- Джылар джаш, атасыны сакъалы бла ойнар.
- Чакъырылмагъан къонакъ къачан кетерин сормаз.
- Ата – билек, ана – джюрек!
- Эринчекни эр алмаз, эр алса да, кёл салмаз, кёл салса да, кёб бармаз!
- Эшекни не къадар тюйсенг да, ат болмаз.
- Гитче джилтин уллу элни джандырыр.
- Адамны артындан къара сабан сюрме.
- Дуния мал дунияда къалады.
- Ариу сёз аурууунгу алыр.
- Адебни адебсизден юрен.
- Кёбден умут этиб, аздан къуру къалма.
- Биреу ашаб къутулур, биреу джалаб тутулур.
- Мен да «сен», дейме, сен да «кесим», дейсе.
- Кёбню кёрген – кёб билир.
- Айныгъанлы алты кюн, тогъайгъанлы тогъуз кюн.
- Кечеси – аяз, кюню – къыш, джарлы къаргъагъа бир аш тюш!
- Джахил болса анасы, не билликди баласы?
- Сакъламагъан затынга джолукъсанг, не бек къууанаса, не бек ачыйса.
- Ким бла джюрюсенг, аны кёзю бла кёрюнюрсе.
- Арпа, будай – ащды, алтын, кюмюш а – ташды.
- Оюмсуз атлагъан, аджалсыз ёлюр.
- Тай асырагъан, атха минер.
- Кёл ашады да, кеси ашады.
- Къатын къылыкъсыз, эр тынчлыкъсыз.
- Джарлы эскисин джамаса, къууаныр.
- Акъыл аздырмаз, билим тоздурмаз.
- Таякъ этден ётер, тил сюекден ётер.
- Тау башында, тау болмаз, джангыз терек, бау болмаз.
- Насыб бютеу халкъны юлюшюдю.
- Кеси юйюмде мен да ханма.
- Таула не мийик болсала да, аууш табылыр.
- Байлыкъ болгъан джерде, тынчлыкъ джокъду.
- Ашын ашагъанынгы, башын да сыйла.
- Эрине къаргъыш этген къатын, эрнин къабар.
- Ёгюзню мюйюзлери ауурлукъ этмейдиле.
- Сёз садакъдан кючлюдю.
- Ишин билген, аны сыйын чыгъарады.
- Сакъ юйюне сау барыр.
- Кёз – сюйген джерде, къол – ауругъан джерде.
- Aдам боллукъ, сыфатындан белгили.
- Адеб этмеген, адеб кёрмез.
- Тилсиз миллет джокъ болур.
- Къар – келтирди, суу – элтди.
- Джыйырма къойну юч джыйырма эбзе кюте эди.
- Айтханы чапыракъдан ётмеген.
- Къыйынлы джети элни къайгъысын этер.
- Терек ауса, отунчу – кёб.
- Кёб джат да, бек чаб.
- Тойгъа барсанг, тоюб бар, эски тонунгу къоюб бар.
- Биреуню къыйынлыгъы бла кесинге джол ишлеме.
Профиль
|
||||