Эльбрусоид :: Форум :: Гъость [в

Ашарыкъда сайлагъаннга – чий гырджын.
Ишлегенден, къарагъан уста.
Къыз келсе, джумуш эте келеди, къатын келсе, ушакъ эте келеди.
Башда акъыл болмаса, эки аякъгъа кюч джетер.
Сагъышы джокъ – джукъучу, акъылы джокъ – къаугъачы.
Окъугъанны бети джарыкъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тик ёргени, тик энгишгеси да болады.
Джарлы тюеге минсе да, ит къабар.
Аз сёлеш, кёб ишле.
Къолу уллу – асыу, аягъы уллу – джарсыу.
Ишге юренсин къоллары, халкъ бла болсун джоллары.
Джуртун къоругъан озар.
Адам къаллай бир ишленмесе, аллай бир кесин уллу кёреди.
Хаухну атма, ёнгкючню сатма.
Уллу къазанда бишген эт, чий къалмаз.
Уллу сёзде уят джокъ.
Асхат ашлыкъ сата, юйдегиси ачдан къата.
Джюз элде джюз ёгюзюм болгъандан эсе, джюз джууугъум болсун.
Джумушакъ терекни къурт ашар.
Баш – акъыл ючюн, акъылман – халкъ ючюн.
Эл тойса, тоймагъан, эл къойса, къоймагъан.
Ёксюзню къалачы уллу кёрюнюр.
Азыкълы ат арымаз, къатыны аман джарымаз.
Борчунг бар эсе, хурджунунга ойлаб узал.
Джахил болса анасы, не билликди баласы?
Эски джаугъа ышанма.
Юйюнгден чыкъдынг – кюнюнгден чыкъдынг.
Насыб бютеу халкъны юлюшюдю.
Къатын байлыкъны сюер, эр саулукъну сюер.
Сангырау къулакъ эл бузар.
Кёз – сюйген джерде, къол – ауругъан джерде.
Джашда акъыл джокъ, къартда къарыу джокъ.
Татлы сёз – балдан татлы.
Акъдан къара болмаз.
Юре билмеген ит, къонакъ келтирир.
Джол бла сёзню къыйыры джокъ.
Адамны сабийин сюйген джюреги, бычакъча, джитиди.
Окъ къызбайны джокълайды.
Ишлерге уял да, ашаргъа табма.
Ашлыкъны арба юйге келтирир, чана базаргъа элтир.
Аджашханны ызындагъы кёреди, джангылгъанны джанындагъы биледи.
Дженгил джетерикме деб, узун джолну къоюб, къысхасын барма.
Билим къая тешер.
Биреуге аманлыкъ этиб, кесинге игилик табмазса.
Тешигини къатында, чычхан да батыр болур.
Ач да бол, токъ да бол – намысынга бек бол.
Къобан да къуру да къобханлай турмайды, адам да къуру да патчахлай турмайды.
Эр абынмай, эл танымаз.
Джан саулукъ бермей, сан саулукъ бермезсе.

Логин:
Пароль:
	Запомнить меня на этом компьютере

Забыли свой пароль?
Регистрация