- Элге къуллукъ этмеген, элге ие болмаз.
- Ата Джуртча джер болмаз, туугъан элча эл болмаз.
- Ашхы атаны – джашы ашхы, ашхы ананы – къызы ашхы.
- Ашлыкъны арба юйге келтирир, чана базаргъа элтир.
- Нёгер болсанг, тенг бол, тенг болмасанг, кенг бол.
- Адеби болмагъан къыз – тузсуз хант.
- Ариу сёзде ауруу джокъ.
- Джашда акъыл джокъ, къартда къарыу джокъ.
- Джарашыу сюйген – джалынчакъ.
- Чакъырылмагъан джерге барма, чакъырылгъан джерден къалма.
- Эртде тургъан джылкъычыны эркек аты тай табар.
- Эли джокъну – кёлю джокъ.
- Джарлы тюеге минсе да, ит къабар.
- Джыланны къуйругъундан басарынг келсе, аны башы болгъанын унутма.
- Аджашханны ызындагъы кёреди, джангылгъанны джанындагъы биледи.
- Адамны джюреги нени кёрюрге сюйсе, кёзю да аны кёрюрге ёч болады.
- Айныгъанлы алты кюн, тогъайгъанлы тогъуз кюн.
- Ана къолу ачытмаз.
- Аман адам элни бир-бирине джау этер.
- Харам къарнашдан, халал тенг ашхы.
- Юйюнгден чыкъдынг – кюнюнгден чыкъдынг.
- Таякъ этден ётер, тил сюекден ётер.
- Суу да къайтады чыкъгъан джерине.
- Экеулен сёлеше тура эселе, орталарына барыб кирме.
- Тилчи тилден къаныкъмаз.
- Атынг аманнга чыкъгъандан эсе, джанынг тамагъынгдан чыкъсын.
- Ашда – бёрю, ишде – ёлю.
- Эринчекге кюн узун.
- Къозулугъунда тоймагъан, къойлугъунда тоймаз.
- Бет бетге къараса, бет да джерге къарар.
- Айтылгъан сёз ызына къайтмаз.
- Адеб джокъда, намыс джокъ.
- Кёзден кетген, кёлден да кетеди.
- Къая джолда джортма, ачыкъ сёзден къоркъма.
- Джахил болса анасы, не билликди баласы?
- Ишин билген, аны сыйын чыгъарады.
- Халкъны юйю – туугъан джери.
- Байма, деб да, къууанма, джарлыма, деб да, джылама.
- Зар адам ашынгы ашар, кесинги сатар.
- Ушамагъан – джукъмаз.
- Тюзлюк тас болмайды.
- Суу ичген шауданынга тюкюрме.
- Уллу атлама – абынырса, уллу къабма – къарылырса.
- Къонакъ аз олтурур, кёб сынар.
- Терслик кетер, тюзлюк джетер.
- Къыз тиширыу кеси юйюнде да къонакъды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонагъы джокъну – шоху джокъ.
- Адамны аманы адамны бети бла ойнар.
- Аз сёлеш, кёб ишле.
Профиль
|
|
|||