- Чомарт джарлы болмаз.
- Къарт болгъан джерде, берекет болур, сабий болгъан джерде, оюн болур.
- Къызны минг тилер, бир алыр.
- Тёгюлген тюгел джыйылмайды.
- Уллу айтханны этмеген – уллаймаз.
- Душманны тышы – акъ, ичи – къара.
- Къатын къылыкъсыз, эр тынчлыкъсыз.
- Эри аманны, къатыны – аман.
- Намыс сатылыб алынмайды.
- Ата – баланы уясы.
- Джашлыкъ этмеген, башлыкъ этмез.
- Биреу ашаб къутулур, биреу джалаб тутулур.
- Садакъачыны джаны – къапчыгъында.
- Ачлыкъда тары гырджын халыуадан татлы.
- Ашха уста, юйюнде болсун
- Тойгъан джерге джети къайт.
- Адебни адебсизден юрен.
- Эрине къаргъыш этген къатын, эрнин къабар.
- Джырына кёре эжиую.
- Ишин билген, аны сыйын чыгъарады.
- Айырылмаз джууугъунга, унутмаз сёзню айтма.
- Эски джаугъа ышанма.
- Мал тутхан – май джалар.
- Къаллай салам берсенг, аллай джууаб алырса.
- Къарны аманнга къазан такъдырма, къолу аманнга от джакъдырма.
- Эртде тургъан бла эртде юйленнген сокъуранмаз.
- Тенги кёбню джау алмаз, акъылы кёбню дау алмаз.
- Тилчиден кери бол.
- Къалгъан ишге къар джауар.
- Этим кетсе да, сюегим къалыр.
- Агъач халкъгъа алтынды, иссиликге салкъынды.
- Юйлю уругъа ит чабмаз.
- Сакъалы текени да бар, мыйыгъы киштикни да бар.
- Акъыл аздырмаз, билим тоздурмаз.
- Ётюрюкню башын керти кесер.
- Къан бла кирген, джан бла чыгъар.
- Баш – акъыл ючюн, акъылман – халкъ ючюн.
- Билмезни кёзю кёрмез, этмезни къулагъы эшитмез.
- Келинни – келгинчи, бёркню кийгинчи кёр.
- Бети бедерден, намыс сакълама.
- Къарнынг ауруса, ауузунгу тый
- Джаралыны джастыгъында сау ёлюр.
- Билимден уллу байлыкъ джокъду.
- Ашхы атаны – джашы ашхы, ашхы ананы – къызы ашхы.
- Ат басханны джер билед.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Арба аугъандан сора, джол кёргюзтюучю кёб болур.
- Джол бла сёзню къыйыры джокъ.
- Айранын берсенг, челегин да къызгъанма.
- Ауругъанны сау билмез, ач къарынны токъ билмез.
Профиль
|
|
|
|||