- Ариу – кёзге, акъыл – джюрекге.
- Ишленмеген джаш – джюгенсиз ат, ишленмеген къыз – тузсуз хант.
- Кюлме джашха – келир башха.
- Тил бла келеди джыр да.
- Элиб деген, элге болушур.
- Келинни – келгинчи, бёркню кийгинчи кёр.
- Ариу джол аджал келтирмез.
- Чалманны аллы къалай башланса, арты да алай барады.
- Кечеси – аяз, кюню – къыш, джарлы къаргъагъа бир аш тюш!
- Къалгъан ишге къар джауар.
- Байлыкъ тауусулур, билим тауусулмаз.
- Бек ашыкъгъан меннге джетсин, дегенди аракъы.
- Аман адам этегингден тутса, кес да къач.
- Чомарт къонакъ юй иесин сыйлар.
- Кесине оноу эте билмеген, халкъына да эте билмез.
- Акъылсызны джууукъгъа алма, акъыллыны кенгнге салма.
- Уллу суу бла уллу ауруудан башынгы сакъла.
- Аш хазыр болса, иш харам болур.
- Ашлыкъ – бюртюкден, джюн – тюкден.
- Ариу сёз – джаннга азыкъ, аман сёз – башха къазыкъ.
- Эки итни арасына сюек атма, эки адамны арасында сёз чыгъарма.
- Атадан ёксюз – бир ёксюз, анадан ёксюз – эки ёксюз.
- Уллу атлама – абынырса, уллу къабма – къарылырса.
- Башланнган иш битер, къымылдагъан тиш тюшер.
- Атлыны кёрсе, джаяуну буту талыр.
- Нарт сёз – тилни бети.
- Мадар болса, къадар болур.
- Ашатыргъа иш – ашхы, ишлетирге аш – ашхы.
- Къызны минг тилер, бир алыр.
- Аманнга игилик этсенг, юйюнге сау бармазса.
- Тау башында, тау болмаз, джангыз терек, бау болмаз.
- Гугурук къычырмаса да, тангны атары къалмаз.
- От этилмеген джерден тютюн чыкъмайды.
- Ишлегенден, къарагъан уста.
- Аш берме да, къаш бер.
- Аллахха ийнаннган кишини, Аллах онгдурур ишин.
- Адам сёзюнден белгили.
- Къууут – джелге, берне – бошха.
- Тиширыусуз юй – отсуз от джагъа.
- Ёпкелегенни ашы татлы болады.
- Кёб къычыргъандан – къоркъма, тынч олтургъандан – къоркъ.
- Эртде тургъан джылкъычыны эркек аты тай табар.
- Кюн кёрмеген, кюн кёрсе, кюндюз чыракъ джандырыр.
- Зарда марда джокъ.
- Кютгени беш эчки, сызгъыргъаны уа, джерни джарады.
- Къонакъ аз олтурур, кёб сынар.
- Окъумагъан сокъурду, сокъур ташха абыныр!
- Сабыр джетер муратха, сабырсыз къалыр уятха.
- Келинин тута билмеген, къул этер, къызын тута билмеген, тул этер.
- Ётген ёмюр – акъгъан суу.
Профиль
|
|
|||