- Бозаны арты дауур болур.
- Тели турса – той бузар.
- Кюлме джашха – келир башха.
- Эшекге миннген – биринчи айыб, андан джыгъылгъан – экинчи айыб.
- Адам сёзге тынгыла, акъыл сёзню ангыла.
- Хар ишни да аллы къыйынды.
- Ашлыкъ – бюртюкден, джюн – тюкден.
- Ач уят къоймаз.
- Окъумагъан сокъурду, сокъур ташха абыныр!
- Тилсиз миллет джокъ болур.
- Татлы тилде – сёз ариу, чемер къолда – иш ариу.
- Нарт сёз – тилни бети.
- Билими азны – ауузунда кирит.
- Бойнуму джети джерден кессенг да, мен ол ишни этеллик тюлме.
- Окъуусуз билим – джокъ, билимсиз кюнюнг – джокъ.
- Таукел къуру къалмаз.
- Байлыкъ тауусулур, билим тауусулмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Тил бла келеди джыр да.
- Соргъан айыб тюлдю, билмеген айыбды.
- Ач – эснер, ат – кишнер.
- Керти сёзге тёре джокъ.
- Эрни эр этерик да, къара джер этерик да, тиширыуду.
- Айныгъанлы алты кюн, тогъайгъанлы тогъуз кюн.
- Мухар, кеси тойса да, кёзю тоймаз.
- Акъылсызны джууукъгъа алма, акъыллыны кенгнге салма.
- Мадар болса, къадар болур.
- Рысхысына кёре, джаш ёсер, къышлыгъына кёре, мал ёсер.
- Бал ашаргъа сюе эсенг, чибин ургъаннга тёз.
- Садакъачыны джаны – къапчыгъында.
- Чомартха Тейри да борчлуду.
- Сабий болмагъан джерде, мёлек болмаз.
- Къызын тута билмеген, тул этер, джашын тута билмеген, къул этер.
- Кийимни бичсенг, кенг бич, тар этген къыйын тюлдю.
- Аякъларынгы джууургъанынга кёре узат.
- Кюн кёрмеген, кюн кёрсе, кюндюз чыракъ джандырыр.
- Ашаса, ашамаса да, бёрюню ауузу – къан.
- Этек чакъмакълары баш джаргъан, сёлешген сёзлери таш джаргъан.
- Иги сёз – джаннга азыкъ, аман сёз башха – къазыкъ.
- Къоркъакъны кёзю экили кёрюр.
- Ишни ахырын ойламай, аллын башлама.
- Тенги кёбню джау алмаз, акъылы кёбню дау алмаз.
- Бюгюн дуния кибик, тамбла ахыратды.
- Баш болса, бёрк табылыр.
- Джыгъылгъанны сырты джерден тоймаз.
- Мал тутхан – май джалар.
- Эринчекге кюн узун.
- Нёгерсизни джолу узун.
- Кёзю сокъурдан – къоркъма, кёлю сокъурдан – къоркъ.
- Ач бёрюге мекям джокъ.
Профиль
|
|
|
|||