- Биреу ашаб къутулур, биреу джалаб тутулур.
- Гырджын – тепсини тамадасы.
- Намыс болмагъан джерде, насыб болмаз.
- Эшекге миннген – биринчи айыб, андан джыгъылгъан – экинчи айыб.
- Игилик игилик бла сингдирилиучю затды.
- Юйлю уругъа ит чабмаз.
- Тили узунну, намысы – къысха.
- Нарт сёз – тилни бети.
- Джуртун къоругъан озар.
- Ач, тоймам, дейди, тойгъан, ач болмам, дейди.
- Тойгъа алгъа да барма, тойда артха да къалма.
- Къыз келсе, джумуш эте келеди, къатын келсе, ушакъ эте келеди.
- Рысхы – насыбха къор.
- Ханы къызы буюгъа-буюгъа киштик болду.
- Къар – келтирди, суу – элтди.
- Аш берме да, къаш бер.
- Сакъалы текени да бар, мыйыгъы киштикни да бар.
- Ач отунчуну ачыуу – бурнунда.
- Кийиминг бла танылма, адамлыкъ бла таныл.
- Эки итни арасына сюек атма, эки адамны арасында сёз чыгъарма.
- Соргъан айыб тюлдю, билмеген айыбды.
- Ауругъанны сау билмез, ач къарынны токъ билмез.
- Билими азны – ауузунда кирит.
- Кесинг сынамагъан затны, адамгъа буюрма.
- Бети къызарыучу адамны, джюреги харам болмаз.
- Эри аманны, къатыны – аман.
- Къыйынлы джети элни къайгъысын этер.
- Билимсиз иш бармаз.
- Аман эсирсе, юйюн ояр.
- Кюн – узун, ёмюр – къысха.
- Къызны минг тилер, бир алыр.
- Тойну къарнашы – харс, джырны къарнашы – эжиу.
- Джол бла сёзню къыйыры джокъ.
- Телини эшигин, махтау джабар.
- Къолу уллу – асыу, аягъы уллу – джарсыу.
- Гугурук къычырмаса да, тангны атары къалмаз.
- Киштикге къанат битсе, чыпчыкъ къалмаз эди.
- Таукелге нюр джауар.
- Адеб этмеген, адеб кёрмез.
- Эркишини аманы тиширыуну джылатыр.
- Джюрекге ариу – кёзге да ариу.
- Къыз тиширыу кеси юйюнде да къонакъды.
- Уллу айтханны этмеген – уллаймаз.
- Ауурну тюбю бла, дженгилни башы бла джюрюген.
- Дженгил джетерикме деб, узун джолну къоюб, къысхасын барма.
- Аманны эки битли тону болур, бирин сеннге кийдирир, бирин кеси киер.
- Джети тилни билген джети кишиди.
- Айырылгъанланы айю ашар, бёлюннгенлени бёрю ашар.
- Алма терегинден кери кетмез.
- Башсыз урчукъ тюзюне айланмаз.
Профиль
|
|
|||