- Накъырда – кертини келечиси.
- Кесинге джетмегенни, кёб сёлешме.
- Ашда – бёрю, ишде – ёлю.
- Эр абынмай, эл танымаз.
- Чёбню кёлтюрсенг, тюбюнден сёз чыгъар.
- Ашатыргъа иш – ашхы, ишлетирге аш – ашхы.
- Адеб этмеген, адеб кёрмез.
- Билим къая тешер.
- Ашаса, ашамаса да, бёрюню ауузу – къан.
- Джаралыны джастыгъында сау ёлюр.
- Хар зат кесини орнуна иги.
- Суу кетер, таш къалыр.
- Башынга джетмегенни сорма.
- Сёлеш деб шай берген, тохта деб, сом берген.
- Аманнга игилик этсенг, юйюнге сау бармазса.
- Джарашыу сюйген – джалынчакъ.
- Чомарт къонакъ юй иесин сыйлар.
- Мадар болса, къадар болур.
- Эм ашхы къайын ана мамукъ бла башынгы тешер.
- Чомартны къолун джокълукъ байлар.
- Ач къалгъандан, кеч къалгъан къолай.
- Къумурсхала джыйылсала, пилни да джыгъадыла.
- Аман адамны тепсинге олтуртсанг, къызынгы тилер.
- Сабий болмагъан джерде, мёлек болмаз.
- Къыйынлы джети элге оноу этер.
- Чакъырылмай келген къонакъ сыйланмай кетер.
- Ашхы тенг джолгъа салыр, аман тенг джолдан тайдырыр.
- Таула не мийик болсала да, аууш табылыр.
- Къаллай салам берсенг, аллай джууаб алырса.
- Малны кют, джерни тюрт.
- Чыбыкълыкъда бюгюлмеген, къазыкълыкъда бюгюлмей эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Суу ичген шауданынга тюкюрме.
- Тамырсыз терекге таянма – джыгъылырса.
- Зарда марда джокъ.
- Окъуу – билимни ачхычы, окъуу – дунияны бачхычы.
- Къыз чыгъаргъан – къызыл къымжа.
- Сууда джау джокъ, кёб сёзде магъана джокъ.
- Игини сыйлагъан адетди.
- Чомарт бергенин айтмаз.
- Къан бла кирген, джан бла чыгъар.
- Айтхан сёзюне табылгъан.
- Кёл ашады да, кеси ашады.
- Уясында не кёрсе, учханында аны этер.
- Эл ауузу – элия.
- Термилгенинги табмазса, кюлгенинге тюберсе.
- Кёрмегеннге кебек – танг, битмегеннге сакъал – танг.
- Игиге айтсанг – билир, аманнга айтсанг – кюлюр.
- Эркиши – от, тиширыу – суу.
- От этилмеген джерден тютюн чыкъмайды.
Профиль
|
|
|||