- Адамны аты башхача, акъылы да башхады.
- Харам къарнашдан, халал тенг ашхы.
- Джыйырма къойну юч джыйырма эбзе кюте эди.
- Къарыусузгъа кюлме, онгсузгъа тийме.
- Джумушакъ сёз къаты таякъны сындырыр.
- Бир абыннган – минг сюрюнюр.
- Ашда – бёрю, ишде – ёлю.
- Кесине оноу эте билмеген, халкъына да эте билмез.
- Къарнынг тойгъунчу аша да, белинг талгъынчы ишле.
- Сакъламагъан затынга джолукъсанг, не бек къууанаса, не бек ачыйса.
- Эки элинги тыйсанг, джети элде махталырса.
- Билеги кючлю, бирни джыгъар, билими кючлю, мингни джыгъар.
- Билимли ёлмез, билимсиз кёрмез.
- Аякъларынгы джууургъанынга кёре узат.
- Уллу атлама – абынырса, уллу къабма – къарылырса.
- Къазанда болса, чолпугъа чыгъар.
- Игилик игилик бла сингдирилиучю затды.
- Ёнгкюч къууана барыр, джылай келир.
- Тойгъан джерге джети къайт.
- Бичгенде ашыкъма, тикгенде ашыкъ.
- Къанны къан бла джуума, аманны аман бла къуума.
- Ана – юйню кюн джарыгъы.
- Биреуню эскиси биреуге джангы болмайды.
- Чакъырылмагъан къонакъ къачан кетерин сормаз.
- Нарт сёз – тилни бети.
- Ёгюзню мюйюзюнден тутадыла, адамны сёзюнден тутадыла.
- Абынмазлыкъ аякъ джокъ, джангылмазлыкъ джаякъ джокъ.
- Ач къалгъандан, кеч къалгъан къолай.
- Иги джашны ышаны – аз сёлешиб, кёб тынгылар.
- Ариу сёз аурууунгу алыр.
- Ашда уялгъан – мухар, ишде уялгъан – хомух.
- Джашлыкъ этмеген, башлыкъ этмез.
- Шапа кёб болса, аш татымсыз болур.
- Сескекли кесин билдирир.
- Игиге айтсанг – билир, аманнга айтсанг – кюлюр.
- Сабийликде юретмесенг, уллу болса – тюзелмез.
- Адебни адебсизден юрен.
- Ачыкъ джюрекге джол – ачыкъ.
- Биреуге кёлтюрген таягъынг, кесинги башынга урур.
- Урама да – ёледи, сатама да – келеди.
- Ёпкелегенни ашы татлы болады.
- Эрине къаргъыш этген къатын, эрнин къабар.
- Джуртун къоругъан озар.
- Таш ата билмеген, башына урур.
- Къонакъ кёб келюучю юйню, къазаны отдан тюшмез.
- Эте билген, этген этеди, эте билмеген, юретген этеди!
- Босагъа таш юйге кирмей эди, тыбыр таш эшикге чыкъмай эди.
- Тёрде – темир таякълы, къаяда – чыпчыкъ аякълы.
- Чарсда алчыны эл кёреди.
- Джаш къарыу бла кючлю, къарт акъыл бла кючлю.
Профиль
|
|
|||