- Ишлегенде эринме, ишде чолакъ кёрюнме.
- Чыкълы кюнде чыкъмагъан, чыкъса къуру кирмеген.
- Чыбыкълыкъда бюгюлмеген, къазыкълыкъда бюгюлмей эди.
- Айтханы чапыракъдан ётмеген.
- Шайтан алдады, тюзлюк къаргъады.
- Чоюнну башы ачыкъ болса, итге уят керекди.
- Аманнга алтын чыдамаз.
- Джаханимни кёрмей, джандетге кёл салмазса.
- Миллетни бойну – базыкъ, аны бла кюрешген – джазыкъ.
- Кесинге джетмегенни, кёб сёлешме.
- Берекет берсин деген джерде, берекет болур.
- Бастасын ашагъан, хантусун да ичер.
- Айтылгъан сёз ызына къайтмаз.
- Аджаллыгъа окъсуз шкок атылыр.
- Тюзлюк тас болмайды.
- Сёз сёзню айтдырыр.
- Шапа кёб болса, аш татымсыз болур.
- Танг атмайма десе да, кюн къоярыкъ тюйюлдю.
- Джашда акъыл джокъ, къартда къарыу джокъ.
- Тил – кесген бычакъ, сёз – атылгъан окъ.
- Накъырданы арты керти болур.
- Адебни адебсизден юрен.
- Джырчы ёлсе, джыры къалыр.
- Джангызны оту джарыкъ джанмаз!
- Ашатыргъа иш – ашхы, ишлетирге аш – ашхы.
- Адамны аманы адамны бети бла ойнар.
- Ашха уста, юйюнде болсун
- Окъдан джара эртде-кеч болса да бителир, сёз джара, ёмюрге къалыр.
- Уллу атлама – абынырса, уллу къабма – къарылырса.
- Адамны джюреги нени кёрюрге сюйсе, кёзю да аны кёрюрге ёч болады.
- Уллу айтханны этмеген – уллаймаз.
- Эр абынмай, эл танымаз.
- Алма терегинден кери кетмез.
- Тешик этген тынчды, аны джамагъан къыйынды.
- Рысхы – сют юсюнде кёмюк кибикди.
- Орундукъ тюбюнде атылсам да, орта джиликме, де да айлан.
- Бичгенде ашыкъма, тикгенде ашыкъ.
- Джиби бир къат джетмей эди да, эки къат тарта эди.
- Аш кетер да бет къалыр.
- Алтыннга тот къонмаз.
- Билимли ёлмез, билимсиз кёрмез.
- Эл тойса, тоймагъан, эл къойса, къоймагъан.
- Ашда уялгъан – мухар, ишде уялгъан – хомух.
- Ёлген эшек бёрюден къоркъмайды.
- Къарнынг тойгъунчу аша да, белинг талгъынчы ишле.
- Эм уллу байлыкъ – джан саулукъ.
- Акъыл къартда, джашда тюйюлдю – башдады.
- Уллу къазанда бишген эт, чий къалмаз.
- Эте билген, этген этеди, эте билмеген, юретген этеди!
- Ичимден чыкъды хата, къайры барайым сата?
Профиль
|
|
|
|||