- Татлы тилде – сёз ариу, чемер къолда – иш ариу.
- Термилгенинги табмазса, кюлгенинге тюберсе.
- Къызны минг тилер, бир алыр.
- Тели турса – той бузар.
- Суу да къайтады чыкъгъан джерине.
- Итли къонакъ джарашмаз.
- Дууулдаса – бал чибин, къонса – къара чибин.
- Кёбню кёрген – кёб билир.
- Адеби болмагъан къыз – тузсуз хант.
- Аджаллыгъа окъсуз шкок атылыр.
- Къыз тиширыу кеси юйюнде да къонакъды.
- Айранны сюйген, ийнек тутар.
- Адам сёзге тынгыла, акъыл сёзню ангыла.
- Дженгил джетерикме деб, узун джолну къоюб, къысхасын барма.
- Джолунга кёре – джюрюшюнг, джагъанга кёре – юлюшюнг.
- Къазанны башы ачыкъ болса, итге уят керекди.
- Ана – юйню кюн джарыгъы.
- Болджал ишни бёрю ашар.
- Ауругъанны сау билмез, ач къарынны токъ билмез.
- Азыгъы аз, алгъа къабар, аты аман, алгъа чабар.
- Къайгъы тюбю – тенгиз.
- Элде адам къалмаса, ит тахтагъа минер.
- Тыш элде солтан болгъандан эсе, кесинги элде олтан болгъан игиди!
- Башынга джетмегенни сорма.
- Кёлю джокъну – джолу джокъ.
- Айран тёгюлсе, джугъусу къалыр.
- Халкъны джырын джырласанг, халкъ санга эжиу этер.
- Гугурук къычырмаса да, тангны атары къалмаз.
- Киштикге къанат битсе, чыпчыкъ къалмаз эди.
- Aдам боллукъ, сыфатындан белгили.
- Ач, тоймам, дейди, тойгъан, ач болмам, дейди.
- Кенгеш болса, уруш болмаз.
- Къатын байлыкъны сюер, эр саулукъну сюер.
- Аджал соруб келмез, келсе, къайтыб кетмез.
- Къыз чыгъаргъан – къызыл къымжа.
- Ауурну тюбю бла, дженгилни башы бла джюрюген.
- Кёлсюзден сёзсюз тууар.
- Халкъны юйю – туугъан джери.
- Телини эшигин, махтау джабар.
- Сёз къанатсыз учар.
- Аманны эки битли тону болур, бирин сеннге кийдирир, бирин кеси киер.
- Къуру гыбыт бек дыгъырдар.
- Чомартха Тейри да борчлуду.
- Акъыллы эркиши атын махтар, акъылсыз эркиши къатынын махтар.
- Илму – джашауну джолу.
- Тилчиден кери бол.
- Таш бла ургъанны, аш бла ур.
- Эри аманны, къатыны – аман.
- Байдан умут эте, джарлыдан ёгюз багъасы къорады.
- Тёрде – темир таякълы, къаяда – чыпчыкъ аякълы.
Профиль
|
|
|||