Расширенный поиск
20 Апреля 2024 года
Логин: Регистрация
Пароль: Забыли пароль?
Навигация
Словарь
  • Къазанны башы ачыкъ болса, итге уят керекди.
  • Аш кетер да бет къалыр.
  • Кесинге джетмегенни, кёб сёлешме.
  • Ишни аллы бла къууанма да, арты бла къууан.
  • Игини сыйлагъан адетди.
  • Бюгюн дуния кибик, тамбла ахыратды.
  • Къатын байлыкъны сюер, эр саулукъну сюер.
  • Иги – алгъыш этер, аман – къаргъыш этер.
  • Эм ашхы къайын ана мамукъ бла башынгы тешер.
  • Ашхылыкъ джерде джатмайды, аманлыкъ суугъа батмайды.
  • Бойнуму джети джерден кессенг да, мен ол ишни этеллик тюлме.
  • Башда акъыл болмаса, эки аякъгъа кюч джетер.
  • Бети бедерден, намыс сакълама.
  • Акъыллы башны – тили къысха.
  • Суу да къайтады чыкъгъан джерине.
  • Биреуге кёлтюрген таягъынг, кесинги башынга урур.
  • Адам сёзге тынгыла, акъыл сёзню ангыла.
  • Джахил болса анасы, не билликди баласы?
  • Билмейме деген – бир сёз
  • Берекет берсин деген джерде, берекет болур.
  • Намысы болмагъанны, сыйы болмаз.
  • Къызны минг тилер, бир алыр.
  • Чалманны аллы къалай башланса, арты да алай барады.
  • Джиби бир къат джетмей эди да, эки къат тарта эди.
  • Хазыр ашха – терен къашыкъ.
  • Насыб бютеу халкъны юлюшюдю.
  • Джетген къыз джерли эшекни танымаз.
  • Байны оноуу, джарлыгъа джарамаз.
  • Аякъларынгы джууургъанынга кёре узат.
  • Ариу джол аджал келтирмез.
  • Сескекли кесин билдирир.
  • Тиширыусуз юй – отсуз от джагъа.
  • Тойгъанлыкъ къойгъа джарашады.
  • Сютден ауузу кюйген, суугъа юфгюре эди.
  • Джюрекге ариу – кёзге да ариу.
  • Чакъырылмагъан къонакъ тёрге атламаз.
  • Абынмазлыкъ аякъ джокъ, джангылмазлыкъ джаякъ джокъ.
  • Эли джокъну – кёлю джокъ.
  • Къууут – джелге, берне – бошха.
  • Юйюнг бла джау болгъандан эсе, элинг бла джау бол.
  • Юйюнгден чыкъдынг – кюнюнгден чыкъдынг.
  • Къан бла кирген, джан бла чыгъар.
  • Азыкъ аз болса, эртде орун сал.
  • Сёз садакъдан кючлюдю.
  • Тилде сюек болмаса да, сюек сындырыр.
  • Терек ауса, отунчу – кёб.
  • Сормай – алма, чакъырылмай – барма.
  • Чабакъ башындан чирийди.
  • Ёнгкюч къууана барыр, джылай келир.
  • Ургъан суудан башынгы сакъла.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
#1
Джаратама3
19.10.2015 14:06:28 Translit
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
 
 
#2
Джаратама0
19.10.2015 14:16:12 Translit
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
 
 
#3
Джаратама2
19.10.2015 14:34:30 Translit
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
 
 
#4
Джаратама0
19.10.2015 14:36:04 Translit
Я самая классная на форуме))))))))))))))
 
 
 
#5
Джаратама0
30.10.2015 11:21:25 Translit
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
 
 
#6
Джаратама0
30.10.2015 16:11:42 Translit
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
 
 
 
Страницы: 1
Читают тему (гостей: 1)

Форум  Мобильный | Стационарный