- Гыдай эчки суугъа къараб, мюйюзле кёрмесе, джашма алкъын, дегенди.
- Джашны джигитлиги сорулур, къызны джигерлиги сорулур.
- Эринчекни эр алмаз, эр алса да, кёл салмаз, кёл салса да, кёб бармаз!
- Аманнга игилик этсенг, юйюнге сау бармазса.
- «Ма», - дегенни билмесенг, «бер», - дегенни билмезсе.
- Ётюрюкню башын керти кесер.
- Алтыда кюлмеген, алтмышда кюлмез.
- Аджашхан тёгерек айланыр.
- Ата Джуртуму башы болмасам да, босагъасында ташы болайым.
- Ауругъанны сау билмез, ач къарынны токъ билмез.
- Къонакъны къачан кетерин сорма, къачан келлигин сор.
- Айран ичген – къутулду, джугъусун джалагъан – тутулду.
- Кесинг сынамагъан затны, адамгъа буюрма.
- Джолда аягъынга сакъ бол, ушакъда тилинге сакъ бол.
- Ариу сёз – къылычдан джити.
- Къарыусузгъа кюлме, онгсузгъа тийме.
- Чакъырылмай келген къонакъ сыйланмай кетер.
- Кийимни бичсенг, кенг бич, тар этген къыйын тюлдю.
- Болджал ишни бёрю ашар.
- Кёб джашагъан – кёб билир.
- Сибиртки да сыйлы болду, кюрек да кюнлю болду.
- Ана – юйню кюн джарыгъы.
- Дженгил джетерикме деб, узун джолну къоюб, къысхасын барма.
- Алим болгъандан эсе, адам болгъан къыйынды.
- Чабакъгъа акъыл, табагъа тюшсе келеди.
- Къоркъакъны кёзю экили кёрюр.
- Тамбла алтындан бюгюн багъыр ашхы.
- Ариу сёз аурууунгу алыр.
- Тау башында, тау болмаз, джангыз терек, бау болмаз.
- Эл бла кёргенинг эрелей.
- Ёлген ийнек сютлю болур.
- Джумушакъ терекни къурт ашар.
- Кесинге джетмегенни, кёб сёлешме.
- Азыгъы аз, алгъа къабар, аты аман, алгъа чабар.
- Сабий кёргенин унутмаз.
- Иги адам абынса да, джангылмаз.
- Къайгъы тюбю – тенгиз.
- Билим ат болуб да чабар, къуш болуб да учар.
- Сабийликде юретмесенг, уллу болса – тюзелмез.
- Аллахха ийнаннган кишини, Аллах онгдурур ишин.
- Эки ойлашыб, бир сёлешген.
- Эл элде бирер малынг болгъандан эсе, бирер тенгинг болсун.
- Акъдан къара болмаз.
- Аджалсыз ёлюм болмаз.
- Кюл тюбюндеги от кёрюнмейди.
- Танг атмайма десе да, кюн къоярыкъ тюйюлдю.
- Кенгеш болса, уруш болмаз.
- Нафысынгы айтханын этме, намысынгы айтханын эт.
- Иги сёз – джаннга азыкъ, аман сёз башха – къазыкъ.
- Къарын къуру болса, джюрек уру болур.
Профиль
|
stabbanscalpay
 Эльбрусоид
Баллов: 0
Регистрация: 17.05.2015
Последний визит: 17.05.2015 14:58:09
|
|
||||||||||
|
|
|
||||||||||