- Юре билмеген ит, къонакъ келтирир.
- Окъугъан озар, окъумагъан тозар.
- Татлы сёз – балдан татлы.
- Адебни адебсизден юрен.
- Ач – эснер, ат – кишнер.
- Эте билген, этген этеди, эте билмеген, юретген этеди!
- Адам сёзюнден белгили.
- Гугурук къычырмаса да, тангны атары къалмаз.
- Алтыда кюлмеген, алтмышда кюлмез.
- Джаш болсун, къыз болсун, акъылы, саны тюз болсун.
- Ёгюзню мюйюзлери ауурлукъ этмейдиле.
- Джаханимни кёрмей, джандетге кёл салмазса.
- Азыкъ аз болса, эртде орун сал.
- Джаз бир кюнню джатсанг, къыш талай кюнню абынырса.
- Сёлеш деб шай берген, тохта деб, сом берген.
- Тенги кёбню джау алмаз, акъылы кёбню дау алмаз.
- Билим къая тешер.
- Зар адамны насыбы болмаз.
- Байлыкъ адамны сокъур этер.
- Тешигини къатында, чычхан да батыр болур.
- Уллу атлама – абынырса, уллу къабма – къарылырса.
- Эр сокъур болсун, къатын тилсиз болсун.
- Намыс болмагъан джерде, насыб болмаз.
- Ойнай-ойнай кёз чыгъар.
- Аджал соруб келмез, келсе, къайтыб кетмез.
- Сёз садакъдан кючлюдю.
- Аякъларынгы джууургъанынга кёре узат.
- Эки элинги тыйсанг, джети элде махталырса.
- Акъылсызны джууукъгъа алма, акъыллыны кенгнге салма.
- Чомарт къолда мал къалмаз.
- Адамны сыфатына къарама, сёзюне къара.
- Ач бёрюге мекям джокъ.
- Къазанда болса, чолпугъа чыгъар.
- Тойчу джашха къарама, къойчу джашха къара.
- Къуру гыбыт бек дыгъырдар.
- Кёлсюзден сёзсюз тууар.
- Хар зат кесини орнуна иги.
- Ашаса, ашамаса да, бёрюню ауузу – къан.
- Суугъа – таянма, джаугъа – ийнанма.
- Нарт сёз къарт болмаз.
- Ёлюр джаннга, ёкюл джокъ.
- Халкъгъа джарагъан, джарлы къалмаз.
- Тулпарлыкъ, билекден тюл – джюрекден.
- Сибиртки да сыйлы болду, кюрек да кюнлю болду.
- Хазыр ашха – терен къашыкъ.
- Кёзден кетген, кёлден да кетеди.
- Ачыу алгъа келсе, акъыл артха къалады.
- Аш берме да, къаш бер.
- Аш хазыр болса, иш харам болур.
- Кёлю джокъну – джолу джокъ.
Профиль
|
|
|||