Расширенный поиск
17 Мая 2024 года
Логин: Регистрация
Пароль: Забыли пароль?
Навигация
Словарь
  • Айтхан сёзюне табылгъан.
  • Ачны эсинде – аш.
  • Адамны аманы адамны бети бла ойнар.
  • Ётюрюкден тюбю джокъ, кёлтюрюрге джиби джокъ.
  • Аманнга алтын чыдамаз.
  • Ана кёлю – балада, бала кёлю – талада.
  • Чалманны аллы къалай башланса, арты да алай барады.
  • Джангыз терек къынгыр ёсер.
  • Байлыкъдан саулукъ ашхыды.
  • Эл ауузу – элия.
  • Чоюнну башы ачыкъ болса, итге уят керекди.
  • Тамырсыз терекге таянма – джыгъылырса.
  • Кесине гебен этелмеген, биреуге черен эте эди.
  • Баш – акъыл ючюн, акъылман – халкъ ючюн.
  • Эшекге миннген – биринчи айыб, андан джыгъылгъан – экинчи айыб.
  • Аууз сакълагъан – джан сакълар.
  • Болджал ишни бёрю ашар.
  • Бастасын ашагъан, хантусун да ичер.
  • Аш хазыр болса, иш харам болур.
  • Баш болса, бёрк табылыр.
  • Ёгюзню мюйюзюнден тутадыла, адамны сёзюнден тутадыла.
  • Ашыкъгъанны этеги бутуна чырмалыр.
  • Билгенни къолу къарны джандырыр.
  • Рысхы – сют юсюнде кёмюк кибикди.
  • Айранны сюйген, ийнек тутар.
  • Эринчекни аурууу – кёб.
  • Душманны тышы – акъ, ичи – къара.
  • Бозанг болмагъан джерге, къалагъынгы сукъма.
  • Aдам боллукъ, сыфатындан белгили.
  • Джашны джигитлиги сорулур, къызны джигерлиги сорулур.
  • Билмейме деген – бир сёз
  • Ашхы атаны – джашы ашхы, ашхы ананы – къызы ашхы.
  • Кёб къычыргъандан – къоркъма, тынч олтургъандан – къоркъ.
  • Кюн кёрмеген, кюн кёрсе, кюндюз чыракъ джандырыр.
  • Дженгил джетерикме деб, узун джолну къоюб, къысхасын барма.
  • Сёлеш деб шай берген, тохта деб, сом берген.
  • Айтылгъан сёз ызына къайтмаз.
  • Джумушакъ терекни къурт ашар.
  • Аманнга да, игиге да оноусуз къатышма.
  • Мураты болгъанны джюрек тебюую башхады.
  • Атынг аманнга чыкъгъандан эсе, джанынг тамагъынгдан чыкъсын.
  • Элиб деген, элге болушур.
  • Чомартны къолун джокълукъ байлар.
  • Къарнынг бла ёч алма.
  • Рысхы – насыбха къор.
  • Игини сыйлагъан адетди.
  • Хар адамгъа кеси миннген тау кибик.
  • Адам боллукъ, атламындан белгили болур.
  • Билимли ёлмез, билимсиз кёрмез.
  • Ханы къызы буюгъа-буюгъа киштик болду.

Форум

Форум / Бёлюмле :: Тематические разделы / Ана тилде :: Ana tilde
Страницы: 1 2 3 След.
СЮЙГЕН ДЖЮРЕГИМ. Ана тилде джырла / Ana tilde djirla
 
#1
Джаратама3
05.07.2015 06:44:57 Translit
Байкулов Солтан. Сюйген джюрегим

Загрузка плеера


https://www.youtube.com/watch?v=O-_mpQhffkU
 
 
 
#2
Джаратама1
05.07.2015 06:48:35 Translit
Токова Альбина. Сюйген джюрегим

Загрузка плеера


https://www.youtube.com/watch?v=ZwW4I8eZzQA
 
 
 
#3
Джаратама1
05.07.2015 06:50:49 Translit
Алим Газаев. Сюйген джюрегим

Загрузка плеера


https://www.youtube.com/watch?v=AIblq-ZB7NM
 
 
 
#4
Джаратама1
05.07.2015 06:53:31 Translit
группа Салам. Сюйген джюрегим

Загрузка плеера


https://www.youtube.com/watch?v=Aj-tHSFloIU
 
 
 
#5
Джаратама1
05.07.2015 06:56:08 Translit
Сухель Багдади (Будай улу) - Сюйген джюрегим !!!

Загрузка плеера


https://www.youtube.com/watch?v=dP6y8jkvP_M
 
 
 
#6
Джаратама0
05.07.2015 10:06:57 Translit
Аламат тема ... солургъа !!!!!!!
Къатыштырмай эсем ...Азнор Казиев да джырлай болур эди дейме бу джырны энтда ☺
 
 
 
#7
Джаратама2
05.07.2015 11:12:07 Translit
Уважаемый автор! Прекрасная тема! Она станет еще прекрасней, если будут слова к песням, пожалуйста :нупажалста:
 
 
 
#8
Джаратама2
05.07.2015 15:15:12 Translit
Цитата
Ева пишет:
Уважаемый автор! Прекрасная тема! Она станет еще прекрасней, если будут слова к песням, пожалуйста

Тюппе-тюз айтаса - тыйыншлысы алайды. "Сюйген джюрегим" джырны сёзлерин, макъамын джазгъан - Токъумаланы Раиса. Алай а, сёзлерин бир джерде да табмадым. Кёрген-эслеген бар эсегиз - былайгъа салсагъыз - разылыкъ табарсыз халкъдан.

Хар ким джаратхан джырын (сёзлери бла) былайгъа сала барсагъыз - бек иги болур.
 
 
 
#9
Джаратама2
05.07.2015 15:36:11 Translit
Зухра Кабардокова. Акъ къаяла, кёк талала Къарачай

Загрузка плеера


Джырны сёзлери Къайсынныкъыдыла.

КЪАРАЧАЙ

Чынарланы арасында баргъан джай,
Акъ къаяла, кёк талала... Къарачай.
Джаягъымы салама джюрегинге,
КъАрачай, тангларынг атхан джеринге.

Припев:
Ётмегинги, сууунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай.

Башыбызны къая ташынга салыб,
Бирча джатханбыз, къыйын джолда талыб.
Бирге джалагъанбыз къайгъыны тузун
Бизни ургъанда бир палахны бузу.

Припев.
Ётмегинги, суунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай.

Бирге кёрдюк отубуз джукъланнганын.
Бирге кёрдюк ол джангыдан джаннганын.
Джаягъымы салама джюрегинге,
КъАрачай, тангларынг атхан джеринге.

Припев.
Ётмегинги, суунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къаяла, кёк талала... Къарачай.
 
 
 
#10
Джаратама3
05.07.2015 18:30:10 Translit
Теманы мен да бек джаратама!))
ма биринчи джырны сёзлери:

Сюйген джюрегим
(макъамы бла сёзлери
Токъумаланы Раисаны)

Айны, кюнню да булут джабады,
Джел хыны этсе таудан ауады.
Къарыулу кюннге къарыу эталмай,
Сакъ джауун болуб джерге джауады.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Тауну, ташны да джел джалайд дейле,
Джауун кёб джауса суу талайд дейле.
Талгъан билекни, джаннган джюрекни
Быллай кюнледе къан тарайд дейле.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Сюймеклик оту къабына барыб,
Тюз джюрегингде ёртен джансала,
Суусаб кюнюнгде шаудан суу болуб
Мангылайынгдан джерге тамсала.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Айтчы, джюрегим, къайры барайым?
Сен джылынырча не джер табайым?
Кёкюрегимде джылыталмайма,
Кел андан эсе бузлаб къалайым.

Сюйген джюрегим, кюйген джюрегим,
Сюялмай эсенг – сюймей къойсанг а.
Сюйген джюрекни тынчлыгъын алмай,
Энди сен анга тиймей къойсанг а.

Бу джырны мен джаратхан бир вариантын да бир салайым, разы эсегиз)))

Загрузка плеера


:серенада: :серенада: :серенада: Поет Анзор Казиев. Только эту песню еще не загрузили на сайт, поэтому вот Сюйген джюрегим вконтакте.
Спасибо, Мерседес, за помощь в идентификации слов! :гоккачыкъ: :гоккачыкъ: :гоккачыкъ:
 
 
 
#
Джаратама3
  Translit
 
 
 
#11
Джаратама1
05.07.2015 22:35:30 Translit
Totur_Ram, бек сау бол. Джырны сёзлерин салгъанынг ючюн да, Азнорну джырлагъанын кёргюзтгениг ючюн да.
 
 
 
#12
Джаратама2
06.07.2015 01:27:40 Translit
АЙДЖАЯКЪ.
Сёзю, макъамы да - Къочхарланы Къасбот

Загрузка плеера


Джырлайды Отарланы Омар.

______________________________________________

Омар , джырны сёзюн, макъамын да тюрлендирмей, Къочхарланы Къасбот этгенча, джырлайды. Къалгъанла уа, сёзлерин тюрлендирген этедиле - алай этерге чёб чакълы эркинликлери болмаса да... Башхала джырлагъан сагъатда, аны эслериксиз.
 
 
 
#13
Джаратама2
06.07.2015 01:35:20 Translit
АЙДЖАЯКЪ. Поет Альбина Токова

Загрузка плеера


Альбина переделала (или кто-то переделал) песню. Къасбот пел песню от первого лица, напрямую обращаясь к своей возлюбленной, Альбина поет от третьего лица
 
 
 
#14
Джаратама2
06.07.2015 01:40:46 Translit
АЙДЖАЯКЪ

Загрузка плеера


поет Зухра Кабардокова, как и Альбина, от третьего лица.
 
 
 
#15
Джаратама1
06.07.2015 01:46:11 Translit
АЙДЖАЯКЪ. Исполняет Борис Уртенов

Загрузка плеера


В исполнении Б. Уртенова текст песни правильный
 
 
 
#16
Джаратама0
06.07.2015 02:00:38 Translit
АЙДЖАЯКЪ. Ёзденланы Абугалий джырлайды.

Загрузка плеера
 
 
 
#17
Джаратама0
06.07.2015 02:05:43 Translit
АЙДЖАЯКЪ. Эбзеланы Зуъра джырлайды

Загрузка плеера
 
 
 
#18
Джаратама1
06.07.2015 02:14:33 Translit
АЙДЖАЯКЪ
Музыка и стихи Касбота Кочкарова (Багъыр улу) (1834-1940).

Айджаякъ, ала джаулугъунг
Ариу джарашады бойнунга.
Мен а сукъланама, ёлеме
Мамукъдан джумушакъ къойнунга.

Ой, джылкъы анасы - акъ байтал,
Ол а къарышкъулакъ тай табар.
Мен сени анангы уста таныйма,
Ол а къалгьан къатынладан файгъамбар.

Ой, джылкъылада хора тай,
Салчы аягьынгы тузакъгьа.
Манга эки къанат а битгеед,
Айджаякъны алыб кетерге узакъгьа.

Ойра, тузакъ, дейле, къоймайла,
Къанджыгъамда джибек аркъаннга.
Сора хора дейле, къоймайла
Кесим миниучю тарпаннга.

Ой, тарпан тайла ойнайла,
Ала ойнагьандан тоймайла.
Сени ананг манга сормай берлигед,
Къалгьан сюймегенле къоймайла.

Ой, тулгьа барлыкъ сен болсанг,
Санга менден игини ким табар?
Иги тулгьа бармай къалгъан а къатын,
Артда бушуу этиб, джер къабар.

Ой, джылкъы анасы - акъ байтал,
Ол а сакъат болду, ырахын.
Ойра, мен сюйгенлей сюймесенг,
Сени болсун мени гюнахым.

Ой, Баъьыр улу къурурукъ,
Къаллай хоралагъа минеди,
Къара кёрпе тонла киеди,
Эрсиз къатынланы сюеди.

Кел, биз Тебердиге барайыкъ,
Джашарбыз, къанджалбаш юй салыб.
Башыбызгьа уллу кюн салыб,
Эшиклеге къаты чюй салыб.

Багьыр улу Къасбот деген - кюл аякъ.
Тапхада болур, джаным, чын аякъ.
Тапхадан тюшюб, аякъ ууалсын,
Шахар Тебердини суу алсын.

Ойра, тауда отлагъан кийикле,
Ала джукъламайла, сойланмай.
Мен сени алай алыб къоялмам,
Иги сагьыш этиб, ойламай.

Туура болумунгу мен айтсам,
Айджаягъым, ариу акъ джаулукъ,
Къалмагьанды энди сени юсюнгде
Керти алгъын кибик махтаулукъ.

http://onesong.ru/14/Omar-Otarov/tekst-pesni-Aydjayak
 
 
 
#19
Джаратама0
06.07.2015 02:22:41 Translit
Кеб болмай эследим... Къарачай-малкъар миллетде кёбюсю бла Сюймекликни юсюнден джырлайдыла... Ата-анагъа, Ата джуртха, миллетге, таулагъа, джаш сюймеклик))
Манзуратти
 
 
 
#20
Джаратама0
06.07.2015 18:16:54 Translit
Sabr, Сиз сау болугъуз, иги тема ючюн! Энтда сюйген джырларыбызны къошарбыз биз да)))

Ма башгъа "Айджаякъ" джыр:


АЙДЖАЯКЪ (Хурриет Эрсойгъа)
Сёзлери Суюнчлени Азаматны,
макъамы Джаммаланы Борисни.

Айны, Кюнню къызымыса, Айджаякъ,
Ингил джилтин джылы джарыкъ тийдирген?
Къайдан чыкъдынг сен, джаз джилек, бал таракъ,
Къыш чилледе кесин татлы сюйдюрген?

Сен джашагъан Стамбул бла Анкара
Санга сыйлы, багъалы да болурла,
Къарачайда хар бир тау да - минара,
Мийик чыкъ да, бизни джуртгъа бир къара.

Сени бабанг-акканг салгъан къалала
Ёмюрледен санга хапар айтырла,.
Джаягъынгы сал да, ташын тансыкъла,
Ала ичген таза суудан сен уртла.

"Къонакъ" дерге боллукъмулла адамла
Ата юйюн сюйюб келген къызына?
Узаймайын кёл салырса джуртунга,
Сен ашыкъма къайытыргъа ызынга.

Сени бла тюбешген кюн, Айджаякъ!
Къар джауса да, ай батылмайд шахарда.
Аякъ ызыбызны джабмаз джабалакъ,
Унутулмаз татлы ушакъ арада.

Къарачайдан кетме, ариу Айджаякъ,
Къарачайда хар бир тау да - минара!
Таугъа чыгъыб, сагъыш этиб сен къара,
Сюймекликге чырмау болмаз чек ара.

Видеосу бу джырны да джокъ, джырлагъан Джаммаланы Борис, бизни аудиоразделде бардыла джырлары.


Загрузка плеера


:серенада: :серенада: :серенада: Сёзлерин форумда обсуждать этеек, "не дейди алайда" - баш, деб, бир 2 джыл бундан алгъа))) Дагъыда сёзлени бу джырдача таб ангылатыб джырлагъан - аллай табгъан къыйын болур. Ауазын бек джаратама)) :alamat:
 
 
 
#21
Джаратама1
06.07.2015 18:37:01 Translit
Бу да Тамбийланы Къасботну "Айджаягъы"

Загрузка плеера
 
 
 
#22
Джаратама0
06.07.2015 18:42:40 Translit
Тюзюн айтсам, юч ёмюрде джырланнган Къочхарланы Къасботну "Айджаякъ" джырыны атын къатышдырмасала иги боллукъ эди.

Джаш джырчыла джырларына башха ат атасала, табыракъ боллукъ эди. Керти джырчы башхагъа бир сёзю бла да ушамазгъа кюрешеди. Семенланы Джырчы Сымайыл "Айджаякъ" демегенди джырына, сюйгенине да - АКЪТАМАКЪ дегенди. Къалгъанла да алай этерге керекдиле..
 
 
 
#23
Джаратама0
07.07.2015 03:28:10 Translit
АКЪТАМАКЪ. Макъамы, сёзлери да - Семенланы Исмайыл (Джырчы Сымайыл)

Загрузка плеера


Джырлайды Отарланы Омар
 
 
 
#24
Джаратама0
07.07.2015 03:41:49 Translit
Семенланы Исмайылны "Акътамагъын" джырлайды Ёртенланы Борис.

Загрузка плеера
 
 
 
#25
Джаратама0
07.07.2015 03:44:31 Translit
АКЪТАМАКЪ - сёзю, макъамы да Джырчы Сымайылныкъыдыла

Загрузка плеера


группа Учкекен.
 
 
 
#
Джаратама0
  Translit
 
 
 
#26
Джаратама0
07.07.2015 03:47:00 Translit
АКЪТАМАКЪ. Джырлайды автор - Семенланы Исмайыл

Загрузка плеера
 
 
 
#27
Джаратама0
07.07.2015 21:07:53 Translit
Омар Отаров и Зоя Алтуева. Кёгала

Загрузка плеера
 
 
 
#28
Джаратама0
07.07.2015 21:09:39 Translit
группа Салам. Кёгала

Загрузка плеера
 
 
 
#29
Джаратама0
07.07.2015 21:12:03 Translit
Казиев Азнор. Кёгала

Загрузка плеера
 
 
 
#30
Джаратама0
07.07.2015 21:16:43 Translit
Кёгала.

Загрузка плеера


Ким джырлагъанын билген бар эсегиз - айтыгъыз, марджа
 
 
 
Страницы: 1 2 3 След.
Читают тему (гостей: 1)

Форум  Мобильный | Стационарный