Эльбрусоид :: Форум

Юйлю уругъа ит чабмаз.
Айыбны суу бла джууалмазса.
Тил – кесген бычакъ, сёз – атылгъан окъ.
Тилсиз миллет джокъ болур.
Тил бла келеди джыр да.
Атынг аманнга чыкъгъандан эсе, джанынг тамагъынгдан чыкъсын.
Термилгенинги табмазса, кюлгенинге тюберсе.
Сабыр джетер муратха, сабырсыз къалыр уятха.
Байма, деб да, къууанма, джарлыма, деб да, джылама.
Таш бла ургъанны, аш бла ур.
Акъыл къартда, джашда тюйюлдю – башдады.
Адебсиз адам – джюгенсиз ат.
Джахил болса анасы, не билликди баласы?
Кёб джашагъан – кёб билир.
Къатын къылыкъсыз, эр тынчлыкъсыз.
Чомарт бергенин айтмаз.
Чакъырылмай келген къонакъ сыйланмай кетер.
Чомарт джарлы болмаз.
Эркишиге тары кебек танг кёрюнюр.
Эм ашхы къайын ана мамукъ бла башынгы тешер.
Артына баргъанны, къатына барма.
Таукел тауну аудурур.
Ана къолу ачытмаз.
Тюзню ётмеги тюзде къалса да, тас болмаз.
Таукел адам тау тешер.
Байлыкъ болгъан джерде, тынчлыкъ джокъду.
Къыз келсе, джумуш эте келеди, къатын келсе, ушакъ эте келеди.
Хантына кёре тузу, юйюне кёре къызы.
Къолунгдан къуймакъ ашатсанг да, атаны борчундан къутулмазса.
Джумушакъ сёз къаты таякъны сындырыр.
Ётюрюк хапар аякъ тюбю бла джюрюйдю.
Азыгъы аз, алгъа къабар, аты аман, алгъа чабар.
Къобан да къуру да къобханлай турмайды, адам да къуру да патчахлай турмайды.
Ёзденликни джайгъан – джокълукъ.
Адамны сабийин сюйген джюреги, бычакъча, джитиди.
Биреуню къыйынлыгъы бла кесинге джол ишлеме.
Юйюнгден чыкъдынг – кюнюнгден чыкъдынг.
Джаш къарыу бла кючлю, къарт акъыл бла кючлю.
Джолунга кёре – джюрюшюнг, джагъанга кёре – юлюшюнг.
Джашынгы кесинг юретмесенг, джашау юретир.
Адам сёзге тынгыла, акъыл сёзню ангыла.
Хар адамгъа кеси миннген тау кибик.
Сибиртки да сыйлы болду, кюрек да кюнлю болду.
Нафысынгы айтханын этме, намысынгы айтханын эт.
Адам къыйынлыгъын кёлтюрюр, зауукълугъун кёлтюрмез.
Тили узунну, намысы – къысха.
Ач отунчуну ачыуу – бурнунда.
Билмейме деген – бир сёз
Тилчи тилден къаныкъмаз.
Бир абыннган – минг сюрюнюр.

Логин:
Пароль:
	Запомнить меня на этом компьютере

Забыли свой пароль?
Регистрация