Эльбрусоид :: Форум

Кенгеш болса, уруш болмаз.
Джиби бир къат джетмей эди да, эки къат тарта эди.
Ишлегенде эринме, ишде чолакъ кёрюнме.
Мен да «сен», дейме, сен да «кесим», дейсе.
Таула не мийик болсала да, аууш табылыр.
Аман адам этегингден тутса, кес да къач.
Чёбню кёлтюрсенг, тюбюнден сёз чыгъар.
Байлыкъдан саулукъ ашхыды.
Джетген къыз джерли эшекни танымаз.
Къралынгы – душмандан, башынгы от бла суудан сакъла.
Юйюнг бла джау болгъандан эсе, элинг бла джау бол.
Тюзлюк шохлукъну бегитир.
Ариу сёз джыланны орнундан чыгъарыр.
Сабий болмагъан джерде, мёлек болмаз.
Садакъачыны джаны – къапчыгъында.
Сёз сёзню айтдырыр.
Ёксюзню къалачы уллу кёрюнюр.
Ана къолу ачытмаз.
Эл ауузу – элия.
Уллу сёзде уят джокъ.
Къарт айтханны этмеген, къартаймаз.
Бети бедерден, намыс сакълама.
Чомартха Тейри да борчлуду.
Сютню башын джалагъан къутулур, тюбюн ичген тутулур.
Эки ойлашыб, бир сёлешген.
Алим болгъандан эсе, адам болгъан къыйынды.
Ашха уста, юйюнде болсун
Айранны сюйген, ийнек тутар.
Аман эсирсе, юйюн ояр.
Миллетни бойну – базыкъ, аны бла кюрешген – джазыкъ.
Ишге юренсин къоллары, халкъ бла болсун джоллары.
Эртде тургъан бла эртде юйленнген сокъуранмаз.
Джылкъыдан – ат чыгъар, тукъумдан – джаш чыгъар.
Тынгылагъан тынгы бузар.
Къолунгдан къуймакъ ашатсанг да, атаны борчундан къутулмазса.
Ёмюрлюк шохлукъну джел элтмез.
Ашын ашагъанынгы, башын да сыйла.
Зарда марда джокъ.
Сакъалы текени да бар, мыйыгъы киштикни да бар.
Ариу сёз – къылычдан джити.
Тилчи бир сагъатха айлыкъ хата этер.
От кюйдюрген, сау болса да, тот кюйдюрген, сау болмаз.
Кёрмегеннге кебек – танг, битмегеннге сакъал – танг.
Ойнай билмеген, уруб къачар.
Махтаннган къыз, тойда джукълар.
Аш кетер да бет къалыр.
Акъыллы эркиши атын махтар, акъылсыз эркиши къатынын махтар.
Душманны тышы – акъ, ичи – къара.
Сабийликде юретмесенг, уллу болса – тюзелмез.
Ашхылыкъ джерде джатмайды, аманлыкъ суугъа батмайды.

Логин:
Пароль:
	Запомнить меня на этом компьютере

Забыли свой пароль?
Регистрация