- Ётген ёмюр – акъгъан суу.
- Арыгъан къош чамчы болур.
- Аманнга да, игиге да оноусуз къатышма.
- Ата – билек, ана – джюрек!
- Хантына кёре тузу, юйюне кёре къызы.
- Биреу ашаб къутулур, биреу джалаб тутулур.
- Къарнынг ауруса, ауузунгу тый
- Башсыз урчукъ тюзюне айланмаз.
- Юй ишлеген балта эшикде къалыр.
- Борчунг бар эсе, хурджунунга ойлаб узал.
- Сёлеш деб шай берген, тохта деб, сом берген.
- Огъурлуну сёзю – суу, огъурсузну сёзю – уу.
- Таукелге нюр джауар.
- Окъумагъан сокъурду, сокъур ташха абыныр!
- Баш – акъыл ючюн, акъылман – халкъ ючюн.
- Рысхысына кёре, джаш ёсер, къышлыгъына кёре, мал ёсер.
- Биреуню къыйынлыгъы бла кесинге джол ишлеме.
- Сормай – алма, чакъырылмай – барма.
- Кёзюнде тереги болгъан, чёбю болгъаннга кюле эди.
- Ариу джол аджал келтирмез.
- Ашхы – джыяр, аман – джояр.
- Келлик заман – къартлыкъ келтирир, кетген заман – джашлыкъ ёлтюрюр.
- Тилсиз миллет джокъ болур.
- Арбаз сайлама да, хоншу сайла.
- Кёлсюзден сёзсюз тууар.
- Тил – кесген бычакъ, сёз – атылгъан окъ.
- Келинни – келгинчи, бёркню кийгинчи кёр.
- Джаралыны джастыгъында сау ёлюр.
- Кёрмегеннге кебек – танг, битмегеннге сакъал – танг.
- Хаухну атма, ёнгкючню сатма.
- Гырджын – тепсини тамадасы.
- Чомартха хар кюн да байрамды.
- Ишленмеклик адамлыкъды.
- Ёзденликни джайгъан – джокълукъ.
- Эллинг бла джау болсанг да, юйюнг бла джау болма.
- Азыгъы аз, алгъа къабар, аты аман, алгъа чабар.
- Билмейме деген – бир сёз
- Тойгъа барсанг, тоюб бар, эски тонунгу къоюб бар.
- Тойгъан антын унутур.
- Ауузу аманнга «иги», деме.
- Эринчекни аурууу – кёб.
- Тамчы таш тешер.
- Айтылгъан буйрукъ, сёгюлмез
- Босагъагъа джууукъ орун болса, ашыгъыб тёрге озма.
- Аман хансны – урлугъу кёб.
- Келинин тута билмеген, къул этер, къызын тута билмеген, тул этер.
- Къыз чыгъаргъан – къызыл къымжа.
- Акъыл къартда, джашда тюйюлдю – башдады.
- Кюн – узун, ёмюр – къысха.
- Башы джабылгъан челекге, кир тюшмез.
Профиль
|
realmdealer7
 Эльбрусоид
Баллов: 0
Регистрация: 18.04.2021
Последний визит: 18.04.2021 14:41:03
|
|
||||||||
|
|
|
||||||||