Расширенный поиск
6 Мая 2024 года
Логин: Регистрация
Пароль: Забыли пароль?
Навигация
Словарь
  • Кийиминг бла танылма, адамлыкъ бла таныл.
  • Къарыусузгъа кюлме, онгсузгъа тийме.
  • Келинин тута билмеген, къул этер, къызын тута билмеген, тул этер.
  • Иги джашны ышаны – аз сёлешиб, кёб тынгылар.
  • Юре билмеген ит, къонакъ келтирир.
  • Ашхы сёз таш тешер.
  • Адамны бетине къарама, адетине къара.
  • Тил – кесген бычакъ, сёз – атылгъан окъ.
  • Ишлегенден, къарагъан уста.
  • Ёлмесенг да, къарт дамы болмазса?
  • Чёбню кёлтюрсенг, тюбюнден сёз чыгъар.
  • Келгинчи, къонакъ уялыр, келгенден сора, къонакъбай уялыр.
  • Билмезни кёзю кёрмез, этмезни къулагъы эшитмез.
  • Къыз келсе, джумуш эте келеди, къатын келсе, ушакъ эте келеди.
  • Джерни букъусу кёкге къонмаз.
  • Къатын байлыкъны сюер, эр саулукъну сюер.
  • Берекет берсин деген джерде, берекет болур.
  • Акъыл бла адеб эгизледиле.
  • Халкъгъа джарагъан, джарлы къалмаз.
  • Адам туугъан джеринде, ит тойгъан джеринде.
  • Атынг аманнга чыкъгъандан эсе, джанынг тамагъынгдан чыкъсын.
  • Бети къызарыучу адамны, джюреги харам болмаз.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Намыс сатылыб алынмайды.
  • Кёл ашады да, кеси ашады.
  • Тёгюлген тюгел джыйылмайды.
  • Къайгъыны сюйген, къайгъы табар.
  • Ойнай билмеген, уруб къачар.
  • Уясында не кёрсе, учханында аны этер.
  • Ётюрюкню къуйругъу – бир тутум.
  • Аман къатын сабий табса, бий болур…
  • Акъыл неден да кючлюдю.
  • Джырчы ёлсе, джыры къалыр.
  • Орну джокъну – сыйы джокъ.
  • Кёзню ачылгъаны – иги, ауузну джабылгъаны – иги.
  • Уллу сёзде уят джокъ.
  • Джумушакъ сёз къаты таякъны сындырыр.
  • Кёл – къызбай, къол – батыр.
  • Бир абыннган – минг сюрюнюр.
  • Тёрени джагъы джокъ.
  • Биреуге кёлтюрген таягъынг, кесинги башынга урур.
  • Чомарт къолда мал къалмаз.
  • Кесинг сынамагъан затны, адамгъа буюрма.
  • Алма терегинден кери кетмез.
  • Хоншуну тауугъу къаз кёрюнюр, келини къыз кёрюнюр.
  • Билеги кючлю, бирни джыгъар, билими кючлю, мингни джыгъар.
  • Тилчи бир сагъатха айлыкъ хата этер.
  • Рысхы – сют юсюнде кёмюк кибикди.
  • Ёлген аслан – сау чычхан.
  • Джылкъыдан – ат чыгъар, тукъумдан – джаш чыгъар.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный