- Кёпюр салгъан кеси ётер, уру къазгъан кеси кетер.
- Сабийни джумушха джибер да, ызындан бар.
- Аллахха ийнаннган кишини, Аллах онгдурур ишин.
- Элиб деген, элге болушур.
- Акъыллы айтыр эди, акъылсыз къоймайды.
- Ишлегенде эринме, ишде чолакъ кёрюнме.
- Кютгени беш эчки, сызгъыргъаны уа, джерни джарады.
- Айранны сюйген, ийнек тутар.
- Къонакъ кёб келюучю юйню, къазаны отдан тюшмез.
- Кесинг сынамагъан затны, адамгъа буюрма.
- Окъдан джара эртде-кеч болса да бителир, сёз джара, ёмюрге къалыр.
- «Ма», - дегенни билмесенг, «бер», - дегенни билмезсе.
- Керилген да, ургъан кибикди.
- Къайгъы тюбю – тенгиз.
- Бермеген къол, алмайды.
- Босагъа таш юйге кирмей эди, тыбыр таш эшикге чыкъмай эди.
- Этек чакъмакълары баш джаргъан, сёлешген сёзлери таш джаргъан.
- Байны оноуу, джарлыгъа джарамаз.
- Къошда джокъгъа – юлюш джокъ.
- Aдам боллукъ, сыфатындан белгили.
- Къарнынг къанлынга кийирир.
- Туз, гырджын аша, тюзлюк бла джаша.
- Иши джокъну, сыйы джокъ.
- Джюрекден джюрекге джол барды.
- Ётюрюкден тюбю джокъ, кёлтюрюрге джиби джокъ.
- Джуртун къоругъан озар.
- Ашхы болсанг, атынг чыгъар, аман болсанг, джанынг чыгъар.
- Нарт сёз – тилни бети.
- Чыкълы кюнде чыкъмагъан, чыкъса къуру кирмеген.
- Аман адам элни бир-бирине джау этер.
- Сормай – алма, чакъырылмай – барма.
- Джарлыны эшигин махтагъан джабар.
- Кёб ант этген, кёб ётюрюк айтыр.
- Джаханимни кёрмей, джандетге кёл салмазса.
- Шайтан алдады, тюзлюк къаргъады.
- Акъыллы башны – тили къысха.
- Адеб этмеген, адеб кёрмез.
- Джыйырма къойну юч джыйырма эбзе кюте эди.
- Ашда – бёрю, ишде – ёлю.
- Баш – акъыл ючюн, акъылман – халкъ ючюн.
- Къралынгы – душмандан, башынгы от бла суудан сакъла.
- Суу ичген шауданынга тюкюрме.
- Таш бла ургъанны, аш бла ур.
- Ёлген аслан – сау чычхан.
- Ач, тоймам, дейди, тойгъан, ач болмам, дейди.
- Эл ауузу – элек, анга ийнаннган – халек.
- Магъанасыз сёз – тауушсуз сыбызгъы.
- Ат басханны джер билед.
- Эркишини аманы тиширыуну джылатыр.
- Кийимни бир кюнню аясанг, минг кюннге джарар.
Профиль
|
|
|
|||