- Мураты болгъанны джюрек тебюую башхады.
- Бойнуму джети джерден кессенг да, мен ол ишни этеллик тюлме.
- Юйюнгден чыкъдынг – кюнюнгден чыкъдынг.
- Эм ашхы къайын ана мамукъ бла башынгы тешер.
- Мадар болса, къадар болур.
- Адеб джокъда, намыс джокъ.
- Башланнган иш битер, къымылдагъан тиш тюшер.
- Джаш болсун, къыз болсун, акъылы, саны тюз болсун.
- Ата – баланы уясы.
- Адебсиз адам – джюгенсиз ат.
- Тюзлюк тас болмайды.
- Къыз тиширыу кеси юйюнде да къонакъды.
- Къайгъы тюбю – тенгиз.
- Садакъачыны джаны – къапчыгъында.
- Аман къатын алгъан, арыр, иги къатын алгъан джарыр.
- Ашха уста, юйюнде болсун
- Аш иеси бла татлыды.
- Кесине гебен этелмеген, биреуге черен эте эди.
- Байны оноуу, джарлыгъа джарамаз.
- Чакъырылмагъан къонакъ – орунсуз.
- Къонагъы джокъну – шоху джокъ.
- Алтыннга тот къонмаз.
- Джыйырма къойну юч джыйырма эбзе кюте эди.
- Келлик заман – къартлыкъ келтирир, кетген заман – джашлыкъ ёлтюрюр.
- Аз сёлеш, кёб ишле.
- Терслик кетер, тюзлюк джетер.
- Баш – акъыл ючюн, акъылман – халкъ ючюн.
- Иги – алгъыш этер, аман – къаргъыш этер.
- Кёлю джокъну – джолу джокъ.
- Сагъыш – къартлыкъгъа сюйюмчю.
- Адамны аты башхача, акъылы да башхады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къазанчы аман болса, къазаны къайнамаз.
- Тенги кёбню джау алмаз, акъылы кёбню дау алмаз.
- Олтуруб кёрюнмей эди да, ёрге туруб кёрюне эди.
- Чомарт джарлы болмаз.
- Къууут – джелге, берне – бошха.
- Адеби болмагъан къыз – тузсуз хант.
- Ач бёрюге мекям джокъ.
- Ётген ёмюр – акъгъан суу.
- Биреуню къыйынлыгъы бла кесинге джол ишлеме.
- Аман хансны – урлугъу кёб.
- Иги сеники эсе да, сюйген кесимикин этеме.
- Тилде сюек болмаса да, сюек сындырыр.
- Итли къонакъ джарашмаз.
- Чоюнну башы ачыкъ болса, итге уят керекди.
- Акъыл аздырмаз, билим тоздурмаз.
- Тил – кесген бычакъ, сёз – атылгъан окъ.
- Акъыл сабырлыкъ берир.
- Дженгил джетерикме деб, узун джолну къоюб, къысхасын барма.
Профиль
|
|
|
|||