Неонила Сундукова, искусствовед:
"Когда Ибрагим Занкиши рассказывает о поэтике народной песни, восторгается древними сказаниями, особой ритмикой балкарских войлоков-кийизов, создаваемых на протяжении веков талантливыми мастерицами, размышляет о древних обычаях и обрядах балкарского народа, прикасаясь сердцем к многовековой духовной культуре своего народа, в его холстах вновь и вновь особым светом вспыхивают искорки, идущие из глубины души, отражая неодолимое желание передать эту многогранность языком цвета и пластики, кистью и мастихином.
Экспозиция персональной выставки охватила период постоянного труда художника, практически на протяжении сорока лет. Ибрагим вошел в профессиональное искусство Кабардино-Балкарии в начале семидесятых. Это время совпало с особым стремлением творческой интеллигенции к отражению исторических судеб и духовной культуры своего народа, вниманием к конкретной личности. Живописные холсты в творчестве Ибрагима Занкиши этого периода чаще всего, решаются на уровне поэтики повседневной жизни. Художник считает это лишь этапом поиска своего пластического языка. Программным, ставшим предметом глубоких раздумий об исторических судьбах балкарского народа, его древней культуре, стал цикл "Память". Экспонируясь на выставках республиканского, регионального, российского уровней цикл, в котором отразилась гражданская и творческая позиция художника, был отмечен Государственной премией Кабардино-Балкарской Республики в 1994 году. Этот цикл, которым художник жил на протяжении десятилетия позволил ему войти в глубинные пласты духовной жизни народа. Он вовлек его в новый этап творчества: "Человек. Дом. Дерево" - символы окружающего пространства, которым решает он общечеловеческие категории на материала близком и понятном.
В экспозиции выставки представлен цикл живописных работ, над которыми художник увлеченно работает в последнее время. Это раздумья о поэтике легенд из "Нартского эпоса".
Женский образ горянки-балкарки в творческой палитре Занкиши, отображен за привычными испокон веков занятиями – прядением пряжи, вязанием, помещен в условную среду Дома. Она воспринимается символом хранительницы горского очага: объединяющего, создающего особую гармонию, в которой народ живет тысячелетиями, создавая и сохраняя свою духовную культуру, обычаи, обряды, свои песни, свою историю. Живописец продолжает жить этой вечной, неисчерпаемой темой".
Суратлау искусстволаны музейинде КъМР-ни литература эм искусство жаны бла Къырал саугъасыны лауреаты Занкишиланы Ибрагимни энчи кёрмючю ачылгъанды. Автор анга «Тамырла. Оюмла…» деп атагъанды. Сёзсюз, ол кюн ары келгенле уллу зауукълукъ алып кетгендиле. Кёрмючге келгенле уа бек кёп эдиле. Художникле, Къарачай-Черкесиядан къонакъла, культурада, искусствода ишлегенле, студентле, школчула, суратлау искусствону сюйгенле – бары да, залдан - залгъа кире, къабыргъадагъы нартланы кёрюп, сейирсиннгендиле, къууаннгандыла, ёхтемленнгендиле. Занкиши улу нарт эпосну жигитлерине аталгъан, аны сюжетлерине кёре жазылгъан эки жыйырмагъа жууукъ эм башха жыллада жазгъан дагъыда бир талай суратларындан къуралгъан байрамгъа чакъыргъанды. Ибрагим уллу циклле ишлегени бла белгилиди. Бир талай жылны ичинде ол малкъар халкъны кёчгюнчюлюкде болгъан жылларын «Эсде тутуу» деген ат бла кёргюзтгенди. Артда художник «Адам. Юй. Терек» деген циклни бошагъанды. Энди уа – нартла. Кёрмючню атын да нартла сагъынылмагъанлыкъгъа, автор, буруннгу ёмюрлеге къайтып, ата – бабаларыбызны суратларын кеси кёргенича къурап, аланы къойгъан махтаулу ызларын да кёз аллыбызгъа къайтарады. Музейге кире баргъанлай, хар кимни да кёзюне «Нартланы алтын аякълары» урунады. Ол эпосдан алыннганды. Биз билгенден, жигитлеге болушуп тургъан аланы алтын таякълары, аякълары да болгъанды. КъМР-ни Художниклерини союзуну таматасы Геннадий Темирканов айтханлай, Занкиши аны бошдан ишлемегенди. Автор аякъ не заманда да толу болуп турурун сюйгенин, аны бла уа мамырлыкъны излегенин билдиреди. Мен, кёрмючге алгъаракъ барып, къараучула басыннгынчы, къарап чыгъар муратлы эдим. Экинчи залда жангыз кеси сюелген темир уста Бачиланы Хамзатха тюбедим. Ол оюмун сюйюп билдирди. «Нарт эпосха Занкишиланы Ибрагим бла скульптор Черкесланы Тахир болмаса, башхала эс бурмагъандыла. Ол а бизни къаныбыздады, биз ала бла къаршылыкъны бюгюн да сезгенлей турабыз. Аны ючюн художникге бек ыразыма. Къалай тынгылы, аламат суратладыла!» - деди ол. Адамла кёпден-кёп келгенде уа, ала, бир бири бла сёлешип, оюмларын айтыргъа сюйгенлери билине эди. Хар бири кёрмючде кесине жууукъ шартланы тапханды. Сёз ючюн, мен «Шыйых Дебетни» аллында тохтагъанымлай, бир уллайгъан эр киши жанлап: «Къалай аламатды бу сурат!» - деди. Аллай багъадан сора анга жукъ къошарыгъынг келмейди. Къабартылы художник Юсуф Эркенов да, мен сормай, кеси айтыргъа сюйдю: «Ибрагим алгъан темасын жюреги бла сезмесе, аны жюреги бла ётдюрмесе, ишлеп башламайды. Ол ёз халкъын бек сюеди. Мында ол толу кёрюнюп турады. Аны ючюндюле былай ариу аны ишлери». Сёзсюз, Занкиши улу биринчи болуп нартлагъа эс бургъаны эди къараучуда быллай уллу сейирни туудургъан да. Бери жангыз малкъарлы, къарачайлы къараучула келип къалмай, художник кёрмючюне башхалада
да сейирни туудургъанды. Аланы санында къуру коллегалары угъай, режиссёр Солтан Теуважевни, журналистлени, башхаланы да аслам келгенлери кёзге уруннганды. Студентле суратланы ариу тюрсюнлерин, нартланы деменгилиликлерин белгилегендиле. Кёнделенни 2-чи номерли школуну окъуучуларыны жаш жюреклеринде мында кёрген суратла бек ахшы сезимлени туудурлугъуна ышанабыз.
Дагъыда сёлешгенле нарт жигитле жомакъ халда ишленнгенлерин, алай болгъанлыкъгъа, чынтты магъаналарын тас этмегенлерин белгилегендиле. Художник реализм халда жигитлени холстха кёчюргенден сора да аланы хар бирине энчи халны, ауурлукъну, философияны, магъананы берирге борчлуду. Алайсыз батырла бары да бирге ушап къаладыла. Автор андан да айыпсыз къутулгъанын РФ-ни халкъ устасы Мокъаланы Владимир да чертгенди. Кёрмюч ачылгъан кезиуде ары келген къонакъла сёз айтхан да тёреди. Ала бары да бу жыйылыу байрамгъа бурулгъанын, автор аланы бек таша, ариу сезимлерин къозгъагъанын жашырмагъандыла. Алайлыгъын КъМР-ни культура министрини орунбасары Къарчаланы Аминат, «Заман» газетни баш редакторуну орунбасары Беппайланы Муталип, искусствовед Нина Леонтьева, фольклорист Джуртубайланы Махти эм башхала да билдиргендиле. Къарчалны Аминат Занкишиланы Ибрагим КъМР-ни Правительствосуну Сыйлы грамотасына тийишли болгъанын да айтханды. Биз сабий заманыбыздан бери эшитгенбиз нарт Дебетни, Ёрюзмекни, Алауганны, Сосурукъну, башхаланы да юслеринден таурухланы. Занкиши улу, аланы суратлап къоймай, нартланы солугъан, жортууулгъа баргъан, къанга артында олтургъан кезиулерин да, буруннгу шахарланы, къалаланы да кёргюзтеди. Леонтьева белгилегенлей, бу къадар ишни биринде уруш этген, къан тёгюлген а жокъду. Сёзсюз, ол Ибрагим мамырлыкъны бек башына салгъанын ачыкълайды. Биз, былагъа къарай, толу ангылайбыз, быллай батырла, жигитле халкъгъа къыйынлыкъ келген сагъатда бугъуп къаллыкъ тюйюлдюле. «Бирликге чакъырыу» дегенде, жаланда ол итиниу, ол сезим игилик келтирлигин толу ачыкълайды автор. Биринчи къарагъанда, нартла ариу юйледен толу шахарлагъа жыйынлары бла кирип неда чыгъып баргъанлары жомакъдан алыннганчадыла. Алай башында айтылгъаныча, автор жомакъ халны бошдан бермейди битеу да циклге. Мокъаланы Владимир белгилегенлей, эпиканы бла примитивизмни хайырланады. Ол учуз примитивизм тюйюлдю, Ибрагим кеси, художникча, сайлагъан тилди, амалды. Ол а аны энчилигин ачыкълайды. Художникни бу кёрмючюне алгъа 2010 жылда ноябрь айда Къарачайда къарагъандыла. Анда да автор кёп ариу сёз эшитгенди. Къарындашла, Нальчикге келип, Ибрагимге хурмет этгенлери да андан эди. Занкиши улу, хар замандача, нартланы кёп заманны ичинде биширип, холстха андан сора тюшюре башлагъанды. Ол, Къуранны окъуп, анда Аллах хар халкъгъа да шыйыхны бергенин билгенден сора, нарт Дебет къарачай – малкъар халкъны шыйыхы болгъанына тюшюнюп, бу уллу ишге алай кёлленнгенин жашырмайды. Аны дайым да кёллендиргенле уа поэт Табакъсойланы Мухтар бла фольклорчу Джуртубайланы Махти эдиле. Нартла халкъларына сансыз болмагъанлары бла къалгъандыла балаларыны эслеринде. Поэтле, алимле, художникле айтдырадыла бюгюн да къайсы миллетни да атын. Аллай жашларыбыз болгъаны бла ёхтемленирчады.
САРАККУЛАНЫ Асият.
спасибо за баннер 
прям от души 
впечатляет