау болсунла. Менден кайтмасада Аллахдан кайтсын. Бюгюн Нальчик автовакзалга бардым. Тамбла Карачайга барырга керекме.. Бир машина мадар этейим тамбла бармыды соруп юренейим деп. Аллында "черкесск" джазган машина табалмадым. 2 адам Къарачайча сёлеше тура едиле. Алага "Къарачайлымысыз?" деп сордум. Иги кесек бетиме карагандан сора "нек сордунг? не джумушунг барды?" дедиле. Алагада Ахыска Тюрклюлерине айтганча айтдым: "Орус тилни билмейме, Карачайга машина бармыды? Болушаллыкмысыз" деп. Бир кесек бетиме карагандан сора ары бурулуп орусча сёлешип тебредиле бирбирлерине. Алагада Аллах болушсун. ""
Диаспора Къарачай-Малкъарлысы болсун, ата джурт Къарачай-Малкъарлысы болсун, башхалыгы джок, биз быллай аз санлы миллет болуп, бир къарнашыбызны сорууна джуапда берлик тююлесек, ол неге джарарыкды? Аллай Къарачай-Малкъарлылык неге кимге керекди? Бизле къайда болсада Къарачай-Малкъар адет, тёреси бла махтанып туррабыз. Джырларыбыз окуна Алан адет бла тёреси юсюнденди. Тёрели, адетли миллет болайыкъ. Къарнашларыбызга бетибизни бурмайык. Ышарып болушайык. Быллай къылыкъла миллетбизни джок этерикди ансы.
 
 
 
#2
Джаратама0
31.05.2013 04:42:27 Translit
Цитата
kipkekarcha пишет:
Тёрели, адетли миллет болайыкъ.
Къарт анам айтучан эди:" Джолоучу, къонакъ келиб юйинге, сенда аны аллына
иги шхуур салмай уялгъадан эсе, ёлгенинг ашхыды" деб, иги хантланы (Эт, джау,
бышлакъ, принч) артын бир кереда эттирмеген еди, кесибиз ачыракъ къалсакъда.
Къралны бизге артыкъ "сюймеклиги" кетген болмаз, аны себебли ол джашланыда
эркин мадарлары балмаинда болгъан болурла. Ичибизде адетлерибизден чыгъыб
баргъанлада кёбдю, аланы бирлеринеда тюбеген болур, Ала ючюн уялдым, кечерикди.


Цитата
kipkekarcha пишет:
Тёрели, адетли миллет болайыкъ. Къарнашларыбызга бетибизни бурмайык. Ышарып болушайык.
Амин Аллах.
 
 
 
#3
Джаратама0
31.05.2013 09:55:56 Translit
Цитата
kipkekarcha пишет:
Тюнене Семенледен Акга Бычаксыз Джазганды (Кеси Туркиядан Кавказга кёчгенди):
кёчюб мында джашаймыды? Къачандан бери эмда къайлайда? Къайсы шахарда, элде?
Джазгъан хапарыгъыз ючюн а уа уялырчады, къайдам, ким биледи кимле эдиле ол адамла, эм азы бла бир минер автобус, минибус бир зат табаргъа болушла керек эди, алай а ким биледи, не чурумлары бар эди. Энди адамла тюрлю-тюрлюдюле, Аллах айтса, тюгел аллай болгъан норма болгъан болмаз.
 
 
 
#4
Джаратама0
31.05.2013 09:58:01 Translit
Биз тёгерекде джашай эсе, тышындан адамгъа энтда болушлукъ керек бола болур, танышайыкъ, джумушларына къараргъа кюрешийк, къолубуздан келген чакълы бир.
 
 
 
#5
Джаратама0
31.05.2013 11:25:50 Translit
Цитата
Abdullah пишет:
kipkekarcha пишет:
Тюнене Семенледен Акга Бычаксыз Джазганды (Кеси Туркиядан Кавказга кёчгенди):
Хоу, Нальчикге кёчгенди. Бу сагатда Нальчикде джашайды. Нальчикде юйдегилиде болганды.
 
 
 
#6
Джаратама0
31.05.2013 11:50:12 Translit
kipkekarcha, Налчыкъгъа кечгендими? Не бла кечинеди ,не ишлейди анда уа?
"Къадарны этегинде...","Сени ючюн"...(с)
 
 
 
#7
Джаратама0
31.05.2013 12:26:55 Translit
Цитата
Къара чачлы пишет:
kipkekarcha, Налчыкъгъа кечгендими? Не бла кечинеди ,не ишлейди анда уа?
Хоу Нальчикге кёчгенди. Нальчикге кёчгелли джанлыш тююлесем 6-7 ай болады. Нальчикде юйдегили болганды. Атаджуртда джашарга тилейди, сюеди. Къарачай-Малкъар миллетини, джуртуну, тилини тёресини сюйген адамды. Къарачай тилде назмула джазады. Патриотду. Не зат иш этеди билмейме. Бу джазганларыны фейсбукдан (facebook) кёрюп, былайга копи-пасте (copy-paste) этгенме.
 
 
 
#8
Джаратама0
31.05.2013 12:44:03 Translit
kipkekarcha, ол Малкъар табадады сора, бизге (Черкесскийге) узакъды бир кесек.
 
 
 
#9
Джаратама0
31.05.2013 12:49:31 Translit
Цитата
Abdullah пишет:
kipkekarcha, ол Малкъар табадады сора, бизге (Черкесскийге) узакъды бир кесек.
Билеме. Ол кюн Къарачайга барырга керекли болганды анга.
 
 
 
#10
Джаратама0
31.05.2013 12:51:34 Translit
Танышыу, болушуу мадарыбыз къыйыныракъ боллукъду дегенлигим эди
 
 
 
#
Джаратама0
  Translit
 
 
 
#11
Джаратама0
31.05.2013 12:56:11 Translit
Цитата
Abdullah пишет:
Танышыу, болушуу мадарыбыз къыйыныракъ боллукъду дегенлигим эди
Джанглыз о кюн алай бир болуш керек болганды анга, мен англаган. Ансы юйдегилисиде болушаболур анга.
 
 
 
#12
Джаратама0
31.05.2013 12:58:32 Translit
kipkekarcha, сёз джокъ, алай а тышындан адамгъа айырыб, эс бёлюнюрге керекди
 
 
 
#13
Джаратама0
31.05.2013 12:59:32 Translit
Цитата
Abdullah пишет:
kipkekarcha, сёз джокъ, алай а тышындан адамгъа айырыб, эс бёлюнюрге керекди
Хоу, тюз айтаса
 
 
 
#14
Джаратама0
31.05.2013 13:54:35 Translit
Тюзюн айтыргъа, тышындан, башха джуртладан келген къарачайлылагъа КъЧРда бир фонд къураргъа керек эди, къуру аланы ишлерине, джумушларына къарагъан. Сора ол фондну джюрютгенле да тышындан келгенле кеслери болсала иги боллукъ эди..
 
 
 
#15
Джаратама0
01.06.2013 07:07:07 Translit
Цитата
Albert пишет:
Тюзюн айтыргъа, тышындан, башха джуртладан келген къарачайлылагъа КъЧРда бир фонд къураргъа керек эди, къуру аланы ишлерине, джумушларына къарагъан. Сора ол фондну джюрютгенле да тышындан келгенле кеслери болсала иги боллукъ эди..
Тюз айтаса, бизде КБР республикада, аллай фонд барды, кечюп келген черкесс миллетге джерле, эм юйле ишлерге онг тапдырады, сабийлеге окъуу юйлеге баш билим алып сохтала болургъа болушады), кертисин айтханда бизни миллетибизге андан джукъ хаир келип эшитмегенме((
Изменено: Snowdrop - 01.06.2013 07:08:28
Никакие богатства не смогут компенсировать бедность души...
 
 
 
Страницы: 1
Читают тему (гостей: 1)

Форум  Мобильный | Стационарный