- Иги бла джюрюсенг, джетерсе муратынга, аман бла джюрюсенг, къалырса уятха.
- Бек ашыкъгъан меннге джетсин, дегенди аракъы.
- Эрине къаргъыш этген къатын, эрнин къабар.
- Къарнынг къанлынга кийирир.
- Чакъырылмагъан джерге барма, чакъырылгъан джерден къалма.
- Ханы къызы буюгъа-буюгъа киштик болду.
- Ёлген эшек бёрюден къоркъмайды.
- Ачылгъан эт джабылыр, кёрген кёз унутмаз.
- Башсыз урчукъ тюзюне айланмаз.
- Тай асырагъан, атха минер.
- Келинин тута билмеген, къул этер, къызын тута билмеген, тул этер.
- Окъугъан – асыу, окъумагъан – джарсыу.
- Магъанасыз сёз – тауушсуз сыбызгъы.
- Аман адам элни бир-бирине джау этер.
- Этек чакъмакълары баш джаргъан, сёлешген сёзлери таш джаргъан.
- Къартны бурнун сюрт да, оноугъа тут.
- Алим болгъандан эсе, адам болгъан къыйынды.
- Тил – кесген бычакъ, сёз – атылгъан окъ.
- Ишленмеклик адамлыкъды.
- Тилчи тилден къаныкъмаз.
- Татлы тилде – сёз ариу, чемер къолда – иш ариу.
- Сютден ауузу кюйген, суугъа юфгюре эди.
- Ёлюр джаннга, ёкюл джокъ.
- Тюзню ётмеги тюзде къалса да, тас болмаз.
- Къызын тута билмеген, тул этер, джашын тута билмеген, къул этер.
- Джан саулукъ бермей, сан саулукъ бермезсе.
- Эл тойса, тоймагъан, эл къойса, къоймагъан.
- Къонакъ аз олтурур, кёб сынар.
- Джашлыкъ этмеген, башлыкъ этмез.
- Хар адамгъа кеси миннген тау кибик.
- Бойнуму джети джерден кессенг да, мен ол ишни этеллик тюлме.
- Тынгылагъан тынгы бузар.
- Тойгъан антын унутур.
- Аурууну келиую тынч, кетиую – къыйын.
- Айныгъанлы алты кюн, тогъайгъанлы тогъуз кюн.
- Адеб базарда сатылмаз.
- Айтхан сёзюне табылгъан.
- Ойнай-ойнай кёз чыгъар.
- Джашынгы кесинг юретмесенг, джашау юретир.
- Къатыны харакетли болса, эри къымсыз болур.
- Ёнгкюч къууана барыр, джылай келир.
- Джуртун къоругъан озар.
- Баргъанынга кёре болур келгенинг.
- Къонакъны къачан кетерин сорма, къачан келлигин сор.
- Суугъа – чабакъ, къаягъа – ыргъакъ.
- Сескекли кесин билдирир.
- Эки къатын алгъан – эки ташны ортасына башын салгъан.
- Насыблы элин сюер, насыбсыз кесин сюер.
- Элиб деген, элге болушур.
- Мени джылытмагъан кюн, меннге тиймесин!
Профиль
|
|
|||