Цитата |
---|
Миланчег пишет:
2) составить диалог о погоде
|
Телефон ушакъ.
- Кюн ашхы болсун, Муслимат.
- Ашхылыкъ кёр, Къанитат, бир бек къуандым сени эшитгенимде.
- Муслимат, Огъары Мараны буз къакъгъанды дегенлери тюз хапармыды?
- Ётюрюкдю, Къанитат, бир кесек джангурчукъ себелеген эди, кеси да сокъурларындан.
- Ючкекенни уа суу алыб кете эди дейле, нени да уллусу Ючкекеннге джетеди.
- Алайды, а къыз, светофорлары да Къарачайда къой эсенг, саулай Эресейде эм уллуланы бириди дейдиле.
- А ким айтады?
- Да ючкекенчиле кеслери айтадыла, аланы орнуна ким айтыб айланныкъды.
-Тубан басса уа къалай кёредиле джангкъылычны?
-Ол дегенинг?
- Ой, телиме сюре турама, эсим башхагъа кетгенди да.
- Башынгы къаратыллыгъы болур. Магнит боранла джюрюйле сиз джанында дейдиле, бир ишексиз аланы палахы болур, Аллахды билген.
-Тоба де, Аллах-Аллах, не боран хапарла айтаса?
-Боран джетди боранлаб...эсингдемиди сабийликде назмубуз?
-Эсимдеди айхайда..."къарангыда билмейин таначыгъын къапханем" деген назму уа эсингдемиди?
-Бёрюню отмазкаларыны юсюнден? Ха-ха-ха. Джарлы бёрю къабама деб кеси къапханнга тюшюб...
-Терисинден джарагъан тон этген болур эдиле, сууукъгъа иги чыдайды дейле, кеси да джел ауруугъа джарайды.
-Аю джау джарайды дейдиле, борсукъ джауда дуния бла бир игилик этеди...
-Сары джаугъа къор болсунла барыда, мен сары джауну сюеме.
-Айхайда, сары джауну киштик да сюеди, андан да тоюб кюн турушда сойланыб хурулдай береди...
-Киштик бек итди, бир саутну башын ачыкъ къояргъа амал джокъду, болгъан ашарыкъны холодильникге джашырыб джашайбыз...
-Джер тентиреригин киштикле алгъадан биледиле дейле, къайдан биле эселе да...
-Да тогъуз джанлары бошнакъгъа болмаз хадаусланы
-Алайды, джаным. Алада джатмагъан хата джокъду. Къыш сууукъда суу ызында бузну тешик этиб чабакъ тутханын кёргенме кёзлерим бла.
-Кет, ай юйюнге, ауруунгу алайым, аллай хапар а эшитмегенме...
-Аллах бирди, кесим кёзюм бла кёргенме, къар да басыб бир чинле сууукъла эдиле ол джыл...
-Тюшюнгмюдю, тюнюнгмиди, Муслимат, сейир тамаша...
-Ойнай турама, Къанитат, ойнай...къарт болгъанса, шутка юмораны да ангыламайса.
-Марачыла чамгъа къачанда уста эдигиз алай а тамам былай мардасыз къатысыз деб турмай эдим.
-Деб тураем, деб тураем, деда тур(с) Келди, келди ийнекчигим, ёкюреди, чабайым аллына. Эсен кёрюшейик.
-Ашхы,Муслимат, бош болсанг бир тауш этерсе, сюймчюмю айталмай къалдым.
-Тохта, тохта, Къанитат, незат сюйюмчю?
-...
)))