Эльбрусоид :: Форум

Джуртун къоругъан озар.
Къонагъынгы артмагъын алма да, алгъышын ал.
Джаралыны джастыгъында сау ёлюр.
Кирсизни – саны таза, халалны – къаны таза.
Бозаны арты дауур болур.
Тойгъандан сора, ашны сёкме.
Сёз сёзню айтдырыр.
Бети къызарыучу адамны, джюреги харам болмаз.
Суу да къайтады чыкъгъан джерине.
Акъыл неден да кючлюдю.
Сормай – алма, чакъырылмай – барма.
Аман адам этегингден тутса, кес да къач.
Ёксюзню тилеги къабыл болур.
Юй ишлеген балта эшикде къалыр.
Суу ичген шауданынга тюкюрме.
Къарын къуру болса, джюрек уру болур.
Адам къыйынлыгъын кёлтюрюр, зауукълугъун кёлтюрмез.
Соргъан айыб тюлдю, билмеген айыбды.
Биреу къой излей, биреу той излей.
Биреу ашаб къутулур, биреу джалаб тутулур.
Аман эсирсе, юйюн ояр.
Тамчы таш тешер.
Сибиртки да сыйлы болду, кюрек да кюнлю болду.
Ат басханны джер билед.
Къолунгдан къуймакъ ашатсанг да, атаны борчундан къутулмазса.
Кёбню кёрген – кёб билир.
Кёб къычыргъандан – къоркъма, тынч олтургъандан – къоркъ.
Атынг аманнга чыкъгъандан эсе, джанынг тамагъынгдан чыкъсын.
Биреуге аманлыкъ этиб, кесинге игилик табмазса.
Бир онгсуз адам адет чыгъарды, деб эштирик тюлсе.
Къазанны башы ачыкъ болса, итге уят керекди.
Чомарт бергенин айтмаз.
Ашарыкъда сайлагъаннга – чий гырджын.
Мухарны эси – ашарыкъда.
Джыланны къуйругъундан басарынг келсе, аны башы болгъанын унутма.
Эринчекни аурууу – кёб.
Бир абыннган – минг сюрюнюр.
Иши джокъну, сыйы джокъ.
Сангырау къулакъ эл бузар.
Биреуню тёрюнден, кесинги эшик артынг игиди.
Ашхылыкъ джерде джатмайды, аманлыкъ суугъа батмайды.
Огъурлуну сёзю – суу, огъурсузну сёзю – уу.
Ышармагъан – кюлмез, кюлмеген – къууанчны билмез.
Татлы тилде – сёз ариу, чемер къолда – иш ариу.
Адам боллукъ, атламындан белгили болур.
Аякъларынгы джууургъанынга кёре узат.
Минг тенг да азды, бир джау да кёбдю.
Суу кетер, таш къалыр.
Телини эшигин, махтау джабар.
От кюйдюрген, сау болса да, тот кюйдюрген, сау болмаз.

Логин:
Пароль:
	Запомнить меня на этом компьютере

Забыли свой пароль?
Регистрация