- Ауузу бла къуш тута айланады.
- Аз сёлешген, къайгъысыз турур.
- Адамгъа аман кюн соруб келмейди.
- Ишлегенде эринме, ишде чолакъ кёрюнме.
- Игиге айтсанг – билир, аманнга айтсанг – кюлюр.
- Аманнга алтын чыдамаз.
- Сибиртки да сыйлы болду, кюрек да кюнлю болду.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айыбны суу бла джууалмазса.
- Эл ауузу – элек, анга ийнаннган – халек.
- Джылыгъа джылан илешир.
- Адам боллукъ, атламындан белгили болур.
- Уясында не кёрсе, учханында аны этер.
- Эки къатын алгъан – эки ташны ортасына башын салгъан.
- Ышармагъан – кюлмез, кюлмеген – къууанчны билмез.
- Къобан да къуру да къобханлай турмайды, адам да къуру да патчахлай турмайды.
- Сангырау къулакъ эл бузар.
- Аман эсирсе, юйюн ояр.
- Джан саулукъ бермей, сан саулукъ бермезсе.
- Ач да бол, токъ да бол – намысынга бек бол.
- Баш болса, бёрк табылыр.
- Тёрде – темир таякълы, къаяда – чыпчыкъ аякълы.
- Джашда акъыл джокъ, къартда къарыу джокъ.
- Ачыкъ джюрекге джол – ачыкъ.
- Къартха ушагъан джаш – акъыллы, джашха ушагъан къарт – тели.
- Аллахха ийнаннган кишини, Аллах онгдурур ишин.
- Сескекли кесин билдирир.
- Аман адам этегингден тутса, кес да къач.
- Билимли ёлмез, билимсиз кёрмез.
- Бермеген къол, алмайды.
- Гугурук къычырмаса да, тангны атары къалмаз.
- Игини сыйлагъан адетди.
- Къонакъ кёб келюучю юйню, къазаны отдан тюшмез.
- Ауурну тюбю бла, дженгилни башы бла джюрюген.
- Дуния малгъа сатылма, кесингден телиге къатылма.
- Окъуусуз билим – джокъ, билимсиз кюнюнг – джокъ.
- Аллахдан тилесенг, кёб тиле.
- Керек ташны ауурлугъу джокъ.
- «Ма», - дегенни билмесенг, «бер», - дегенни билмезсе.
- Келгинчи, къонакъ уялыр, келгенден сора, къонакъбай уялыр.
- Танг атмайма десе да, кюн къоярыкъ тюйюлдю.
- Айтхан сёзюне табылгъан.
- Онгсузну – джакъла, тенгликни – сакъла.
- Ёлген аслан – сау чычхан.
- Керилген да, ургъан кибикди.
- Кёпюр салгъан кеси ётер, уру къазгъан кеси кетер.
- Айныгъанлы алты кюн, тогъайгъанлы тогъуз кюн.
- Иги джашны ышаны – аз сёлешиб, кёб тынгылар.
- Ойнай билмеген, оюн бузар.
- Ёзденликни джайгъан – джокълукъ.
Профиль
|
|
|||