- Джангызны оту джарыкъ джанмаз!
- Джыйырма къойну юч джыйырма эбзе кюте эди.
- Чакъырылгъанны аты, чакъырылмагъанны багъасы болур.
- Бек ашыкъгъан меннге джетсин, дегенди аракъы.
- Эл ауузу – элия.
- Ёксюзню тилеги къабыл болур.
- Чыкълы кюнде чыкъмагъан, чыкъса къуру кирмеген.
- Акъыллы – эл иеси, тели – эл баласы.
- Ата – билек, ана – джюрек!
- Ашыкъгъанны этеги бутуна чырмалыр.
- Аллахдан тилесенг, кёб тиле.
- Айтылгъан буйрукъ, сёгюлмез
- Ашхы тенг джолгъа салыр, аман тенг джолдан тайдырыр.
- Ана – юйню кюн джарыгъы.
- Экиндини кеч къылсанг, чабыб джетер ашхам.
- Халкъны джырын джырласанг, халкъ санга эжиу этер.
- Иги джашны ышаны – аз сёлешиб, кёб тынгылар.
- Экеулен сёлеше тура эселе, орталарына барыб кирме.
- Джерни букъусу кёкге къонмаз.
- Ушамагъан – джукъмаз.
- Аш кетер да бет къалыр.
- Къартны бурнун сюрт да, оноугъа тут.
- Аман адамны тепсинге олтуртсанг, къызынгы тилер.
- Зар адам ашынгы ашар, кесинги сатар.
- Ойнай билмеген, оюн бузар.
- Юй ишлеген балта эшикде къалыр.
- Къыз тиширыу кеси юйюнде да къонакъды.
- Кюн – узун, ёмюр – къысха.
- Адам къаллай бир ишленмесе, аллай бир кесин уллу кёреди.
- Къан бла кирген, джан бла чыгъар.
- Къонакъ кёб келюучю юйню, къазаны отдан тюшмез.
- Айранны сюйген, ийнек тутар.
- Атадан ёксюз – бир ёксюз, анадан ёксюз – эки ёксюз.
- Бёрю да ач къалмасын, эчки да ашалмасын.
- Ач келгенни – тойдур, кеч келгенни – къондур.
- Нарт сёз къарт болмаз.
- Окъумагъан сокъурду, сокъур ташха абыныр!
- Малны кют, джерни тюрт.
- Этек чакъмакълары баш джаргъан, сёлешген сёзлери таш джаргъан.
- Терслик кетер, тюзлюк джетер.
- Тау башында, тау болмаз, джангыз терек, бау болмаз.
- Ашыкъгъан cуу, тенгизге джетмез.
- Сагъыш – къартлыкъгъа сюйюмчю.
- Гугурук къычырмаса да, тангны атары къалмаз.
- Ёгюзню мюйюзюнден тутадыла, адамны сёзюнден тутадыла.
- Алма терегинден кери кетмез.
- Аманны эки битли тону болур, бирин сеннге кийдирир, бирин кеси киер.
- Баш – акъыл ючюн, акъылман – халкъ ючюн.
- Ариу сёз – джаннга азыкъ, аман сёз – башха къазыкъ.
- Билмегенинги, билгеннге сор.
Профиль
|
|
|
|||