Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Эки къатын алгъан – эки ташны ортасына башын салгъан.
  • Уллу сёлешме да, уллу къаб.
  • Чакъырылмагъан джерге барма, чакъырылгъан джерден къалма.
  • Итли къонакъ джарашмаз.
  • Къарнынг тойгъунчу аша да, белинг талгъынчы ишле.
  • Сакъламагъан затынга джолукъсанг, не бек къууанаса, не бек ачыйса.
  • Адам боллукъ, атламындан белгили болур.
  • Урунуу – насыбны анасы.
  • Къыз тиширыу кеси юйюнде да къонакъды.
  • Аман хансны – урлугъу кёб.
  • Окъуу – билимни ачхычы, окъуу – дунияны бачхычы.
  • Тойгъан антын унутур.
  • Байны оноуу, джарлыгъа джарамаз.
  • Насыблы элин сюер, насыбсыз кесин сюер.
  • Ач да бол, токъ да бол – намысынга бек бол.
  • Къан бла кирген, джан бла чыгъар.
  • Гитче джилтин уллу элни джандырыр.
  • Aдам боллукъ, сыфатындан белгили.
  • Къартны сыйын кёрмеген, къартлыгъында сыйлы болмаз.
  • Къызны минг тилер, бир алыр.
  • Атлыны ашхысы, ат тизгининден билинир
  • Тыш элде солтан болгъандан эсе, кесинги элде олтан болгъан игиди!
  • Термилгенинги табмазса, кюлгенинге тюберсе.
  • Эркиши – от, тиширыу – суу.
  • Чыкълы кюнде чыкъмагъан, чыкъса къуру кирмеген.
  • Аман адам этегингден тутса, кес да къач.
  • Джыгъылгъанны сырты джерден тоймаз.
  • Джарлы тюеге минсе да, ит къабар.
  • Азыкълы ат арымаз, къатыны аман джарымаз.
  • Агъач – джерни чырайы, кийим – эрни чырайы.
  • Экиндини кеч къылсанг, чабыб джетер ашхам.
  • Тамбла алтындан бюгюн багъыр ашхы.
  • Урама да – ёледи, сатама да – келеди.
  • Къолунгдан къуймакъ ашатсанг да, атаны борчундан къутулмазса.
  • Эл ауузу – элек, анга ийнаннган – халек.
  • Джюз элде джюз ёгюзюм болгъандан эсе, джюз джууугъум болсун.
  • Киштикге къанат битсе, чыпчыкъ къалмаз эди.
  • Ёпкелегенни ашы татлы болады.
  • Тойгъа барсанг, тоюб бар, эски тонунгу къоюб бар.
  • Сууда джау джокъ, кёб сёзде магъана джокъ.
  • Алма терегинден кери кетмез.
  • Ата – баланы уясы.
  • Иесиз малны бёрю ашар.
  • Кёл – къызбай, къол – батыр.
  • Кийиминг бла танылма, адамлыкъ бла таныл.
  • Иги адамны бир сёзю эки болмаз.
  • Тилсиз миллет джокъ болур.
  • Кёрмегеннге кебек – танг, битмегеннге сакъал – танг.
  • Башланнган иш битер, къымылдагъан тиш тюшер.
  • Чомартны къолу берекет.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Татлы тилим - АНА ТИЛИМ!!!, 3 декабрьда Дружба элни гимназиясында 9 классланы арасында эришиу
 
#1
Джаратама0
25.11.2015 13:40:17 Translit
03.12.2015 джыл Дружба элни гимназиясында, тогъузунчу классланы арасында "Татлы тилим - ана тилим!" деген эришиу ётерикди.
Эки тогъузунчу классдан ана тилни эм иги билген сохтала сайланныкъдыла. Аланы айырыр ючюн отборочный тур ётерикди. 20 къакъыйкъаны ичинде джазыу ишни тындырыргъа керекдиле. Ол джазыу ишледен белгили боллукъду ким ётгенин финалгъа. Тюнене, 24 ноябрьда, барыб 9"Б" классда ётдюрюб келдим отборочный турну. Энди орта кюн, 26 ноябрьда, 9 "А" классда ётерикди. Андан сора эки классны да джазыу ишлерине къараб, тинтиб айырлыкъбыз финалистлени.
 
 
 
#2
Джаратама0
25.11.2015 13:52:11 Translit
Сохталагъа ма быллай джазыу ишни 20 такъыйкъаны ичинде тындырыргъа керек эдиле:

1. Беш харифден къуралгъан, ортасында Б болгъан сёзле табыб джазыгъыз
2. Бу сезлени орус тилге кёчюрюгюз:
Гылын къуш –
Къарылгъач –
Дууадакъ, къанкъаз –
Пил –
Кирпи –

3. Бу сёзледе ненча сёз табсагъыз да джазыгъыз:
ДЖЫЛТЫРАУУКЪ АУУРСУНУУ

4. Бу эки сёзни табыб джазыгъыз: Т бла келсе – ол табхада, Ч бла башлаб, -джюзер сууда

5. Соруулагъа джууабларын джазыгъыз?
Бизни республикада ненча шахар барды?
Республикабызны ара шахары къайсыды?
Шахарны аты да, сууну аты да, элни аты да
Ёзденлени Альберт кимди?
Къарачай миллет Азиядан къайсы джыл къайтханды?

6. Къарачай джазыучуланы тукъумлары бла атларын джазыгъыз:

7. Къарачай тилге кёчюрюгюз бу сёзлени:
Виноград - ________________ Историк ___________________
Добрый __________________ Минута ____________________
Барбарис _________________ Сокол _____________________

8. Къарачайча джазыгъыз:
50______________________ 90 ___________________
60 _____________________ 80 ___________________
200 _____________________ 13 ____________________

9. Халатла кёре эсегиз тюзетигиз:
МЕНГЕ, БАРГЪАНГА, САНГНГА, АНГА, ТАННГА,
ЧИБИННГЕ, СУРАТГЪА, ДЖЮЗЮУЧУ, КИТАБХА, ТАУУУШ

10. Нарт сёзлени бошагъыз:
Тилсиз миллет… _____________________________________
Тили бирни … _______________________________________
Адам къайсы тилде сёлеше эсе, ол … ____________________
 
 
 
#3
Джаратама0
25.11.2015 14:21:04 Translit
Энди 9 "Б" классда отборочный турдан талай карт салайым

Бек уллу сагъышдадыла джашлары :финкинг:








Къызчыкъла да аладан артха къалмайын кюрешедиле :emoji05:





Сылпагъарланы Диана - эм аламат джазгъан, 40 балл алгъанды :alamat:






 
 
 
#4
Джаратама0
25.11.2015 14:26:06 Translit
Тамбла, орта кюн 9 "А" классда ётдюрюб келсем отборочный турну, аладан да фотоотчет этерме :усипуси:
 
 
 
#5
Джаратама0
25.11.2015 15:23:39 Translit
Амняша, бек сау бол. бу репортажынг ючюн.

Дружбаны школунда ана тилден окъутханла, бу эришиуню бардыргъанла да кимледиле?
 
 
 
#6
Джаратама0
25.11.2015 15:28:24 Translit
Эльбрусоид фонд бардырады. Мен аны сотруднигиме, Черкесск шахарны филиалындан :усипуси: . Эришиуню бардырлыкъ да менме. Ана тилни Ижаланы Фатима Магомедовна бардырады
Изменено: Амняша - 25.11.2015 15:30:48
 
 
 
#7
Джаратама0
28.11.2015 19:06:53 Translit
Тюнене, байрым кюн, 9 "А" классда ётдю отборочный тур. Аладан да талай кар салайым







Къадалыб джашлада, къызлада ишлейдиле

































Семенланы Индира, биринчи партада онг джанында олтургъан къызчыкъ, бу классда эм кеб балл алгъан сохтады, уялчакъ къызчыкъ :усипуси:


Джазыу ишлерине кёре 16 сохта чыкъгъанды финалгъа. Аланы балларына кёре 4 команда чачханбыз. Кеслерини командаларына ат къурагъандыла. Эришиуде ойнагъанла:

1 команда "Чамчыла" - Сылпагъарланы Диана, Къоркъмазланы Шамиль, Гапполаны Мурат, Сылпагъхарланы Расул
2 команда "Джулдузчукъла" - Семенланы Индира, Катчиланы Ахмат, Къулчаланы Аминат, Маршанкъулланы Алан
3 команда "Аланла" - Борлакъланы Азнаур, Айбазланы Хусей, Орусланы Диана, Катчиланы Рамазан
4 клманда "Мёлекчикле" - Хубийланы Медина, Катчиланы Халимат, Текеланы Дахир, Мержоланы Амина

Энди, 3 декабрда белгили боллукъду къайсы команда хорларыгъын, къайсы сохта бек сюйгенин, билгенин Ана тилин. Сакълайыкъ, эришиу кёргюзтюрюкдю аны.
 
 
 
#8
Джаратама0
08.12.2015 19:40:03 Translit
3 декабрда Дружба элни гимназиясында "Татлы тилим-Ана тилим" деген атлы эришиу ётдю. Жюриде олтургъанла Сылпагъарланы Кулина бла Коркъмазланы Салима. Аланы танмагъан киши болмаз. Эришиу бек ариу, тамаша халда ётдю. Эришиуде тюрлю тюрлю конкурсла бар эдиле. Сёз ючюн: эки такъыйкъаны ичинде къайсы команда къарачайча джаныуарланы атын джазса, неда ахырында -ШИК деб бошалырча сёзлени джазаргъа, дагъыда джазыучу бла аны чыгъармасын табаргъа, картда кимни сураты болгъанын билирге, аны къуллугъун, чыгъармасын, макъамдан джырны бла джырчысын таныргъа, элберлени билирге эмда джолда джюрюген джорукъланы да тинтдик, Тёрт командадан биринчи орунну "Чамчыла" деген команда алды, экинчи орунну "Аланла" алдыла, ючюнчю орун да "Джулдузчукълагъа" джетди. Энди эришиуден картланы тизейим :alamat:
Биринчи жюри бла танышдырайым: сол джанында, белгили джазыучу, "Илячин" журналны баш редектору, устазланы устазы Сылпагъарланы Кулина, аны къатында къарачай радиону тамадасы Къоркъмазланы Салима



Жюриге болушлукъ этген, сохталаны кеслерини устазлары Ижаланы Фатима



Энди командаларыбыз:














Ойнагъанлагъа джан аурутханла








"Элберле" конкурс. Доскада тагъылгъан джулдузчукъладан хар ойнагъан сохта джулдуз сайлаб анда джазылгъан элберни билирге керекди




Бир-бир элберле терен сагъышха ие эдиле















"Макъамны билсенг а!" конкурс. Доскада тагъылгъан тоналаны сайлайды хар сохта, анда 10 секунд баргъан макъамны билирге керекди. Джырны атын эмда ким джырлагъанын






Джазыу ишле. Хар ойнагъаннга сёзню ичинде сёзле табаргъа керек эди. Берилген сёзле уа быллай эдиде:башчыракъла, саламат, байрамджак, къаракъай. Ким кеб сез табсада бу сезлени ичинде 2 такъыйкъаны ичинде.
 
 
 
#9
Джаратама0
08.12.2015 19:54:09 Translit
Эришиуде эм ахырында ойнагъанлагъа саугъала бердик








































Джан аурутханланы ичинде эм кёб тюз джууаб берген соруулагъа Гедиланы Къаплан :alamat:



Аллах айтса, бу эришиуге къошулгъанланы эслеринде кёб магъаналы зат къалды!
 
 
 
#10
Джаратама0
13.12.2015 22:18:14 Translit
Аперим санга, Аминат!!!!!!! Бек уллу джумуш этгенсе!!!!
КЧР-ни болгъан школларында да этилсе ма быллай эришиуле ана тилде бир иги боллукъ эди ')
Машаллах!
 
 
 
#
Джаратама0
  Translit
 
 
 
#11
Джаратама0
14.12.2015 19:02:20 Translit
Сау бол! Аллах разы болсун!!!
 
 
 
#12
Джаратама0
30.11.2016 00:26:52 Translit
Сёзлени магъаналарыны, кёчюрюлюулерини юсюнден топик бармыды форумда?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#13
Джаратама0
30.11.2016 00:27:22 Translit
Ким биледи, сёзберле деб неге айтадыла?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#14
Джаратама0
30.11.2016 18:52:07 Translit
Ас–саляму алейкум. Сёзбер сёзлюк тюйюлмюдю (словарь) ?
 
 
 
#15
Джаратама1
13.12.2016 00:02:16 Translit
«Минги тау» журналдан

 
 
 
#16
Джаратама0
13.12.2016 23:46:44 Translit
shaudan,уа алейкум ас-салям. Сау бол
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
Страницы: 1
Читают тему (гостей: 1)

Форум  Мобильный | Стационарный