СЕМЕНЛАНЫ ИСМАЙЫЛ БАЛАЛА Ата деген, алам чакъны тахсасы, Ана деген, джашил чакъгъан бачхасы, Бала деген, кёзден тамгъан джаш кибик, Туудукъ деген туугъанынгдан баш кибик. Он балагъа он джарсыу бла, къарадым, Тауну тюзню ала ючюн тарадым, Къолдан келген дыккы болуб, уялдым, Кереклерин табалмайын къыйналдым. Аягъым - ат, къолум - къамчи, кюрешдим, Табханымы барына тенг юлешдим, Джюрек бла барысына илешдим, Ала ючюн хар къыйын бла бетлешдим. Бала деген, бал ёзеклей, кёл джазар, Камсыклыгъы, хатасы бла гюр чачар, Ана, ата джюрегинде джер ачар, Аласыз а джашауунгдан нюр къачар. Хар баланы хатхунгдады оюму, Эсден чыкъмай, ёсюм, кийим, тоюму, Гитчеликде, гитче хурмет, дегенлей, Уллу болса, уллу насыб келгенлей. Эй, балада иги, аман болмайды, Хар бирини джери башха, толмайды, Ашхы бала - кёлге джууаш тийиучю, Къылыкъсызы - сагъышынгы кериучю. Ашхы бала, кёзге кирмей, тынч турур, Камсыгы уа хар кюнюнге хынч урур, Эй, камсыкны, ашхыны да сюесе, Кёл джылыуну тенг юлешиб бересе. "Сезиу - кёлден, бала - белден", джанынгды, Къууандырса, ачытса да - къанынгды, Манга, Аллах, он насыбны бергенди, Он бала да къанатларын кергенди. Хар сабийде бирер тюрлю керамат, Хар бири да бирер тюрлю аламат, Бала деген джандан тамгъан тамчыды, Аны джыкъгъан - сени джыкъгъан ачыды.
Эй, камсыкга "тынч бол"-дей да, уруша, Ашхынг бла, сюйюм тартыб, туруша, Джылауугъунг назик тиер кёлюнге, Къылыкъсызынг байау этер элинге. Эй, баланы джангылычы - кесибизден, Акъыл бюгюу - къагъанакъдан, бешигинден, Да, балада къыяу болса - къыяуунгду, Ой, балада асыу болса – махдауунгду. Сабий ангы кёрген затын сингдиреди, Алай бла юйню тинин билдиреди, Ата-ана, уллу борчду, кераматды, Бала деген, Аллах берген, шафаатды. Сыйлы борчду, ой, баланы ёсдюрюу: Акъылына - сингдиририн сингдириу, Сезиуюне - сезиу сынау, эслетиу, Тёнгегин да - чыныгъыу бла ийлетиу. Джангыз къарын тоюуу бла болмайды, Бермегенинг кёрюнмейин къалмайды, Эй, тин тартхан, халкъда орун алыучу, Хар ишинде, айтылырлай болуучу. Да, сабийге, кёб джаны бла къарарыкъса, Хар халине башха бир джол табарыкъса, Ол джыласа, аны бла джыларыкъса, Ол къууанса, аны бла къууанныкъса. Ёмюр деген, бизден кете, алагъады, Эски чакъдан джангы заман тамадады, Ата-ана анга къулакъ салыр болсун, Балаланы айтханларын алыр болсун. Ол заманда, бала юйден айырылмаз, Башха джерде тин шохлукъну излеялмаз, Шоху болур - джууукъ, ата, анасы, Алай бла да болмаз джашау хатасы. Он баланы алай бла ёсдюрдюм, Барлыгъымы, джокълугъуму кёргюзтдюм, Хар бири бла джандан-джаннга сёлешдим, Ушагъына, тенглик этиб, тенглешдим. Шукур этер бирер адам болдула, Окъудула, юйюр-арбаз къурдула, Аман джолгъа бириси да кетмеди, Бет къызартыб, мени арсар этмеди. Он бармагъым - он балам дей тура эм, Акъылымда келирлерин къура эм, Барысы да бичгенимча джолланды, Чарпымайын джашаууна атланды. Эй, уланны онглусуду кёл керген, Хей, къызынгы насыбыды онг берген, Ай, жюрекни ойнатхана - туудукъду, Кёлню тёрю - ол туруучу турукъду. Ата болгъан - алам чакъгъа джанашыр, Ана болгъан джер джюзюне джарашыр, Балам,-деген,- бёгек болур, бюгюлмей, Къарт кюнюнде, джакъсыз болуб, тюртюлмей. Ата деген - кёкге къанат ачханлай, Ана деген, джандет нюрюн чачханлай, Бала деген - джандан къобхан бир урукъ, Аллах салгъан, сейир этер, бир джорукъ. 1980. О Октябрь. Терезе. КЧР. | ИСМАИЛ СЕМЕНОВ ДЕТИ Мирозданья безмерного тайна - отец, Мать - цветущей зеленой природы венец, Как святая из глаза слеза нам - дитя, Ну а внуки - отрада земного житья. Я их десять растил - равно столько ж забот, Из-за них не гнушался земных я работ, Когда больше не мог, еле стыд превозмог, Как душила нужда их, душой изнемог. Сделав ноги конем, руки плетью, я жил, Что нашел, равно детям на всех разделил, Навсегда в сердце всех их своем поселил, Из-за них сколько трудностей я пережил. Словно меда исток, смягчит душу дитя, Озорство шалуна, гомон лечат тебя, В сердце мир с ним откроют и мать, и отец, Свет из жизни сбежит без дитя, наконец. Все стремленья детей в твоем сердце живут, Рост, одежда, еда – из ума не идут, Когда малы они - обоянье своё, Подрастут, как они, грядет счастье твоё. Из твоих - лучше-хуже не будет детей, Каждый место свое лишь займет из детей, Смягчит сердце хороший ребенок –твое, Шаловливый - прибавит раздумье свое. А хороший спокоен, не мозолит глаза, С шаловливым же жить нам спокойно нельзя, Любишь ты их обоих всегда, пока жив, Отдаешь им тепло, душу всю разделив. Чувств – исток изнутри, а дитя - как душа, Примешь радость, печаль –своего малыша, Десять судеб и счастий подарил мне Аллах, Десять - крыльев своих ощутили размах. В каждом вашем дитя свой особенный свет, Каждый сам по себе несет лучшего след, Как святая из глаза слеза нам - дитя, Кто повалит его, тот повалит тебя. Шалуну скажешь, «тише», поругаешь его, В жизни делишь с хорошим, с любовью, ты всё, Истончит твою душу плаксивый тебе, Невоспитан – укор лишь разносит в селе. Эх, ошибка дитя - истекает от нас, Становленье ума – зреет в люльке у нас, Коль в дитя есть изъян - он и твой есть изъян, Если пользу принес- весь в отца мальчуган. Ведь дитя, что увидит, только это возьмет, И культуру семьи в каждом жесте несет, Мать-отец – большой долг, и от них карамат, А дитя, дал Аллах им его в шафагъат. Долг почетный растить своего малыша, Ум сознаньем его напитать не спеша, Чувств своих - испытать, и на них указать, Ну а тело свое – закалять, приучать. Лишь пресытить желудок - не дело совсем, Что не дал ты ему - будет ясно ведь всем, Тянет к духу – в народе лишь место сему, Чтоб в поступке любом проявиться ему. Да, к ребенку подход - со всех ведь сторон, Нрав у каждого свой и особенный он, Потому, когда плачет, с ним плакать и вам, Когда радость - и радость делить пополам. Век, от нас уходя, переходит весь к ним, Время старое, новым сменяя – большим, Мать с отцом держат ухо востро пусть к тому, Чтобы речи детей были им по нутру. И тогда не расстанется с домом дитя, Не нужны в других землях по духу друзья, Станут ближе родные, отец его, мать, И тогда ему в жизни и горя не знать. Я всех десять детей так старался растить, И нужду, и достаток смотреть и делить, По душам я отдельно с детьми говорил, Становился ровесником, беды делил. Слава Богу, они стали в жизни людьми, Отучились, и семьи-дворы завели, И плохою дорогой никто не пошёл, Чтоб краснел я за них, и стыдом изошёл. Десять пальцев моих – моих десять детей, В голове я держал их приход, как гостей, Все они, как хотел, в жизни путь обрели, Без потерь все тропою своею пошли. Славный сын – поднимает он душу отца, Счастье дочери радость его до конца, А играет от внуков лишь сердце его, В сердце трон – если внуков туда занесло. Ближе к чекам вселенной, когда ты - отец, В любом месте Земли есть для мамы венец, Пусть дитя будет горд, несгибаем всегда, Чтобы старым - гонимым не быть никогда. В небо крылья дарует тебе - твой отец, Мать – свет рая тебе донесет, наконец, Дитя – сердца частица, живущая в нём, И Аллахом поставленный, дивный, закон. 17.02. -09.03.2018 г. Перевел Н-М.Лайпанов
|