- Джашынгы кесинг юретмесенг, джашау юретир.
- Суу кетер, таш къалыр.
- Юйлю уругъа ит чабмаз.
- Айныгъанлы алты кюн, тогъайгъанлы тогъуз кюн.
- Ёлюк кебинсиз къалмаз.
- Байма, деб да, къууанма, джарлыма, деб да, джылама.
- Итли къонакъ джарашмаз.
- Уллу къашыкъ эрин джыртар.
- Окъ къызбайны джокълайды.
- Айыбны суу бла джууалмазса.
- Тёрдеги кюлсе, эшикдеги ышарыр.
- Мураты болгъанны джюрек тебюую башхады.
- Аякъларынгы джууургъанынга кёре узат.
- Эл ауузу – элия.
- Билимден уллу байлыкъ джокъду.
- Суу ичген шауданынга тюкюрме.
- Халкъны джырын джырласанг, халкъ санга эжиу этер.
- Алим болгъандан эсе, адам болгъан къыйынды.
- Къонакъ аман болса, къонакъбай джунчур
- Билген билмегенни юретген адетди.
- Чомартны къолун джокълукъ байлар.
- Сакъламагъан затынга джолукъсанг, не бек къууанаса, не бек ачыйса.
- Ата Джуртун танымагъан, атасын да танымаз.
- Сабий болмагъан джерде, мёлек болмаз.
- Суу да къайтады чыкъгъан джерине.
- Юреннген ауруу къалмаз.
- Къыйынлы джети элни къайгъысын этер.
- Джиби бир къат джетмей эди да, эки къат тарта эди.
- Джырына кёре эжиую.
- Ким бла джюрюсенг, аны кёзю бла кёрюнюрсе.
- Тешигини къатында, чычхан да батыр болур.
- Тойгъан джерге джети къайт.
- Башы джабылгъан челекге, кир тюшмез.
- Адамны сабийин сюйген джюреги, бычакъча, джитиди.
- Ашына кёре табагъы, балына кёре къалагъы.
- Босагъагъа джууукъ орун болса, ашыгъыб тёрге озма.
- Бозаны арты дауур болур.
- Таугъа чыгъаллыкъ эсенг, тюзде къалма.
- Ана къолу ачытмаз.
- Магъанасыз сёз – тауушсуз сыбызгъы.
- Джаным-тиним – окъуу, билим.
- Кютгени беш эчки, сызгъыргъаны уа, джерни джарады.
- Сууда джау джокъ, кёб сёзде магъана джокъ.
- Ашыкъгъан cуу, тенгизге джетмез.
- Бет бетге къараса, бет да джерге къарар.
- Чабакъгъа акъыл, табагъа тюшсе келеди.
- Ётюрюкню къуйругъу – бир тутум.
- Хаухну атма, ёнгкючню сатма.
- Къызын тута билмеген, тул этер, джашын тута билмеген, къул этер.
- Садакъачыны джаны – къапчыгъында.
Профиль
|
||||