- Мал тутхан – май джалар.
- Биреуге аманлыкъны тилеме да, кесинге ашхылыкъны тиле.
- Тамбла алтындан бюгюн багъыр ашхы.
- Джарлы тюеге минсе да, ит къабар.
- Аман адамны тепсинге олтуртсанг, къызынгы тилер.
- Ана къолу ачытмаз.
- Джюрекге ариу – кёзге да ариу.
- Арыгъан къош чамчы болур.
- Къумурсхала джыйылсала, пилни да джыгъадыла.
- Туз, гырджын аша, тюзлюк бла джаша.
- Тил – кесген бычакъ, сёз – атылгъан окъ.
- Джырына кёре эжиую.
- Тулпарлыкъ, билекден тюл – джюрекден.
- Джырчы джырчыгъа – къарнаш.
- Билимсиз иш бармаз.
- Бёрю да ач къалмасын, эчки да ашалмасын.
- Тойчу джашха къарама, къойчу джашха къара.
- Эки къатын алгъан – эки ташны ортасына башын салгъан.
- Бичгенде ашыкъма, тикгенде ашыкъ.
- Эл ауузу – элек, анга ийнаннган – халек.
- Тойну къарнашы – харс, джырны къарнашы – эжиу.
- Игини сыйлагъан адетди.
- Бети къызарыучу адамны, джюреги харам болмаз.
- Айырылгъанланы айю ашар, бёлюннгенлени бёрю ашар.
- Кеси юйюмде мен да ханма.
- Ариу сёз – джаннга азыкъ, аман сёз – башха къазыкъ.
- Татлы тилде – сёз ариу, чемер къолда – иш ариу.
- Чакъырылмагъан джерге барма, чакъырылгъан джерден къалма.
- Джыйырма къойну юч джыйырма эбзе кюте эди.
- Халкъгъа джарагъан, джарлы къалмаз.
- Тура эдим джата, къайдан чыкъды хата?
- Дуния аламаты сен эсенг да, игиме деб айтма.
- Адебсиз адам – джюгенсиз ат.
- Таукелге нюр джауар.
- Ач келгенни – тойдур, кеч келгенни – къондур.
- Хаухну атма, ёнгкючню сатма.
- Адеб базарда сатылмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Таякъ этден ётер, тил сюекден ётер.
- Тешик этген тынчды, аны джамагъан къыйынды.
- Билим ат болуб да чабар, къуш болуб да учар.
- Джаханимни кёрмей, джандетге кёл салмазса.
- Нёгер болсанг, тенг бол, тенг болмасанг, кенг бол.
- Сескекли кесин билдирир.
- Кюн – узун, ёмюр – къысха.
- Кюн кёрмеген, кюн кёрсе, кюндюз чыракъ джандырыр.
- Къан бла кирген, джан бла чыгъар.
- Тин – байлыгъынг, терен саулугъунг.
- Намыс сатылыб алынмайды.
- Сууда джау джокъ, кёб сёзде магъана джокъ.
Профиль
|
|
|||