- Эл тойса, тоймагъан, эл къойса, къоймагъан.
- Къартны сыйын кёрмеген, къартлыгъында сыйлы болмаз.
- Кюн – узун, ёмюр – къысха.
- Ач келгенни – тойдур, кеч келгенни – къондур.
- Джумушакъ терекни къурт ашар.
- Джарлыны эшигин махтагъан джабар.
- «Ёгюз, джаргъа джууукъ барма, меннге джюк боллукъса», - дегенди эшек.
- Эм уллу байлыкъ – джан саулукъ.
- Баш болса, бёрк табылыр.
- Ёлмесенг да, къарт дамы болмазса?
- Чыбыкълыкъда бюгюлмеген, къазыкълыкъда бюгюлмей эди.
- Бёрю да ач къалмасын, эчки да ашалмасын.
- Адам сёзюнден белгили.
- Кюн кёрмеген, кюн кёрсе, кюндюз чыракъ джандырыр.
- Джогъун бар этген, барын бал этген.
- Бетинги сатма, малынгы сат.
- Сабий болмагъан джерде, мёлек болмаз.
- Келгинчи, къонакъ уялыр, келгенден сора, къонакъбай уялыр.
- Ауругъан – джашаудан умутчу.
- Эр абынмай, эл танымаз.
- Адамны адамлыгъы къыйынлыкъда айгъакъланады.
- Иги адамны бир сёзю эки болмаз.
- Къазанны башы ачыкъ болса, итге уят керекди.
- Болджал ишни бёрю ашар.
- Сакъалы текени да бар, мыйыгъы киштикни да бар.
- Тынгылагъан тынгы бузар.
- Тилде сюек болмаса да, сюек сындырыр.
- Къонакъ аман болса, къонакъбай джунчур
- Хазыр ашха – терен къашыкъ.
- Ашхы тенг джолгъа салыр, аман тенг джолдан тайдырыр.
- Джерни букъусу кёкге къонмаз.
- Уллу сёзде уят джокъ.
- Ашын ашагъанынгы, башын да сыйла.
- Этек чакъмакълары баш джаргъан, сёлешген сёзлери таш джаргъан.
- Тели турса – той бузар.
- Рысхы – сют юсюнде кёмюк кибикди.
- Атадан ёксюз – бир ёксюз, анадан ёксюз – эки ёксюз.
- Аманнга алтын чыдамаз.
- Эски джаугъа ышанма.
- Ётген ёмюр – акъгъан суу.
- Айтхан – тынч, этген – къыйын.
- Кютгени беш эчки, сызгъыргъаны уа, джерни джарады.
- Эркишини аманы тиширыуну джылатыр.
- Таукел тауну аудурур.
- Къарны аманнга къазан такъдырма, къолу аманнга от джакъдырма.
- Чомарт бергенин айтмаз.
- Башы джабылгъан челекге, кир тюшмез.
- Тай асырагъан, атха минер.
- Агъач халкъгъа алтынды, иссиликге салкъынды.
- Ишлемеген – тишлемез.
Профиль
|
|
|
|||