Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Чомартны къолу берекет.
  • Ишлерге уял да, ашаргъа табма.
  • Къарнынг бла ёч алма.
  • Тыш элде солтан болгъандан эсе, кесинги элде олтан болгъан игиди!
  • Онгсузну – джакъла, тенгликни – сакъла.
  • Гугурук къычырмаса да, тангны атары къалмаз.
  • Накъырданы арты керти болур.
  • Аз сёлеш, кёб ишле.
  • Билимден уллу байлыкъ джокъду.
  • Айтханы чапыракъдан ётмеген.
  • Битмегеннге сакъал – танг.
  • Дженгил джетерикме деб, узун джолну къоюб, къысхасын барма.
  • Бек ашыкъгъан меннге джетсин, дегенди аракъы.
  • Урама да – ёледи, сатама да – келеди.
  • Къатын къылыкъсыз, эр тынчлыкъсыз.
  • Мал ёлсе, сюек къалыр, адам ёлсе, иши къалыр.
  • Магъанасыз сёз – тауушсуз сыбызгъы.
  • Кёб ант этген, кёб ётюрюк айтыр.
  • Эм уллу байлыкъ – джан саулукъ.
  • Хантына кёре тузу, юйюне кёре къызы.
  • Акъыл аздырмаз, билим тоздурмаз.
  • Нарт сёз къарт болмаз.
  • Байлыкъ тауусулур, билим тауусулмаз.
  • Сибиртки да сыйлы болду, кюрек да кюнлю болду.
  • Зар адамны насыбы болмаз.
  • Къыз келсе, джумуш эте келеди, къатын келсе, ушакъ эте келеди.
  • Тойгъан антын унутур.
  • Ашаса, ашамаса да, бёрюню ауузу – къан.
  • Тамбла алтындан бюгюн багъыр ашхы.
  • Эшекге миннген – биринчи айыб, андан джыгъылгъан – экинчи айыб.
  • Аш берме да, къаш бер.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Суу да къайтады чыкъгъан джерине.
  • Аджалсыз ёлюм болмаз.
  • Къарнынг тойгъунчу аша да, белинг талгъынчы ишле.
  • Келинин тута билмеген, къул этер, къызын тута билмеген, тул этер.
  • Босагъагъа джууукъ орун болса, ашыгъыб тёрге озма.
  • Тели турса – той бузар.
  • Байлыкъ болгъан джерде, тынчлыкъ джокъду.
  • Сёз – кюмюш, джыр – алтын.
  • Ат басханны джер билед.
  • Чакъырылгъанны аты, чакъырылмагъанны багъасы болур.
  • Ата Джуртун танымагъан, атасын да танымаз.
  • Къар – келтирди, суу – элтди.
  • Къралынгы – душмандан, башынгы от бла суудан сакъла.
  • Окъумагъан сокъурду, сокъур ташха абыныр!
  • Ашха уста, юйюнде болсун
  • Адам къаллай бир ишленмесе, аллай бир кесин уллу кёреди.
  • Джангызны оту джарыкъ джанмаз!
  • Иши джокъну, сыйы джокъ.

Форум

Форум / Бёлюмле :: Тематические разделы / Ана тилде :: Ana tilde
АКТУАЛЬНЫЕ СТИХИ, литературные сочинения на злобу дня
 
#1
Джаратама0
18.03.2012 02:19:24 Translit
Гитче санлы, сыфатсыз адам
Кир ниетден жюрегинг толуп,
Тоймагъан губу къанын ичесе
Малкъар халкъны сыртына къонуп.

Халкъынга палахны аламат жумуш деп
Кууанч тыпырлы келтиресе,
Артынг шинтикде, къарнынг токъ
Алай етсенг, турлукъларын билесе.

Халкъ ичинден эр чыкъса,
Эрляй аны ызындан тюшесе,
Кесингча илишанлыла бла къуршалап,
Абындыргъынчы талмайын сюресе.

Жууукъну жууукъ бла жау этип
Тенге тенгин сатдыраса,
Санга баш иймеген чыкъса
Къырал кючге къабдыраса.

Тау эллени адамсыз этип,
Тыш адамлагъа жерлерин къойдунг,
Ёз миллетинг жарлы болсада,
Жалангач ёсген, сен тойдунг.

Къалай кючлюме, деменгилиме деп,
Алауганланы жыкъгъанынга,
Ёхтемленесе кесинг бла,
Ёнюнг тыгъылып тамагъынга.

Алай ёхтемленирча жокъду сылтауунг.
Жокъду акъылынг не да къарыуунг,
Жангыз барды сатылгъанынг гыржынга,
Не елтириксе халкъдан артыкъ къабырынга?
Изменено: куня - 22.03.2012 20:26:04
 
 
Страницы: Пред. 1 2 3 4
Ответы
 
#91
Джаратама1
26.01.2013 15:30:25 Translit
Цитата
Balcibin. пишет:
"Ма алай, жумушдан къоркъгъанлай,
Аурну бирлеге къойгъанлай,
Метеке букъгъанлай кебине,
Жетдирдик миллетни тюбюне."
Тоба, тоба, къалтыратхан окъуна этдирдиле бу тизгинле... Миллетибизни сакълаууну жумушуна бар заманларын, ашауларын-жашауларын салып айланган жашларыбызгъа Аллах саулукъ да, тёзюм да, узакъ ёмюр да берсин, излегенлерин тапсынла деп тилейме. Мурадин, салам!
Бек сау бол. Саламынг узакъ болсун, Мурадинда береди санга салам
"Керти байлыкъ жерди, андан къалгъаны желди" (нарт сёз)
 
 
 
#92
Джаратама1
27.01.2013 15:13:12 Translit
Мужчина, будь мужчинойМужчина, будь мужчиной,
А куклой - никогда,
Которую швыряет
Судьба туда-сюда!
Отважных не пугает
Судьбы собачий лай, -
Так, значит, не сдавайся,
Навстречу ей шагай!
Мужчина, будь мужчиной!
Не любит слов герой.
Дела красноречивей
Всех Демосфенов! Строй,
Круши, ломай и смело
Гони врагов своих,
А сделав свое дело,
Исчезни, словно вихрь!
Мужчина, будь мужчиной!
Ты прав - так будь готов,
Отстаивая правду,
Пролить за это кровь!
И лучше сотню раз ты
От жизни откажись,
Чем от себя! В бесчестье
К чему тебе и жизнь!
Мужчина, будь мужчиной!
Ведь не мужчина тот,
Кто за богатства мира
Свободу отдает!
Презренны - кто за блага
Мирские продались!
"С котомкой, но на воле!" -
Пусть будет твой девиз.
Мужчина, будь мужчиной!
Отважен будь в борьбе.
И ни судьба, ни люди
Не повредят тебе!
Будь словно дуб, который,
Попав под ураган,
Хоть выворочен с корнем,
А не согнул свой стан!
Изменено: APSATI - 27.01.2013 18:23:46 (......)
 
 
 
#93
Джаратама2
28.01.2013 00:23:43 Translit
***
Эркишиле бардыла деп,
Ёхтемлене эдик биз къызла,
Тийишли сунуп сизни,
Кертиси бла сыйгъа.

Аз къалып турама энди,
Къызла туругъуз дерге,
Миллетибизде жокъ эселе,
Ёхтемленирча биз эрле.

Келигиз кёнчек кийеик,
Сыйырайыкъ бёрклерин,
Сата эселе шайгъа,
Чынтты таулу ётлерин.

Ачыуумдан жиляйма,
Жилясынла сатхычла,
Уялмайма, къаргъайма,
Къабыр жерсиз къалсынла.
Изменено: Дауурхан - 28.01.2013 00:38:30
 
 
 
#94
Джаратама1
28.01.2013 23:33:43 Translit
Цитата
Дауурхан пишет:
***
Эркишиле бардыла деп,
Ёхтемлене эдик биз къызла,
Тийишли сунуп сизни,
Кертиси бла сыйгъа.

Аз къалып турама энди,
Къызла туругъуз дерге,
Миллетибизде жокъ эселе,
Ёхтемленирча биз эрле.

Келигиз кёнчек кийеик,
Сыйырайыкъ бёрклерин,
Сата эселе шайгъа,
Чынтты таулу ётлерин.

Ачыуумдан жиляйма,
Жилясынла сатхычла,
Уялмайма, къаргъайма,
Къабыр жерсиз къалсынла.
Алайды кертси бла...
 
 
 
#95
Джаратама1
30.01.2013 00:01:17 Translit
Кёплерибиз халкъны сатханда,
Бет дегенден хурттак къалмайын,
Я Аллахым, Сен болуш жашлагъа
Тюз жол бла барыргъа, ажашмайын!

Темиржанны кабинетине кирселе,
Кёп малкъар жашла уа сынадыла,
Ол дунияда да къуллукъчугъа
Шинтик берилликми сунадыла?

Зулмучуну ахыры бирди,
Бу уа неге ышанады?
Бу миллет да бир сейир миллетди-
Кёзбаулугъунда батылады.

Сатхычлагъа айып этип,
Кесибиз хайыр этмей барабыз,
Къул болууну харам кёрюп,
Къулну байлыгъына сора нек сукъланабыз?!

Кертисин айтханны жаратмайын,
Бир къужур затланы къурайдыла,
Кеси ётюрюклерине ийнанып, таулула
Къарангы баудача жашайдыла.

Байлыкъмы, не зат, билмейме,
Бу мени тёлюмю бир бек алдайды,
Кесини ниетин да билмейин,
Биреуню абынырын марайды

Малкъар халкъны жаш адамы.
Ол'а Журтуна жарармы?
"Менни" "бизге" алышырмы,
Башханы къайгъысына къарармы?

Зулмучуну ахыры бирди,
Инша Аллах, муратына жеталмаз,
Къонакъны ахчасы, кесини хыйласы
Аллахны аллында болушмаз!!!

Кёп тюйюлсюз, тау уланла,
Жарсыугъа, ачытырча азсыз,
Алай кёлюмю кётюред болгъаныгъыз,
АЛЬХАМДУЛИЛЛЯХ, сиз барсыз!!!

Ол башдан сакъатлагъа уа
Заман налат берирди,
Сизни атларыгъыз алгъышда,
Аланыкъы-къаргъышда келирди!!!





 
 
 
#96
Джаратама0
16.02.2013 15:22:08 Translit
ДЖАНГЫ КЪАРАЧАЙЛЫЛА

-Къуллукъгъа-оноугъа тюшерге керекбиз,
тамада-башчы болургъа керекбиз биз.

-Не акъыл бла?

-Башхала бизни джуртну-халкъны
тонаб, бошаб барадыла...

-Ай аперим,
халкъны-джуртну къайгъысын этген да,
бир адам чыкъды.
Сен миллетге джан аурутаса,
аны хакъын башхала ашамасынла дейсе...

-Хоу, тюз ангылагъанса.
Биз кесибиз тонаргъа керекбиз халкъны, джуртну да.
Кесибизники кесибизде къалыргъа керекди.
Башхалагъа кетмезге керекди халкъны къыйыны, джуртну байлыгъы...

-Ойнагъанмы этесе?

-Огъай, оллахий, керти кёлюм бла айтама.

Энди ол сылыкъ, оноучу-къуллукъчу болуб, халкъны къанын ичеди дейдиле. Аллайла келгендиле оноугъа. Оноулары тоноу болгъанла. Аллайланы бирин ёлтюргендиле. «Акъсакъалла оноу этиб, къарасакъалла ёлтюргендиле»,- дейдиле. Кертимиди, ётюрюкмюдю — Аллах билсин. Аны ючюн джукъ да тюрленмейди — кёб адамны уа тутхандыла. Мурдарлыкъ, тоноу, уру-гуду бир да тохтамайды. Сарыкъулакъ къарачайлыла бир джукъдан артха турлукъ тюлдюле — джангыз кючден къоркъадыла ала: «дуния намыс, ахырат азаб» деген а — алагъа джукъ да тюлдю. Къарачайны къурутуб баргъан аладыла, аллайладыла къралны къурутуб баргъан да. Тейрилери-иляхлары дуния мал болгъанладан къутулмай, джашау тюрленник тюлдю къайда да.
2003 джыл
 
 
 
#97
Джаратама0
16.02.2013 20:34:33 Translit
Сизни тийишли назмуларыгъыз жюреклеге жетсин.

Цитата
Дауурхан пишет:
Эркишиле бардыла деп,
Ёхтемлене эдик биз къызла,
Тийишли сунуп сизни,
Кертиси бла сыйгъа.
:онет!:
 
 
 
#98
Джаратама1
02.03.2013 00:20:29 Translit
***
Къой сюрюуча миллет шошайды,
Тыпырдамай, токълуча, тайды,
Къул жашау халкъыма татыды,
Кишилик, азатлыкъ атылды.

Къарауаш, къумгъанчы, миллетни сатуучу,
Болдула ахырда нартланы окълары,
Эр кибик – быдырын сакълауучу,
Бий кёрсе – чуругъун жалауучу.

Не сылтау, не талау жагъылды,
Не ташха абынып жыгъылды,
Не халат бла жойгъанды бетин,
Дуниягъа айтылгъан миллетим.
 
 
 
#99
Джаратама0
02.03.2013 08:15:02 Translit
карачаево-балкарского не понимаю, но стихотворение о волке на русском очень понравилось. :)
 
 
 
#100
Джаратама0
23.03.2013 17:07:33 Translit
Акъсуучулагъа

Холам халкъы тепгенди,
Тепсе да кеч къалып бираз,
Сууумагъа эди энди,
Ичлеринден чыгъып начас.

Терек ичинден къуртча,
Ашайдыла ичибизден,
Эллерибизни къурутханла,
Чыгъадыла кесибизден.

Эллерин сатып сымарланып,
Депутатла болгъандыла,
Ата журтлары тоналып,
Кеслери тойгъандыла.

Ма бюгюн да эл къопханда,
Бары турмайдыла бирден,
Тас этерге негиз къалды,
Къоркъасыз айтыгъыз кимден.

Бизден батыр ким барды,
Уянайыкъ жукъудан,
Паук, Канок, Каширок,
Айырмазла журтумдан.

Эр эсек элни сакъларбыз,
Юлгю болуп ёсгенлеге,
Тийишли, къыргъыздан къайтып,
Журтумда ёлгенлеге.(с)
 
 
 
#
Джаратама0
  Translit
 
 
 
Страницы: Пред. 1 2 3 4
Читают тему (гостей: 1)

Форум  Мобильный | Стационарный