- Суугъа – чабакъ, къаягъа – ыргъакъ.
- Элде адам къалмаса, ит тахтагъа минер.
- Хатерли къул болур.
- Кюл тюбюндеги от кёрюнмейди.
- Таугъа чыгъаллыкъ эсенг, тюзде къалма.
- Джиби бир къат джетмей эди да, эки къат тарта эди.
- Элни кючю – эмеген.
- Айтылгъан сёз ызына къайтмаз.
- Хар ишни да аллы къыйынды.
- Сёз – кюмюш, джыр – алтын.
- Кёб джат да, бек чаб.
- Къонакъны къачан кетерин сорма, къачан келлигин сор.
- Къаллай салам берсенг, аллай джууаб алырса.
- Акъыл бла адеб эгизледиле.
- Аман киши кеси юйюнде – къонакъ.
- Къозулугъунда тоймагъан, къойлугъунда тоймаз.
- Къонагъынгы артмагъын алма да, алгъышын ал.
- Ауругъан – джашаудан умутчу.
- Чакъырылмагъан къонакъ тёрге атламаз.
- Мен да «сен», дейме, сен да «кесим», дейсе.
- Сёлеш деб шай берген, тохта деб, сом берген.
- Башы джабылгъан челекге, кир тюшмез.
- Шапа кёб болса, аш татымсыз болур.
- Бастасын ашагъан, хантусун да ичер.
- Сабийни джумушха джибер да, ызындан бар.
- От кюйдюрген, сау болса да, тот кюйдюрген, сау болмаз.
- Тойчу джашха къарама, къойчу джашха къара.
- Алим болгъандан эсе, адам болгъан къыйынды.
- Аман эсирсе, юйюн ояр.
- Аш берме да, къаш бер.
- Джюз элде джюз ёгюзюм болгъандан эсе, джюз джууугъум болсун.
- Сабыр джетер муратха, сабырсыз къалыр уятха.
- Айран тёгюлсе, джугъусу къалыр.
- Джаш болсун, къыз болсун, акъылы, саны тюз болсун.
- Танг атмайма десе да, кюн къоярыкъ тюйюлдю.
- Къартны бурнун сюрт да, оноугъа тут.
- Ашда – бёрю, ишде – ёлю.
- Эринчекге кюн узун.
- Къатын байлыкъны сюер, эр саулукъну сюер.
- Бет бетге къараса, бет да джерге къарар.
- Чакъырылмагъан къонакъ – орунсуз.
- Ашына кёре табагъы, балына кёре къалагъы.
- Къобан да къуру да къобханлай турмайды, адам да къуру да патчахлай турмайды.
- Уллу айтханны этмеген – уллаймаз.
- Ойнай билмеген, оюн бузар.
- Ата джурт – алтын бешик.
- Тил – миллетни джаны.
- Акъдан къара болмаз.
- Минг тенг да азды, бир джау да кёбдю.
- Таукел къуру къалмаз.
Профиль
|
|
|||