- Адам сёзюнден белгили.
- Къая джолда джортма, ачыкъ сёзден къоркъма.
- Игилик игилик бла сингдирилиучю затды.
- Сакъ юйюне сау барыр.
- Ачны эсинде – аш.
- Джерни букъусу кёкге къонмаз.
- Къартха ушагъан джаш – акъыллы, джашха ушагъан къарт – тели.
- Чакъырылмагъан джерге барма, чакъырылгъан джерден къалма.
- Сагъышы джокъ – джукъучу, акъылы джокъ – къаугъачы.
- Ёксюзню къалачы уллу кёрюнюр.
- Эркишиге тары кебек танг кёрюнюр.
- Мал тутхан – май джалар.
- Акъыллы эркиши атын махтар, акъылсыз эркиши къатынын махтар.
- Берекет берсин деген джерде, берекет болур.
- Къартны бурнун сюрт да, оноугъа тут.
- Юйлю уругъа ит чабмаз.
- Чомарт джарлы болмаз.
- Ана къойну – балагъа джандет.
- Ашына кёре табагъы, балына кёре къалагъы.
- Рысхысына кёре, джаш ёсер, къышлыгъына кёре, мал ёсер.
- Адамны джюреги нени кёрюрге сюйсе, кёзю да аны кёрюрге ёч болады.
- Байма, деб да, къууанма, джарлыма, деб да, джылама.
- Билим – акъылны чырагъы.
- Махтаннган къыз, тойда джукълар.
- Кёлсюзден сёзсюз тууар.
- Джумушакъ сёз къаты таякъны сындырыр.
- Келинни – келгинчи, бёркню кийгинчи кёр.
- Джогъун бар этген, барын бал этген.
- Харам къарнашдан, халал тенг ашхы.
- Аджал соруб келмез, келсе, къайтыб кетмез.
- Байлыкъдан саулукъ ашхыды.
- Юй кюйдю да, кюйюз чыкъды, ортасындан тюйюш чыкъды.
- Тёзгеннге, джабылгъан эшик ачылыр.
- Къарыусузгъа кюлме, онгсузгъа тийме.
- Чарсда алчыны эл кёреди.
- Аз сёлеш, кёб ишле.
- Къонагъынгы артмагъын алма да, алгъышын ал.
- Мухар, кеси тойса да, кёзю тоймаз.
- Аш хазыр болса, иш харам болур.
- Иги адамны бир сёзю эки болмаз.
- Хансыз джомакъ болмаз.
- Ёлюк кебинсиз къалмаз.
- Телини эшигин, махтау джабар.
- Ач келгенни – тойдур, кеч келгенни – къондур.
- Сууда джау джокъ, кёб сёзде магъана джокъ.
- Тешигини къатында, чычхан да батыр болур.
- Юй ишлеген балта эшикде къалыр.
- Ариу сёз аурууунгу алыр.
- Сабий кёргенин унутмаз.
- Бал ашаргъа сюе эсенг, чибин ургъаннга тёз.
Профиль
|
|
|||