- Айныгъанлы алты кюн, тогъайгъанлы тогъуз кюн.
- Окъуусуз билим – джокъ, билимсиз кюнюнг – джокъ.
- Дуния аламаты сен эсенг да, игиме деб айтма.
- Окъдан джара эртде-кеч болса да бителир, сёз джара, ёмюрге къалыр.
- Сангырау къулакъ эл бузар.
- Уясында не кёрсе, учханында аны этер.
- Чабар ат – джетген къыз.
- Тил – миллетни джаны.
- Къызын тута билмеген, тул этер, джашын тута билмеген, къул этер.
- Билмезни кёзю кёрмез, этмезни къулагъы эшитмез.
- Тилчи бир сагъатха айлыкъ хата этер.
- Чыбыкълыкъда бюгюлмеген, къазыкълыкъда бюгюлмей эди.
- Джогъун бар этген, барын бал этген.
- Кёл ашады да, кеси ашады.
- Чомарт джарлы болмаз.
- Чомартны къолун джокълукъ байлар.
- Кюл тюбюндеги от кёрюнмейди.
- Айран ичген – къутулду, джугъусун джалагъан – тутулду.
- Эл элде бирер малынг болгъандан эсе, бирер тенгинг болсун.
- Кютгени беш эчки, сызгъыргъаны уа, джерни джарады.
- Байлыкъдан саулукъ ашхыды.
- Къумурсхала джыйылсала, пилни да джыгъадыла.
- Мураты болгъанны джюрек тебюую башхады.
- Джангыз терек къынгыр ёсер.
- Гитче джилтин уллу элни джандырыр.
- Орну джокъну – сыйы джокъ.
- Тилде сюек болмаса да, сюек сындырыр.
- Таукелге нюр джауар.
- Ариу джол аджал келтирмез.
- Чомарт бергенин айтмаз.
- Тулпарлыкъ, билекден тюл – джюрекден.
- Кесинге джетмегенни, кёб сёлешме.
- Билген билмегенни юретген адетди.
- Кенгеш болса, уруш болмаз.
- Эки элинги тыйсанг, джети элде махталырса.
- Ётюрюк хапар аякъ тюбю бла джюрюйдю.
- Ашатыргъа иш – ашхы, ишлетирге аш – ашхы.
- Джарашыу сюйген – джалынчакъ.
- Ичимден чыкъды хата, къайры барайым сата?
- Ата – баланы уясы.
- Эшекге миннген – биринчи айыб, андан джыгъылгъан – экинчи айыб.
- Терслик кетер, тюзлюк джетер.
- Джашынгы кесинг юретмесенг, джашау юретир.
- Тёзгеннге, джабылгъан эшик ачылыр.
- Ёзденликни кёбю ётюрюк.
- Келинни – келгинчи, бёркню кийгинчи кёр.
- Сёз сёзню айтдырыр.
- Къонагъы джокъну – шоху джокъ.
- Эки къатын алгъан – эки ташны ортасына башын салгъан.
- Аджал соруб келмез, келсе, къайтыб кетмез.
Профиль
|
|
|||