- Эркиши – от, тиширыу – суу.
- Кёл ашады да, кеси ашады.
- Окъугъан озар, окъумагъан тозар.
- Сангырау къулакъ эл бузар.
- Ауругъанны сау билмез, ач къарынны токъ билмез.
- Рысхысына кёре, джаш ёсер, къышлыгъына кёре, мал ёсер.
- Къонакъны къачан кетерин сорма, къачан келлигин сор.
- Нафысынгы айтханын этме, намысынгы айтханын эт.
- Бичгенде ашыкъма, тикгенде ашыкъ.
- Ариу сёз – джаннга азыкъ, аман сёз – башха къазыкъ.
- Сескекли кесин билдирир.
- Байдан умут эте, джарлыдан ёгюз багъасы къорады.
- Ишге юренсин къоллары, халкъ бла болсун джоллары.
- Аз сёлешген, къайгъысыз турур.
- Ачлыкъ отха секиртир.
- Джумушакъ сёз къаты таякъны сындырыр.
- Чыбыкълыкъда бюгюлмеген, къазыкълыкъда бюгюлмей эди.
- Кенгеш болса, уруш болмаз.
- Алма терегинден кери кетмез.
- Тулпарлыкъ, билекден тюл – джюрекден.
- Ашхы сёз таш тешер.
- Керти сёзге тёре джокъ.
- Эл бла кёргенинг эрелей.
- Ётюрюкчюню шагъаты – къатында.
- Ана – юйню кюн джарыгъы.
- Эркишиге тары кебек танг кёрюнюр.
- Тойчу джашха къарама, къойчу джашха къара.
- Ёлмесенг да, къарт дамы болмазса?
- Джаш къарыу бла кючлю, къарт акъыл бла кючлю.
- Чакъырылмагъан къонакъ къачан кетерин сормаз.
- Джыланны къуйругъундан басарынг келсе, аны башы болгъанын унутма.
- Аман киши кеси юйюнде – къонакъ.
- Окъугъан – асыу, окъумагъан – джарсыу.
- Башы ишлегенни, ауузу да ишлер.
- Этек чакъмакълары баш джаргъан, сёлешген сёзлери таш джаргъан.
- Ач да бол, токъ да бол – намысынга бек бол.
- Хата – гитчеден.
- Чабакъ башындан чирийди.
- Эли джокъну – кёлю джокъ.
- Къанны къан бла джуума, аманны аман бла къуума.
- Ышармагъан – кюлмез, кюлмеген – къууанчны билмез.
- Къонакъ кёб келюучю юйню, къазаны отдан тюшмез.
- Баш болса, бёрк табылыр.
- Эртде тургъан бла эртде юйленнген сокъуранмаз.
- Элде адам къалмаса, ит тахтагъа минер.
- Зар адамны насыбы болмаз.
- Таукел адам тау тешер.
- Билеги кючлю, бирни джыгъар, билими кючлю, мингни джыгъар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Келлик заман – къартлыкъ келтирир, кетген заман – джашлыкъ ёлтюрюр.
Профиль
|
|
|
|||