Эльбрусоид :: Форум

Хансыз джомакъ болмаз.
Таукелге нюр джауар.
Азыкъ аз болса, эртде орун сал.
Ашхы адам – халкъ байлыгъы, ашхы джер – джашау байлыгъы.
Къонакъ хазыр болгъанлыкъгъа, къонакъбай хазыр тюлдю.
Таугъа чыгъаллыкъ эсенг, тюзде къалма.
Аманны эки битли тону болур, бирин сеннге кийдирир, бирин кеси киер.
Эл элде бирер малынг болгъандан эсе, бирер тенгинг болсун.
Джюрек кёзден алгъа кёрюр.
Уллу сёзде уят джокъ.
Ариу сёз – къылычдан джити.
Сабыр джетер муратха, сабырсыз къалыр уятха.
Тюзлюк шохлукъну бегитир.
Джашны джигитлиги сорулур, къызны джигерлиги сорулур.
Байны къызы баймакъ болса да, юйде къалмаз!
Адеб этмеген, адеб кёрмез.
Айтылгъан буйрукъ, сёгюлмез
Къазанчы аман болса, къазаны къайнамаз.
Къыйынлы джети элге оноу этер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сёз садакъдан кючлюдю.
Къарт болгъан джерде, берекет болур, сабий болгъан джерде, оюн болур.
Билген билмегенни юретген адетди.
Къалгъан ишге къар джауар.
Адам къыйынлыгъын кёлтюрюр, зауукълугъун кёлтюрмез.
От кюйдюрген, сау болса да, тот кюйдюрген, сау болмаз.
Ариу сёз аурууунгу алыр.
Джарлы тюеге минсе да, ит къабар.
Аш берме да, къаш бер.
Орну джокъну – сыйы джокъ.
Гыдай эчки суугъа къараб, мюйюзле кёрмесе, джашма алкъын, дегенди.
Къонакъ аз олтурур, кёб сынар.
Юй ишлеген балта эшикде къалыр.
Кёзден кетген, кёлден да кетеди.
Ётюрюкчюню шагъаты – къатында.
Атадан ёксюз – бир ёксюз, анадан ёксюз – эки ёксюз.
Суу да къайтады чыкъгъан джерине.
Тёзген – тёш ашар!
Къызны минг тилер, бир алыр.
Ойнаб айтсанг да, эслеб айт.
Бозанг болмагъан джерге, къалагъынгы сукъма.
Хазыр ашха – терен къашыкъ.
Адамны аты башхача, акъылы да башхады.
Аманны къуугъан, аманлыкъ табар.
Эр абынмай, эл танымаз.
Уллу сёлешме да, уллу къаб.
Эрине къаргъыш этген къатын, эрнин къабар.
Аджаллыгъа окъсуз шкок атылыр.
Къобан да къуру да къобханлай турмайды, адам да къуру да патчахлай турмайды.
Хунаны тюбюн къазсанг, юсюнге ауар.

Логин:
Пароль:
	Запомнить меня на этом компьютере

Забыли свой пароль?
Регистрация