- Ата джурт – алтын бешик.
- Татлы тилде – сёз ариу, чемер къолда – иш ариу.
- Кюлме джашха – келир башха.
- Ашатыргъа иш – ашхы, ишлетирге аш – ашхы.
- Адамны артындан къара сабан сюрме.
- Тиширыусуз юй – отсуз от джагъа.
- Ауузу бла къуш тута айланады.
- Мал ёлсе, сюек къалыр, адам ёлсе, иши къалыр.
- Тешигини къатында, чычхан да батыр болур.
- Сагъыш – къартлыкъгъа сюйюмчю.
- Ашын ашагъанынгы, башын да сыйла.
- Айран ичген – къутулду, джугъусун джалагъан – тутулду.
- Кёз – сюйген джерде, къол – ауругъан джерде.
- Магъанасыз сёз – тауушсуз сыбызгъы.
- Къартны сыйын кёрмеген, къартлыгъында сыйлы болмаз.
- Иги адам абынса да, джангылмаз.
- Билимден уллу байлыкъ джокъду.
- Къайгъы тюбю – тенгиз.
- Окъуу – билимни ачхычы, окъуу – дунияны бачхычы.
- Термилгенинги табмазса, кюлгенинге тюберсе.
- Джарашыу сюйген – джалынчакъ.
- Зарда марда джокъ.
- Акъылсызны джууукъгъа алма, акъыллыны кенгнге салма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эшекге миннген – биринчи айыб, андан джыгъылгъан – экинчи айыб.
- Мураты болгъанны джюрек тебюую башхады.
- Абынмазлыкъ аякъ джокъ, джангылмазлыкъ джаякъ джокъ.
- Чыбыкълыкъда бюгюлмеген, къазыкълыкъда бюгюлмей эди.
- Сагъышы джокъ – джукъучу, акъылы джокъ – къаугъачы.
- Бёрю да ач къалмасын, эчки да ашалмасын.
- Тай асырагъан, атха минер.
- Тик ёргени, тик энгишгеси да болады.
- Чакъырылгъанны аты, чакъырылмагъанны багъасы болур.
- Окъуусуз билим – джокъ, билимсиз кюнюнг – джокъ.
- Кёлсюзден сёзсюз тууар.
- Ана – юйню кюн джарыгъы.
- Ариу – кёзге, акъыл – джюрекге.
- Къонакъ аз олтурур, кёб сынар.
- Аманны эки битли тону болур, бирин сеннге кийдирир, бирин кеси киер.
- Аман адам элни бир-бирине джау этер.
- Сакъалы текени да бар, мыйыгъы киштикни да бар.
- Байлыкъ тауусулур, билим тауусулмаз.
- Сабий кёргенин унутмаз.
- Къарын къуру болса, джюрек уру болур.
- Aдам боллукъ, сыфатындан белгили.
- Айран тёгюлсе, джугъусу къалыр.
- Шапа кёб болса, аш татымсыз болур.
- Ана къолу ачытмаз.
- Акъдан къара болмаз.
- Аш хазыр болса, иш харам болур.
Профиль
|
|
|
|||