Расширенный поиск
22 Мая  2024 года
Логин: Регистрация
Пароль: Забыли пароль?
  • Джаралыны джастыгъында сау ёлюр.
  • Болджал ишни бёрю ашар.
  • Ёлюр джаннга, ёкюл джокъ.
  • Аш кетер да бет къалыр.
  • Мен да «сен», дейме, сен да «кесим», дейсе.
  • Накъырданы арты керти болур.
  • Сабийликде юретмесенг, уллу болса – тюзелмез.
  • Чакъырылмай келген къонакъ сыйланмай кетер.
  • Джылыгъа джылан илешир.
  • Адам боллукъ, атламындан белгили болур.
  • Иги сеники эсе да, сюйген кесимикин этеме.
  • Иги адам абынса да, джангылмаз.
  • Бал – татлы, балдан да бала – татлы.
  • Ёзденликни джайгъан – джокълукъ.
  • Джашда акъыл джокъ, къартда къарыу джокъ.
  • Ёмюрлюк шохлукъну джел элтмез.
  • Ёзденликни кёбю ётюрюк.
  • Ачлыкъда тары гырджын халыуадан татлы.
  • Джол бла сёзню къыйыры джокъ.
  • Биреуню къыйынлыгъы бла кесинге джол ишлеме.
  • Ата – баланы уясы.
  • Ышармагъан – кюлмез, кюлмеген – къууанчны билмез.
  • Ачыкъ джюрекге джол – ачыкъ.
  • Ариуну – ауруу кёб.
  • Окъуу – билимни ачхычы, окъуу – дунияны бачхычы.
  • Бет бетге къараса, бет да джерге къарар.
  • Ким бла джюрюсенг, аны кёзю бла кёрюнюрсе.
  • Аууздан келген, къолдан келсе, ким да патчах болур эди.
  • Таула не мийик болсала да, аууш табылыр.
  • Кийимни бичсенг, кенг бич, тар этген къыйын тюлдю.
  • Иесиз малны бёрю ашар.
  • Къарын къуру болса, джюрек уру болур.
  • Тил бла келеди джыр да.
  • Элиб деген, элге болушур.
  • Тойчу джашха къарама, къойчу джашха къара.
  • Кийимни бир кюнню аясанг, минг кюннге джарар.
  • Ашхы тенг джолгъа салыр, аман тенг джолдан тайдырыр.
  • Ёксюзню къалачы уллу кёрюнюр.
  • Чыбыкълыкъда бюгюлмеген, къазыкълыкъда бюгюлмей эди.
  • Кимни – тили, тиши онглу, кимни – къолу, иши онглу.
  • Чабакъ башындан чирийди.
  • Акъыл неден да кючлюдю.
  • Аш хазыр болса, иш харам болур.
  • Тамбла алтындан бюгюн багъыр ашхы.
  • Ач къарынны, токъ билмез
  • Юре билмеген ит, къонакъ келтирир.
  • Эллинг бла джау болсанг да, юйюнг бла джау болма.
  • Кечеси – аяз, кюню – къыш, джарлы къаргъагъа бир аш тюш!
  • Сютден ауузу кюйген, суугъа юфгюре эди.
  • Ойнаб айтсанг да, эслеб айт.
Страницы: 1
Амина Газаева - член Союза писателей России! Поздравляем!))
 
Мурадин Ольмезов

"Хурметли къарачай-малкъар миллет"!
Бюгюн Москвадан къууанчлы хапар келгенди. Поэзиябызны алтын джулдузчугъун - ГАЗАЛАНЫ АМИНАНЫ Россей джазыучуланы биригиуюне (Союзуна) алгъандыла. Келигиз, назмучу эгешчигибизни джюрегибизден алгъышлайыкъ!" - деб, Мурадин Ольмезов Фейсбукда джазгъанны окъуб, быллай хапарны сыйлы орну "Эльбрусоидни" сайтыды, мында джыйылады миллетибизни белгили, магъаналы, историягъа кирлик затлары (исторические моменты), деген сагъышда, бу хапарны бери кечюрмей къоялмадым.

Ма шаа Аллах! Керти да бек къууанч хапар болду, Аллах къууандырсын Аминаны мындан ары да! Ызы къалын болсун!) :гоккачыкъ: :гоккачыкъ: :гоккачыкъ:

Билал Лайпановны игилиги бла Аминаны чыгъармалары биринчи бизи сайтда басмаланнгандыла (для широкой публики, Кязим Мечиев бла Исмаил Семеновну атлары бла етген конкурсда елче болгъаныны юсюнден да бизни сайтда джазылгъанды, сора къууанмай къалай этеим?)) Къууаннганымы да "Эльбрусоидде" джазмай къалай чыдайым?)))


Багъалы эльбрусоидчи тенглерим! Барыгъызгъа да быллай кюн келсин: Аминача тутхан ишигизде бет джарыкълы болуб, миллетими аты иги бла айтдырдым, сюйген ишим бла кюреширча энтда бир джангы мадар (возможность) къошулду, деб, кеси кесигизге кел салырча))
Я самая классная на форуме))))))))))))))
 
Ма ша Аллах! Алгъышлайма! Ызы къалын болсун, Амина!
Сэстренка,Амин Аллах алгъышларынга!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Сэстренка,

Союзгъа кирген - ол да къууанч болур, алай а, манга эм уллу къууанч - адамланы джюреклери ачыкъ, халал, кенг болгъаны, бир-бирини джетишимлерине къууана билгенлери. Сени да, Сэстренка, Аллах къууандыргъанлай турсун - къыйынынг уллуду бу миллет сайтны отун джукълатмай турууда, башха ишлеринги айтмай къойсакъ да.

Аминагъа джетишимле теджеген бла бирге. тюзюн айтыргъа излейме: бусагъатда Эресейни джазыучуларыны Союзуну совет заманладача дараджасы, магъанасы къалмагъанды. Алай а, ары кирирге керекди - дуния былай турмаз. Газаланы Амина, анга рекомендацияла бергенле да сау болсунла.

Ол Союзгъа кирирге тыйыншлыла бизде дагъыда бардыла - джаш тёлюбюз бек фахмулуду: Айшат, Къара чачлы, Шаудан... Алай демек - бизни адабиятыбызны тамбласы барды.
Литературасы болгъан халкъ, джазыучулары кёб болгъан халкъ - тилин да, культурасын да сакълаяллыкъды.
Аллах къууанчдан айырмасын.


 
Присоединяюсь к поздравлениям! :гоккачыкъ:
 
Хы да, мен а китабын да окъугъанма!) Аминаны Союзгъа киргенин билгенимде мени да эсиме Рахайланы тынгысызжюреклери тюшген эди.

Аиша, бирге сакълабыз сизден къууанч хапар.)
Изменено: shaudan - 22.12.2016 20:49:49
 
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
 
Цитата
shaudan пишет:
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
Кертиси бла да, къайдадыла ала? Мен билмейме. Кеслери кёрюнюрге излемеселе - табхан къыйынды.
 
Жукъла,
Малкъарым,
сен,
мен
белляу айтайым
сени
хар гюлюнге,
юйюнге,
элинге.
Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,
белляуну да жая
ол
женгил къанатдан.
Болсун,
Малкъарым,
хар
кеченг
дайым да шош,
эрттенинг а –
чууакъ.
Алай болмаса – бош
белляула да
айтхан,
назмула да
жазгъан,
Аллахым сакъласын
мени
ол ачыудан.

© #Газаланы_Амина
 
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
Цитата
Айшат пишет:
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!


Аиша, вот то, что мне воистину нравится

* * * * *

Кюрешме
болургъа ёхтем,
къарачы жаууннга сабыр.
Энип келип
бийик кёкден
назик чёпге айтады жыр.

Кюрешме болургъа уллу,
гынтты да этме,
тенгим, бош.
Къая бийикди,
къарыулу,
алай а, кёр, турады шош.

Кюрешме кесинге дебер
сурап,
къарачы жулдузгъа:
бийикме демей,
жол нёгер
болады дайым
жолсузгъа.

#Газаланы_Амина
 
Страницы: 1
Читают тему (гостей: 1)

Форум  Мобильный | Стационарный