Расширенный поиск
28 Апреля 2024 года
Логин: Регистрация
Пароль: Забыли пароль?
Навигация
Словарь
  • Эрни эр этерик да, къара джер этерик да, тиширыуду.
  • Джахил болса анасы, не билликди баласы?
  • Экеу тутушса, биреу джыгъылыр.
  • Хазыр ашха – терен къашыкъ.
  • Бети бедерден, намыс сакълама.
  • Джогъун бар этген, барын бал этген.
  • Кюл тюбюндеги от кёрюнмейди.
  • Ышармагъан – кюлмез, кюлмеген – къууанчны билмез.
  • Бал чибинни ургъаны – ачы, балы – татлы.
  • Кесине оноу эте билмеген, халкъына да эте билмез.
  • Джашлыкъ этмеген, башлыкъ этмез.
  • Кюн кёрмеген, кюн кёрсе, кюндюз чыракъ джандырыр.
  • Къыз тиширыу кеси юйюнде да къонакъды.
  • Аякъларынгы джууургъанынга кёре узат.
  • Тил бла келеди джыр да.
  • Аманнга да, игиге да оноусуз къатышма.
  • Керилген да, ургъан кибикди.
  • Бойнуму джети джерден кессенг да, мен ол ишни этеллик тюлме.
  • Арпа, будай – ащды, алтын, кюмюш а – ташды.
  • Кёзю сокъурдан – къоркъма, кёлю сокъурдан – къоркъ.
  • Итли къонакъ джарашмаз.
  • Чакъырылгъанны аты, чакъырылмагъанны багъасы болур.
  • Эринчекге кюн узун.
  • Рысхы – насыбха къор.
  • Агъач халкъгъа алтынды, иссиликге салкъынды.
  • Ач да бол, токъ да бол – намысынга бек бол.
  • Келинни – келгинчи, бёркню кийгинчи кёр.
  • Элни кючю – эмеген.
  • Эрине къаргъыш этген къатын, эрнин къабар.
  • Нарт сёз къарт болмаз.
  • Элде адам къалмаса, ит тахтагъа минер.
  • Ишлемеген – тишлемез.
  • Бир онгсуз адам адет чыгъарды, деб эштирик тюлсе.
  • Башсыз урчукъ тюзюне айланмаз.
  • Акъыл неден да кючлюдю.
  • Тау башында, тау болмаз, джангыз терек, бау болмаз.
  • Къуру гыбыт бек дыгъырдар.
  • Хар зат кесини орнуна иги.
  • Сакъламагъан затынга джолукъсанг, не бек къууанаса, не бек ачыйса.
  • Сёз къанатсыз учар.
  • Аман къатын алгъан, арыр, иги къатын алгъан джарыр.
  • Уллу айтханны этмеген – уллаймаз.
  • Ашда – бёрю, ишде – ёлю.
  • Къазанны башы ачыкъ болса, итге уят керекди.
  • Къайгъы тюбю – тенгиз.
  • Акъыл къартда, джашда тюйюлдю – башдады.
  • Юреннген ауруу къалмаз.
  • Ишин билген, аны сыйын чыгъарады.
  • Эринчекни аурууу – кёб.
  • Акъыл сабырлыкъ берир.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Беш Тау Эл сагъынылгъан не да Анга аталгъан чыгъармаланы сала барайыкъ былайгъа., ЭЛ - магагъанасы кенг, терен, уллу, мийик ангыламды. Эл - эл, Эл - кърал, Эл - джурт, Эл - дуния...
 
#1
Джаратама0
25.04.2016 02:36:33 Translit
БАБАЛАНЫ Ибрахим

БЕШАТАР

Беш тау элни
Беш да тары -
Олду мени
Бешатарым.
 
 
 
#2
Джаратама0
25.04.2016 02:39:06 Translit
ЛАЙПАНЛАНЫ Билал

БЕШ ТАУ ЭЛ - БЕШ УУАХТЫ НАМАЗ

Бир джурт болмаз Джерде Кавказча,
Минги Тау да – тёппеси аны.
Беш Тау Эл – беш ууахты намазча,
Кёк нюрюнде джулдуз бла Айны.

«Беш Тау Элни беш да тары –
Олду мени бешатарым»,-
Дегенди Ибрахим Баба,
Джуртдан кёл да, сёз да таба.

Хау, Беш Тау Эл – беш ууахты намаз,
Бешатар ушкок да бизге.
Терсликни Аллах унамаз,
Джол берир Тюзлюкге, Тюзге.

Бизге къазгъан урусуна
Душман кеси тюшмей къалмаз.
Халкъны тынглайма ауазына:
Беш Тау Эл – беш ууахты намаз.
 
 
 
#3
Джаратама1
25.04.2016 02:41:55 Translit
ЁЗДЕНЛАНЫ Альберт

ДЖАНЫМ КЪУРМАН БОЛСУН МАЛКЪАРГЪА
(джыр)

Жюрегингде пелиуанлыкъ жашагъан,
Ариулугъу сюймекликге ушагъан,
Тау намысы ушап тауда акъ къаргъа...
Жаным къурман болсун Журтум Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Зар кёз тие кёк суууна,ташына,..
Ариулугъу душман бола башына,
Таш башында амал тапхан жашаргъа,
Жаным къурман болсун тажал Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Тешдиртмеген тинин зорлукъ садакъгъа,
Сюргюнде да тилемеген садакъа,
Дерт тутмагъан Аллах берген къадаргъа,
Жаным къурман болсун шыйых Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Жаным саудан ачхан жандет эшигим,
Ёлсем, ырахат жукълар топуракъ бешигим,
Ата Журтум, Ана Сютюм, Къадарым-
Жаным къурман болсун санга, Малкъарым!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!
 
 
 
#4
Джаратама0
25.04.2016 02:42:55 Translit
ЖАБЕЛЛАНЫ Лаура

МАЛКЪАРЫМ

О, Малкъарым, санга тансыкъдан бирде
булутланы къарлы таугъа ушатдым,
Аллах айтып, жашнап тургъун ёмюрде,
тансыкълыгъым – сюйгениме шагъатым.

Беш Тау Элим, сен – беш учлу жулдузум,
умутуму, ийнамымы бешиги...
Чурум бир кёп, амал – къысха, жол – узун,–
ачармамы жан тынчлыкъны эшигин ?

Жарсыуладан болгъан кибик ышыгъым,
кёрюнесе Жаннет кибик кёзюме,
анамача, къучагъынга ашыкъдым,
къор болайым жайларынга, кюзюнге!

Алты харфынг тёрт санымдан багъалы,
жан тамырым – Эркинликни ёзени.
Къыйынлыкъда чыдай билген Малкъарым,
Фирдауусда тапха эдим мен сени...
 
 
 
#5
Джаратама1
26.04.2016 00:35:43 Translit
Зумакъулланы Танзиля

МАЛКЪАРЫМ

Беш тау элинг жашар ючюн бу ташда,
Ёхтемликде, ачыу кёрмей, къууанчда,
Беш да жаным болса, барын берирем,
Ташларынгы мен къучакълай ёлюрем!
Манга саугъа къаты ташынг, акъ къарынг,
Тюз ниетли, татлы тилли Малкъарым!

Намыс, сыйны бийикледе туталгъан,
Сёз айтханда, дуния эштирча айталгъан.
Тепсегенде, дуниягъа къарс кьакъдыргъан,
Ташда от да, ташда гюл да чакъдыргъан.

Къула тюзге къуйгъанда жашын, къартын,
Кёмген суна ёмюрлеге журт отун,
Жаннган отдан жанмагъанлай чыгъалгъан,
Тобукъланмай, намысында къалалгъан,
Ахшыларын миндиралгъан ёрлеге,
Къартларын да олтурталгъан тёрлеге,
Малкъар! Мени къарыусузгъа санама,
Къыйын кюнде тыянч болур балангма.

Ичлеринде ёмюр жарсыу къайнагъан,
Ачыуладан ёз ташларын чайнагъан
Тауларынгы мен тиллерин ачарма,
Жарытырма, къайгъыларын чачарма.

Сен чыкъ десенг, къазауатха чыгъарма.
Къажауунгу мен, окъ болуп, жыгъарма.
Къызыу болсанг, жауун болуп, жауарма.
Сууукъ болсанг, отун болуп жанарма.

Тыпырынгы жаныуумда жылыта,
Барын - ёрню, энишни да жарыта,
Бушууунгу, жарсыуунгу къурута,
Сау дуниягьа иги бла таныта,
Къууанчынга ахшыланы жыярма,
Этегинги алтын бла къыярма.

Аллах айтып, муратыма жеталсам,
Ёлмез кибик, санга тенг жыр эталсам,
Керти окъун халкъ шайыры болурма,
Бу тауланы нарт шайыры болурма,
Ёмюрлеге жумуш эте турурма.
Изменено: shaudan - 26.04.2016 00:38:36
 
 
 
#6
Джаратама1
26.04.2016 01:28:18 Translit
Нашла в теме тексты песен. Автора не знаю.

*Беш тау элден къуралгъан*

Беш тау элден къуралгъан,
Беш тау элден туралгъан,
Малкъарны тансыкълайма мен.
Анабызны сютюча,
Аны туз гыржыныча,
Сюе эсде тутама мен.
Сюеме тау кырдыкны,
Жаз башы чуакъ кюнню,
Малкъарны танг ариулугъу
Омакъдан омакъ чагъа,
Журтунга юлгю сала,
Келедиле санга сукълана.
Бийик баргъан къаяларынг,
Ахырсыз шауданларынг,
Элиме къууат бередиле.
Тауласыз Малкъар болмаз,
Таулусуз Малкъар онгмаз
Ма олду мени айтырым.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
Страницы: 1
Читают тему (гостей: 1)

Форум  Мобильный | Стационарный